లోగో టాక్: మహానటి! యాక్షన్ సినిమానా?

ఈరోజు మహానటి సావిత్రి పుట్టనరోజు సందర్బంగా.. టాలీవుడ్ లో చాలా హడావుడే జరిగింది. ఎందుకంటే ఏనాడూ ఎప్పుడూ సావిత్రి కోసం సోషల్ మీడియాలో అంతేసి ట్వీట్లు వేసి ఉండరు కాని.. ఇవాళ మాత్రం సాయంత్రం ఆ నటిపై తీస్తున్న ఒక సినిమా తాలూకు వీడియో ఏదో రాబోతుందని.. తెగ ట్వీటేశారు. బాగానే ఉంది. ఇంతకీ ''మహానటి'' పేరుతో తీస్తున్న ఆ సినిమా తాలూకు వీడియో ఏంటో తెలుసా?

సినిమా టైటిల్ మాత్రమే ఇప్పటివరకు పబ్లిసిటీలో ఉంది కాని.. ఆ టైటిల్ డిజైన్ ఎలా ఉంటుందో ఎవ్వరికీ తెలియదు. అందుకే ఇప్పుడు ''మహానటి'' లోగో యానిమేషన్ ను విడుదల చేసింది టీమ్. మాయాబజార్ సినిమాలో ఉన్న ఆ మాయాపేటికను ఓపెన్ చేయగానే.. అందులోని నుండి లోగో రివీల్ అయినట్లు చూపించారు. అక్కడి వరకు ఐడియా బాగానే ఉంది కాని.. ఆ తరువాత లోగో యానిమేషన్ మాత్రం.. ఇదేదో యాక్షన్ సినిమా తాలూకు టైటిల్ అన్నట్లు ఉంది. దానికి తగ్గట్లు మ్యూజిక్ కూడా అలాగే ఉంది. అందుకే ఈ వీడియో చూడగానే.. మహానటి యాక్షన్ సినిమానా అంటూ చాలామంది నెటిజన్లు జోకులు పేలుస్తున్నారు.

'ఎవడే సుబ్రమణ్యం' సినిమాతో పాపులర్ అయిన నాగ్ అశ్విన్.. నిర్మాత అశ్వినీ దత్ ప్రొడక్షన్లో ఈ మహానటి సినిమాను చేస్తున్నాడు. సావిత్రిగా కీర్తి సురేష్‌.. జమునగా సమంత.. ఎస్వీరంగారావు పాత్రలో మోహన్ బాబు.. జెమిని గణేశన్ గా డల్కర్ సల్మాన్.. ఏఎన్నార్ పాత్రలో విజయ్ దేవరకొండ ఈ సినిమాలో నటిస్తున్నారు. అది సంగతి.



Full View