'రివెంజ్ తీర్చుకుంటా' అంటున్న ఐటమ్ హీరోయిన్.. ఎవరిపై??

విదేశీ వయ్యారి నోరా ఫతేహి గురించి టాలీవుడ్ ప్రేక్షకులకు పెద్దగా పరిచయం చేయాల్సిన పనిలేదు. ఎందుకంటే బాలీవుడ్ తో పాటు టాలీవుడ్ పాపులర్ ఐటమ్ సాంగ్స్ లో నోరా ఆడిపాడింది. ముఖ్యంగా టెంపర్ మూవీలోని ఇట్టాగే రెచ్చిపోదాం, బాహుబలి మూవీలోని మనోహరి పాటలు నోరాకు మంచి పాపులారిటీ తీసుకొచ్చాయి. ఈ అమ్మడు గత కొన్నేళ్లుగా బాలీవుడ్ ఇండస్ట్రీలోనే సెటిల్ అయ్యే ప్రయత్నం చేస్తోంది.

బాలీవుడ్ లో ఐటమ్ సాంగ్స్, ప్రైవేట్ మ్యూజిక్ ఆల్బమ్స్ చేసుకుంటూ ఫుల్ క్రేజ్ సొంతం చేసుకుంది. అయితే నోరా గ్లామర్ పరంగా మాత్రం మిలియన్ల కుర్రకారుకు కలలరాణిగా వెలుగుతోంది. ఇక తాజాగా అమ్మడు ఇంస్టాగ్రామ్ వేదికగా ఓ పోస్ట్ పెట్టి అందరిని షాక్ కి గురిచేసింది. అదికూడా రివెంజ్ తీర్చుకుంటా అంటూ పోస్ట్ పెట్టేసరికి అందరూ అసలు ఏం జరిగింది? అంటూ సందేహాలు వ్యక్తం చేస్తున్నారు.

ఇదిలా ఉండగా.. గతేడాది అక్టోబర్‌లో టి-సిరీస్ భూషణ్ కుమార్ సమర్పించిన మరో మ్యూజిక్ ఆల్బమ్‌లో ఆడిపాడింది. 'చోడ్ దేంగే' అని పేరు పెట్టబడిన ఈ మ్యూజిక్ ఆల్బమ్ కు అరవిందర్ ఖైరా దర్శకత్వం వహించాడు. యోగేష్ దూబే అందించిన లిరిక్స్ కు సచేత్ పరంపర మ్యూజిక్ అందించి పాటను ఆలపించాడు. అయితే చోడ్ దేంగే ఒక హృదయ విదారకమైన పగతో కూడిన పాట. అసలు విషయం ఏంటంటే.. నోరా నిన్న ఇన్‌స్టాగ్రామ్‌లో తన అభిమానులను ఆటపట్టించింది.

"నేను పశ్చాత్తాపం వద్దు.. నాకు రివెంజ్ బాగా నచ్చిందది. నన్ను నమ్మండి ఖచ్చితంగా రివెంజ్ తీర్చుకుంటా" అంటూ పోస్ట్ చేసింది. ఈ వీడియో సాంగ్ లో నోరాను ఇంతకుముందు చూడని భయంకరమైన ప్రదర్శనతో చూడబోతున్నాం. ఈ వీడియో సాంగ్ కు సంబంధించిన పోస్ట్ నోరా పోస్ట్ చేసింది. కానీ సోషల్ మీడియాలో నోరా పోస్ట్ వేరేలా కన్వే అయింది. అందుకే అందరూ వివిధ రకాలుగా స్పందించారు. మేకర్స్ త్వరలోనే సాంగ్ విడుదల తేదీ ప్రకటిస్తారట. ఇక నోరా సినిమాల విషయానికి వస్తే.. ప్రస్తుతం అభిషేక్ దుధయ్య తెరకెక్కించనున్న "భుజ్: ది ప్రైడ్ ఆఫ్ ఇండియా" మూవీలో నటిస్తుంది. ఈ సినిమాలో అజయ్ దేవగన్, సంజయ్ దత్, సోనాక్షి సిన్హాలు కీలకపాత్రలు పోషిస్తున్నారు.