#RRR నుండి మరో మూడు రోజుల్లో ఇంకో పోస్టర్‌ రానుంది

టాలీవుడ్‌ జక్కన్న రాజమౌళి దర్శకత్వంలో రూపొందుతున్న ఆర్‌ఆర్ఆర్ సినిమా కోసం దేశ వ్యాప్తంగా ఉన్న సినీ అభిమానులు మాత్రమే కాకుండా ప్రపంచ వ్యాప్తంగా ఉన్న ఇండియన్‌ సినీ అభిమానులు ఎంతో ఆసక్తిగా ఎదురు చూస్తున్నారు. ఎన్టీఆర్‌ మరియు చరణ్‌ లు నటిస్తున్న ఈ సినిమా లో బాలీవుడ్‌ స్టార్స్ ఆలియా భట్‌ మరియు అజయ్ దేవగన్‌ లు కూడా నటించిన కారణంగా ఇండియన్‌ మూవీ ఇండస్ట్రీ మొత్తం కూడా ఈ సినిమా వైపు ఆసక్తిగా చూస్తుంది అనడంలో ఎలాంటి సందేహం లేదు. అద్బుతమైన పాత్రలతో జక్కన్న చేసే సినిమా ఖచ్చితంగా ప్రేక్షకులను అలరిస్తుంది అనడంలో సందేహం లేదు. రాజమౌళి సినిమాలోని ప్రతి ఒక్క పాత్ర దానికి తగ్గట్లు అది హైలైట్‌ గా నిలుస్తూ ఉంటుంది. ఆర్‌ఆర్‌ఆర్ లో అజయ్‌ దేవగన్ పాత్ర కూడా అద్బుతంగా ఉంటుందని అంటున్నారు. ఆ పాత్రకు సంబంధించిన పోస్టర్‌ రాబోతుంది.

అజయ్ దేవగన్ పుట్టిన రోజు సందర్బంగా ఏప్రిల్‌ 2వ తారీకున పోస్టర్ ను విడుదల చేయాలని భావిస్తున్నారు. ఆర్‌ఆర్‌ఆర్‌ లో అజయ్ దేవగన్‌ కొమురం భీమ్‌ మరియు అల్లూరికి గురువుగా కనిపించబోతున్నట్లుగా టాక్ వినిపిస్తుంది. ఆ విషయమై ఇంకా ఎలాంటి క్లారిటీ అయితే రాలేదు. కాని ఈ సినిమాలోని అజయ్ దేవగన్ లుక్ ను రివీల్‌ చేయబోతున్న నేపథ్యంలో ఆసక్తి నెలకొంది. రెండు రోజుల క్రితమే రామ్‌ చరణ్‌ బర్త్‌ డే సందర్బంగా అల్లూరి పోస్టర్ ను విడుదల చేసిన జక్కన్న సినిమాపై అంచనాలు పెంచాడు. ఇప్పుడు అజయ్ దేవగన్‌ పాత్ర కు సంబంధించిన లుక్ ను విడుదదల చేసి మళ్లీ సినిమాను వార్తల్లో నిలిపే అవకాశం ఉంది.