'దృశ్యం 2'లో అదిరిపోయే ట్విస్ట్ అదే!

'దృశ్యం' సినిమా కథ అంతా కూడా ఒక మధ్యతరరగతి కుటుంబం చుట్టూ .. ఒక ఆడపిల్ల తండ్రి చుట్టూ తిరుగుతుంది. తన కుటుంబాన్ని కాపాడుకోవడం కోసం ఒక మధ్యతరగతి తండ్రి పడే ఆరాటంగా .. పోరాటంగా ఈ కథ నడుస్తుంది. ప్ర్రతి మధ్యతరగతి ఆడపిల్ల తండ్రి .. వెంకటేశ్ పాత్ర్రకి కనెక్ట్ అవుతాడు. ఆ పాత్రను చివరివరకూ ఫాలో అవుతూ వెళతాడు.  సినిమా ఎక్కడికక్కడ అనూహ్యమైన మలుపులు తీసుకుంటూ .. ఆసక్తిని రేకెత్తిస్తూ ముందుకు వెళుతుంది.

ఈ సినిమాలో హీరో తాను హత్య చేసిన యువకుడిని నిర్మాణంలో ఉన్న పోలీస్ స్టేషన్ ప్రదేశంలో పూడ్చి పెడతాడు. ఇదే ఈ సినిమాలో హైలైట్ అయింది. పోలీసులు హీరో ఇంటిచుట్టూ తిరుగుతుంటారు .. హీరో దాచిన శవం పోలీస్ స్టేషన్ క్రిందే ఉంటుంది. సినిమా చూసిన ప్ర్రతి ఒక్కరికీ కూడా ఈ ఐడియా బాగుందనిపిస్తుంది. అంతకు మించిన సీన్ ఒకటి 'దృశ్యం 2'లో కనిపిస్తుంది. మొదటిభాగంలో హీరో పోలీసులను తన ఉచ్చులో బిగిస్తే, రెండవ భాగంలో పోలీసులు అతనిని ఉచ్చులో బిగించడానికి ఏం చేశారనేది ఉత్కంఠను రేకెత్తిస్తుంది.

పోలీసుల వ్యూహానికి సంబంధించిన ఈ ఎపిసోడ్ చాలా ఇంట్రెస్టింగ్ గా అనిపిస్తుంది. ఈ సినిమా మొత్తంలోకి ఇదే హైలైట్ సీన్ గా నిలుస్తుంది. మలయాళ సినిమాను తెరకెక్కించిన జీతూ జోసెఫ్ నే తెలుగు రీమేక్ కి దర్శకుడిగా వ్యవహరిస్తున్నాడు. ఆయన స్క్రీన్ ప్లే ఈ సినిమాకి ప్రధానమైన బలంగా నిలవనుంది. ఇప్పటికే చిత్రీకరణ పరంగా ముగింపు దశకి చేరుకుంది. మలయాళ సీక్వెల్ హిట్ టాక్ తెచ్చుకోవడం వలన, తెలుగు సీక్వెల్ కూడా విజయాన్ని సాధిస్తుందనే నమ్మకంతో వెంకటేశ్ అభిమానులు ఉన్నారు.