'దృశ్యం-2'లో స్టార్ హీరో, హీరోయిన్..!

విక్టరీ వెంకటేష్ ప్రస్తుతం రీమేక్ సినిమాలు చేసుకుంటూ సేఫ్ జోన్ లో ఉంటున్నాడు. ఆల్రెడీ వేరే భాషలో సూపర్ హిట్ సినిమాలను వెంకీ లైన్ లో పెడుతున్నాడు. ఈ విధంగా తెరకెక్కుతున్న సినిమానే నారప్ప. తమిళంలో సూపర్ హిట్ అందుకున్న అసురన్ సినిమా రీమేక్ ఇది. ధనుష్ హీరోగా తెరకెక్కిన ఈ సినిమా వందకోట్ల క్లబ్బులో చేరింది. ఈ సినిమాను వెంకటేష్, ప్రియమణి ప్రధాన పాత్రలలో శ్రీకాంత్ అడ్డాల దర్శకత్వంలో రెడీ అవుతోంది. అలాగే వెంకీ తాజాగా మలయాళం సూపర్ హిట్ మూవీ దృశ్యం-2 సినిమాను కూడా లైన్ లో పెట్టేసాడు. ఇటీవలే పూజా కార్యక్రమం ముగించుకున్న ఈ సినిమాలో టాలీవుడ్ స్టార్స్ రానా దగ్గుబాటి, సమంతలు కీలకపాత్రలలో కనిపించునున్నారని సమాచారం.

అయితే దృశ్యం-2 లో రానా పోలీస్ ఆఫీసర్ పాత్రలో నటించనున్నాడు. ఇదిలా ఉండగా ఈ సినిమాలో కూడా వెంకటేష్ జోడిగా మీనానే నటిస్తోంది. మలయాళంలో సూపర్ హిట్ అయిన దృశ్యం మొదటిపార్ట్ కూడా వెంకీనే రీమేక్ చేసాడు. ఇప్పుడు దృశ్యం-2 కూడా వెంకీనే చేస్తున్నాడు. అయితే మలయాళంలో మోహన్ లాల్, మీనా ప్రధానపాత్రలలో నటించిన ఈ సినిమా అన్ని భాషల్లో రీమేక్ చేసే సన్నాహాలు జరుగుతున్నాయి. ఈ రెండు సినిమాలతో పాటు వెంకీ.. అనిల్ రావిపూడి దర్శకత్వంలో ఎఫ్3 మూవీ చేస్తున్న సంగతి తెలిసిందే. ప్రస్తుతం వెంకీ చేస్తున్న ఈ మూడు సినిమాలు ఇదే ఏడాది విడుదల చేయనున్నారు మేకర్స్. ఎందుకంటే ఆల్రెడీ నారప్ప సమ్మర్ లో రానుండగా.. ఎఫ్3 ఆగష్టులో రాబోతుంది. ఇక దృశ్యం-2 డిసెంబర్ నెలలో విడుదల చేస్తారని ఇండస్ట్రీ టాక్. చూడాలి మరి వెంకీ సేఫ్ మూవీస్ తో హిట్స్ అందుకుంటాడేమో!