చోటా హీరోయిన్ కి వరుణ్ తేజ్ ప్రమోషన్

ప్రేమ కథలతో వరుసగా బ్లాక్ బస్టర్స్ కొట్టేస్తున్న మెగా హీరో వరుణ్ తేజ్.. ఇప్పుడు మళ్లీ తన స్టైల్ లో ఓ మాంచి ప్రయోగం చేయబోతున్నాడు. క్షణం మూవీతో తన సత్తా చాటిన యంగ్ డైరెక్టర్ సంకల్ప్ రెడ్డి.. ఇప్పుడు ఓ స్పేస్ థీమ్ తో మూవీ చేయనున్నాడు. ఈ చిత్రంలో అదితి రావు హైదరి మెయిన్ హీరోయిన్ గా నటిస్తుండగా.. సెకండ్ హీరోయిన్ ప్లేస్ లో ఓ ఉత్తరాది భామను తీసుకున్నారు.

కావ్య థాపర్ అనే నార్త్ ఇండియన్ ను తీసుకున్నాడు దర్శకుడు సంకల్ప్ రెడ్డి. ఈ చిత్రంలో కావ్య రోల్ కి ఇంపార్టెన్స్ కాస్త తక్కువగానే ఉంటుందట కానీ.. స్టోరీకి మాత్రం కీలకంగా ఉంటుందని తెలుస్తోంది. అయితే.. పేరు వినగానే ఈ భామ టాలీవుడ్ కి పూర్తిగా కొత్త అనుకోవచ్చు. కానీ ఈ చిన్నది ఇప్పటికే ఓ తెలుగు సినిమాను దాదాపు పూర్తి చేసేసింది కూడా. ఫైట్ మాస్టర్ విజయ్ కుమారుడు రాహుల్ విజయ్ హీరోగా రూపొందుతున్న చిత్రంలో హీరోయిన్ గా నటించింది కావ్య థాపర్.

ఇంకా ఆ చిన్న సినిమా రిలీజ్ కాకుండానే.. వరుణ్ తేజ్ మూవీలో ఆఫర్ దక్కించుకోవడం చెప్పుకోవాల్సిన విషయం. అరంగేట్ర సినిమా విడుదల కాకుండా తర్వాతి సినిమాలకు సైన్ చేస్తోందంటే.. ఈ చిన్నదానిపై టాలీవుడ్ మేకర్స్ కు కాన్ఫిడెన్స్ ఎంతగా ఉందో అర్ధం చేసుకోవచ్చు.