మెగాస్టార్‌ తో 'పవర్‌' వంటి మాస్‌ మసాలా పక్కా

మెగాస్టార్‌ చిరంజీవి నటించిన ఆచార్య సినిమా విడుదలకు సిద్దంగా ఉంది. వచ్చే ఏడాది ఆరంభంలో సినిమాను విడుదల చేయబోతున్నట్లుగా అధికారికంగా ప్రకటించారు. ఆ సినిమా తర్వాత గాడ్ ఫాదర్ ను చిరంజీవి చేస్తున్నాడు. మరో వైపు భోళా శంకర్ సినిమాను కూడా చిరంజీవి కన్ఫర్మ్‌ చేశాడు. గాడ్‌ ఫాదర్‌ సినిమా 'లూసీఫర్‌' కు రీమేక్ కాగా.. భోళా శంకర్ సినిమా 'వేదాళం' సినిమాకు రీమేక్ అనే విషయం తెల్సిందే. వచ్చే ఏడాది సమ్మర్ కు ఈ రెండు సినిమాలను ముగించాలని భావిస్తున్నారు. ఈ రెండు సినిమాలు కాకుండా చిరంజీవి బాబీ దర్శకత్వంలో ఒక సినిమాను చేసేందుకు సిద్దం అయ్యాడు. జై లవకుశ వంటి విభిన్న సినిమాను తెరకెక్కించిన బాబీ మెగాస్టార్‌ కోసం ప్రత్యేకమైన కథను సిద్దం చేశాడని అంటున్నారు.

రవితేజతో పవర్ వంటి మాస్ మసాలా సినిమాను తెరకెక్కించిన దర్శకుడు బాబీ ఇప్పుడు చిరంజీవి కోసం కూడా అదే తరహా మాస్ మసాలా సినిమాను తెరకెక్కించేందుకు గాను స్క్రిప్ట్‌ ను రెడీ చేస్తున్నట్లుగా సమాచారం అందుతోంది. విశ్వసనీయంగా అందుతున్న సమాచారం ప్రకారం చిరంజీవిని 1990 ల్లో ప్రేక్షకులు ఎలా చూశారో అలా తన సినిమాలో చూపించేందుకు గాను బాబీ ప్లాన్‌ చేస్తున్నాడు అంటూ వార్తలు వస్తున్నాయి. ఇటీవల చిరంజీవి బర్త్ డే సందర్బంగా ఒక ఫొటో బయటకు వచ్చింది. అందులో చిరంజీవి వయసు మూడు పదులు తగ్గినట్లుగా కనిపించింది. కనుక చిరంజీవిని తన సినిమాలో 1990 ల్లో ఎలా అభిమానులు చూశారో అలాగే చూడబోతున్నారు అంటూ బాబీ చెప్పకనే చెప్పినట్లుగా అనిపిస్తుంది.

బాబీ మాస్ సినిమాలకు పెట్టింది పేరు అన్నట్లుగా అభిమానులు భావిస్తూ ఉంటారు. అలాంటి బాబీతో సినిమా అంటే మెగాస్టార్‌ అభిమానులు ఖచ్చితంగా ఓ రేంజ్ లో ఊహించుకుంటారు. అందుకే బాబీ చాలా వర్కౌట్ చేసి స్క్రిప్ట్‌ ను సిద్దం చేస్తున్నాడు. పరుచూరి బ్రదర్స్ పర్యవేక్షణ కూడా ఈ సినిమా స్క్రిప్ట్‌ కు ఉందని సమాచారం అందుతోంది. వారి యొక్క మాస్ స్టైల్‌ మరియు పవర్‌ తరహా మాస్ ప్రజెన్స్ ను దర్శకుడు బాబీ మెగాస్టార్‌ సినిమాకు ఇవ్వబోతున్నట్లుగా తెలుస్తోంది. చిరంజీవి తో సినిమా అవకాశం రావడం చాలా గొప్ప విషయం. అలాంటి అవకాశంను ప్రతి ఒక్కరు సాధ్యం అయినంతగా వినియోగించుకునేందుకు ప్రయత్నిస్తూ ఉంటారు. తెలుగు లో బాబీ మరో భారీ బ్లాక్ బస్టర్ ను దక్కించుకోవడం ఖాయం అన్నట్లుగా మెగా అభిమానులు కామెంట్స్ చేస్తున్నారు.