మారుతి రెండు పడ‌వ‌ల ప్ర‌యాణం

ఈ మ‌ధ్య చాలా మంది యంగ్ డైరెక్ట‌ర్స్ బ్యాక్ టు బ్యాక్ సినిమాలు చేస్తూనే డిజిట‌ల్ ప్ర‌పంచంలో వెబ్ సిరీస్ లు కూడా చేసేస్తూ షాకిస్తున్నారు. స‌మ‌యం కుదిరితే ప్ర‌తీ ప్లాట్ ఫామ్ ని ప‌ర్‌ఫెక్ట్ గా వాడుకోవాల‌ని చూస్తున్నారు. ఈ విష‌యంలో యంగ్ డైరెక్ట‌ర్ మారుతి ముందు వ‌రుస‌లో నిలుస్తున్నారు. వెండితెర‌పై బ్యాక్ టు బ్యాక్ సినిమాల‌ని రెడీ చేస్తూనే ఓటీటీ ప్లాట్ ఫామ్ కోసం కూడా వెబ్ డ్రామాల‌ని రూపొందిస్తున్నారు. ఇటీవ‌ల `3 రోజెస్‌` అనే రొమాంటిక్ వెబ్ డ్రామాతో ఓటీటీలోనూ సంద‌డి మొద‌లుపెట్టేశారు.

మారుతి తొలి సారి చేసిన ఈ వెబ్ సిరీస్ రొమాంటిక్ కంటెంట్ ని ఇష్ట‌ప‌డే ప్రేక్ష‌కుల్ని అమితంగా ఆక‌ట్టుకుంది. తాజాగా ఈ సిరీస్ ఇచ్చిన జోష్‌తో మారుతి మ‌రో వెబ్ సిరీస్ కి రెడీ అయిపోతున్నారు. ఓ ప‌క్క సినిమాలు చేస్తూనే వెబ్ సిరీస్ ల‌ని సైలెంట్ గా ప‌ట్టాలెక్కిస్తుండ‌టం విశేషం.  `3 రోజెస్‌` ఆహా ఓటీటీ కోసం చేసిన మారుతి తాజాగా ఇదే ఓటీటీ ప్లాట్ ఫామ్ కోసం మ‌రో వెబ్ సిరీస్ ని చేస్తున్నారు. ఈ వెబ్ సిరీస్ కి `ఇంటింటి రామాయ‌ణం` అనే టైటిల్ ని ఖ‌రారు చేశారు.

ఈ వెబ్ సిరీస్ కి ఆయ‌న నిర్మాత‌గా మాత్ర‌మే వ్య‌వ‌హ‌రిస్తున్నారు. స్క్రిప్ట్ విష‌యంలోనూ ఆయ‌నే బాధ్య‌త‌లు తీసుకుంటున్నారు. వ‌న్స్ స్క్రిప్ట్ ఫైన‌ల్ అయ్యాక ఈ వెబ్ సిరీస్ ని ప్రారంభంచ‌బోతున్నార‌ట‌. ఇందుకు సంబంధించిన ఏర్పాట్లు చ‌క చ‌కా జ‌రుగుతున్నాయ‌ట‌. `ఆహా` కోసం మూడు వెబ్ సిరీస్ లు చేయాల‌ని మారుతి ఒప్పందం కుదుర్చుకున్నార‌ట‌. అందులో భాగంగా ఇది రెండ‌వ వెబ్ సిరీస్‌. ఈ వెబ్ సిరీస్ కు మారుతి వ‌ద్ద స‌హాయ‌కుడిగా వ్య‌వ‌హ‌రిస్తున్న ఓ వ్య‌క్తి దర్శ‌క‌త్వం వ‌హిస్తార‌ని తెలిసింది.

ప్ర‌స్తుతం మారుతి హీరో గోపీచంద్ తో `ప‌క్కా క‌మ‌ర్షియ‌ల్‌` మూవీని పూర్తి చేశారు. యువీ క్రియేష‌న్స్ బ్యాన‌ర్ పై ఈ మూవీని నిర్మించారు. చిత్రీక‌ర‌ణ, పోస్ట్ ప్రొడ‌క్ష‌న్ కార్య‌క్ర‌మాలు పూర్తి చేసుకున్న ఈ మూవీ రిలీజ్ డేట్ పై చిత్ర బృందం త‌ర్జ‌న భ‌ర్జ‌న ప‌డుతోంది. బిగ్ మూవీస్ రిలీజ్ త‌రువాత త‌మ సినిమాని విడుద‌ల చేయాల‌ని మేక‌ర్స్ ఫైన‌ల్ గా ఫిక్స‌య్యార‌ట‌. దీంతో ఇంత వ‌ర‌కు `ప‌క్కా క‌మ‌ర్షియ‌ల్` మూవీ రిలీజ్ డేట్ ని ప్ర‌క‌టించ‌లేదు. ఇదిలా వుంటే ఈ మూవీ త‌రువాత ప్ర‌భాస్ తో మారుతి ఓ భారీ చిత్రం చేయ‌డానికి రెడీ అవుతున్న విష‌యం తెలిసిందే.