క‌థ‌ వేరుంట‌ది అంటున్న‌'ఉప్పెన‌' డైరెక్ట‌ర్

బిగ్‌బాస్ ఫేమ్ స‌య్య‌ద్ సోహైల్ రియాన్ హీరోగా ప‌రిచ‌యం అవుతున్న చిత్రం `మిస్ట‌ర్ ప్రెగ్నెంట్‌`. మైక్ మూవీస్ బ్యాన‌ర్ పై అన్న‌ప‌రెడ్డి అప్పిరెడ్డి, ర‌విరెడ్డి స‌జ్జ‌ల సంయుక్తంగా ఈ మూవీని నిర్మిస్తున్నారు. శ్రీ‌నివాస్ వింజ‌నంపాటి ఈ మూవీ ద్వారా డైరెక్ట‌ర్ గా ప‌రిచ‌యం అవుతున్నారు. చిత్రీక‌ర‌ణ పూర్తి చేసుకుని పోస్ట్ ప్రొడ‌క్ష‌న్ కార్య‌క్ర‌మాలు జ‌రుపుకుంటోంది. రిలీజ్ కోసం సిద్ధం అవుతున్న నేప‌థ్యంలో ఈ మూవీ ప్ర‌మోష‌న్స్ ని మేక‌ర్స్ సంక్రాంతి సంద‌ర్భంగా స్టార్ చేశారు.

ఈ సంద‌ర్భంగా ఈ మూవీలోని `క‌థ వేరే వుంట‌ది` అంటూ సాగే లిరిక‌ల్ వీడియోని `ఉప్పెన‌` ఫేమ్ బుచ్చిబాబు సాన విడుద‌ల చేశారు. శుక్ర‌వారం ఉద‌యం 9:00 గంట‌ల‌కు ఈ పాట‌ని విడుద‌ల చేశాసి `మిస్ట‌ర్ ప్రెగ్నెంట్` టీమ్ కి శుబాకాంక్ష‌లు అంద‌జేశారు ద‌ర్శ‌కుడు బుచ్చిబాబు. `ఓ స‌క్క‌నోడా.. త‌గ్గ‌నోడా... నిన్ను చూసి పుట్టుకొచ్చె గుండెలో ద‌డ‌.. ఓ అల్ల‌రోడా.. బుగ్గ గిల్లి సూడా.. అంటూ సాగే ఈ పాట లిరిక‌ల్ వీడియో ప్ర‌స్తుతం నెట్టింట ఆక‌ట్టుకుంటోంది.

శ్ర‌వ‌ణ్ భ‌ర‌ద్వాజ్ సంగీతం అందించిన ఈ పాట‌కు కిట్టు విస్సాప్ర‌గ‌డ సాహిత్యాన్ని అందించారు. `నీ బుల్లెట్టు బండెక్కి వ‌చ్చేత్తాపా.. ` అంటూ సంచ‌ల‌నం సృష్టించిన మోహ‌న భోగ‌రాజు ఈ పాట‌ని ఆల‌పించారు. హీరో ప్రెగ్నెంట్‌కావ‌డం అనే విభిన్న‌మైన కాన్సెప్ట్ తో రూపొందుతున్న ఈ మూవీ ఫ‌స్ట్ లుక్ గ్లింప్స్ ఇప్ప‌టికే టాక్ ఆఫ్ ది ఇండ‌స్ట్రీగా మారింది.

బిగ్‌బాస్ సీజ‌న్ 4 తో పాపులారిటీని సొంతం చేసుకున్న సయ్య‌ద్ సోహైల్ రియాన్ ఈ మూవీతో హీరోగా త‌న స‌త్తాని చాటుకోవాల‌ని తొలి ప్ర‌య‌త్నంలోనే ప్ర‌యోగాత్మ‌క క‌థ‌తో ప్రేక్ష‌కుల ముందుకొస్తున్నారు. ఓ బ‌ర్నింగ్ ఇష్యూ నేప‌థ్యంలో రూపొందుతున్న ఈ మూవీలో సుహాసిని మ‌ణిర‌త్నం, రాజా ర‌వీంద్ర‌, బ్ర‌హ్మాజీ, అలీ, హ‌ర్ష కీల‌క పాత్ర‌ల్లో న‌టిస్తున్నారు.