పవన్‌.. హరీష్‌ శంకర్‌ మూవీ ఇంట్రెస్టింగ్‌ అప్‌ డేట్‌

పవన్ కళ్యాణ్‌ బ్యాక్‌ టు బ్యాక్ చిత్రాలతో బిజీ బిజీగా ఉన్నాడు. వకీల్ సాబ్ తో ఇటీవలే ప్రేక్షకుల ముందుకు వచ్చిన పవన్‌ కళ్యాణ్‌ మరో వైపు సాగర్ చంద్ర దర్శకత్వంలో మలయాళ సూపర్‌ హిట్‌ మూవీ అయ్యప్పనుమ్‌ కోషియుమ్‌ లో రానాతో కలిసి నటిస్తున్నాడు. అలాగే క్రిష్‌ దర్శకత్వంలో హరి హర వీరమల్లు సినిమాను కూడా చేస్తున్నాడు. కరోనా కారణంగా కాస్త ఆలస్యం అవుతున్న ఈ రెండు సినిమాలు సెట్స్ పై ఉండగానే హరీష్‌ శంకర్ దర్శకత్వంలో సినిమాను కూడా పవన్ సెట్స్ పైకి తీసుకు వెళ్లే అవకాశాలు ఉన్నాయంటున్నారు. పవన్‌ కళ్యాణ్‌.. హరీష్‌ శంకర్ ల కాంబోలో వచ్చిన గబ్బర్‌ సింగ్‌ సెన్షేషన్‌ సక్సెస్ గా నిలిచిన విషయం తెల్సిందే. ఆ సినిమా తర్వాత మళ్లీ ఇన్నాళ్లకు వీరిద్దరి కాంబో సెట్‌ అయ్యింది. ఈ సినిమా గురించి ఒక ఆసక్తికర వార్త ఒకటి సినీ వర్గాల్లో మరియు మీడియా సర్కిల్‌ లో చర్చనీయాంశంగా మారింది.

గబ్బర్ సింగ్‌ తో పాటు పవన్‌ కళ్యాణ్‌ అంతకు ముందు నటించిన పలు సినిమాల్లో అలీ ముఖ్య పాత్రల్లో కనిపించాడు. కాని ఈమద్య కాలంలో పవన్ సినిమాల్లో ఆయన కనిపించడం లేదు. వకీల్ సాబ్‌ సినిమా లో అలీ పాత్రకు స్కోప్‌ లేకపోవడంతో ఆయన్ను నటింపజేయలేదు. అయ్యప్పనుమ్ రీమేక్ మరియు హరిహర వీరమల్లు సినిమాల కథలు కూడా అలీ పాత్రకు స్కోప్ లేకపోవడంతో పవన్.. అలీ ల కాంబోను చూసే అవకాశం లేదు. కాని హరీష్‌ శంకర్‌ దర్శకత్వంలో రూపొందబోతున్న సినిమాలో మాత్రం అలీ కి ఫుల్ లెంగ్త్‌ పాత్రను ఇచ్చినట్లుగా తెలుస్తోంది. గబ్బర్ సింగ్ సినిమాలో ఎలా అయితే పవన్‌ తో ట్రావెల్‌ అయ్యే పాత్ర చేశాడో ఈ సినిమాలో కూడా అలాంటి పాత్రను హరీష్‌ శంకర్ రాసినట్లుగా తెలుస్తోంది.

అలీతో నటించడంను ఎంజాయ్‌ చేస్తానంటూ గతంలో పలు ఇంటర్వ్యూల్లో పవన్‌ కళ్యాణ్‌ చెప్పుకొచ్చాడు. మద్యలో కొన్ని కారణాల వల్ల గ్యాప్ వచ్చింది. పైగా అలీ జనసేనలో కాకుండా వైకాపాలో జాయిన్ అవ్వడం వల్ల కూడా ఇద్దరి మద్య గ్యాప్ వచ్చిందని వార్తలు వచ్చాయి. కాని రాజకీయాలతో సంబంధం లేకుండా అలీ ఇంట వేడుకలో పవన్‌ ఇటీవల హాజరు అయ్యి మా మద్య ఎలాంటి విభేదాలు లేవు అంటూ చెప్పకనే చెప్పాడు. దాంతో హరీష్‌ శంకర్ మూవీలో పవన్‌ తో అలీ మళ్లీ సందడి చేయడం ఖాయం అంటూ ఇండస్ట్రీ వర్గాల వారు అంటున్నారు.