రామ్ సినిమాలో లక్కీ స్టార్‌

ఆది పినిశెట్టి ఒక వైపు తమిళంలో హీరోగా సినిమాలు చేస్తూ మరో వైపు తెలుగులో క్యారెక్టర్‌ ఆర్టిస్టుగా విలన్ గా నటిస్తున్నాడు. తెలుగు లో ఈయన సరైనోడు సినిమాలో విలన్ గా నటించాడు. ఆ సినిమా మంచి విజయాన్ని సొంతం చేసుకుంది. ఇక రంగస్థలం మరియు నిన్ను కోరి సినిమాల్లో క్యారెక్టర్ ఆర్టిస్టుగా నటించాడు. ఆ సినిమాలు కూడా మంచి విజయాన్ని సొంతం చేసుకున్నాయి. సమంత నటించిన యూటర్న్ ఇంకా కొన్ని సినిమా ల్లో కూడా ఆది నటించి మెప్పించాడు. ఆ సినిమాల ఫలితాలు కూడా పాజిటివ్‌ గా వచ్చాయి. దాంతో ఆది అంటే టాలీవుడ్‌ కు లక్కీ స్టార్‌ గా పేరు వచ్చింది. తెలుగు సినిమాల్లో ఆయన నటిస్తే తప్పకుండా విజయం దక్కుతుందనే నమ్మకంతో కొందరు ఆయన్ను సెంటిమెంట్ తో తమ సినిమాల్లో నటింపజేసేందుకు ప్రయత్నాలు చేస్తున్నారు. తాజాగా రామ్‌ హీరోగా లింగు స్వామి దర్శకత్వంలో రూపొందుతున్న సినిమా లో ఆది పినిశెట్టిని ఎంపిక చేసినట్లుగా అధికారిక ప్రకటన వచ్చింది.

రామ్‌ మూవీలో ఆది పినిశెట్టి విలన్ గా కనిపించే అవకాశాలు ఉన్నాయంటున్నాడు. సరైనోడు సినిమా లో అల్లు అర్జున్‌ కు ధీటుగా దాటిగా ఆది విలనిజం పండించి ఆకట్టుకున్నాడు. కనుక ఈ సినిమా లో కూడా ఆయన ఖచ్చితంగా విలన్ గా సక్సెస్ అవ్వడంతో పాటు రామ్‌ సినిమాలో ప్రధాన ఆకర్షణగా నిలుస్తాడనే నమ్మకం వ్యక్తం అవుతోంది. ఎనర్జిటిక్ స్టార్‌ రామ్‌ కు సరైన పోటీగా నిలిచేందుకు విలన్‌ గా ఆది ఖచ్చితంగా సూట్ అవుతాడని సినీ విశ్లేషకులు కూడా అభిప్రాయం వ్యక్తం చేస్తున్నారు. రామ్‌ మరియు ఆదిల మద్య సన్నివేశాలు ఢీ అంటే ఢీ అన్నట్లుగా ఉండటం ఖాయం అని ఇప్పటి నుండే అభిమానులు నమ్మకంతో ఉన్నారు.

ఇక ఆది నటించిన రెండు తమిళ సినిమాలు విడుదలకు సిద్దంగా ఉన్నాయి. థియేటర్లు క్లోజ్ ఉండటం వల్ల ఆ సినిమా లను వాయిదా వేస్తూ వచ్చారు. కరోనా సెకండ్‌ వేవ్ ప్రభావం కాస్త తగ్గడం వల్ల సినిమాలు విడుదల అవుతున్నాయి. కనుక ఆది సినిమాలు విడుదల కాబోతున్నాయి. రామ్‌ సినిమా మాత్రమే కాకుండా మరికొన్ని సినిమాలను కూడా ఆది చేస్తున్నాడు. హీరోగా నటుడిగా బిజీగా ఉన్న ఆది ఎంట్రీ వల్ల రామ్‌ 19 సినిమా వెయిట్ పెరిగినట్లే అని.. తమిళంలో కూడా విడుదల కాబోతున్న ఈ సినిమాకు ఖచ్చితంగా మంచి బిజినెస్ అవ్వడంతో పాటు మంచి వసూళ్లు అక్కడ నమోదు అవుతాయనే నమ్మకంను ట్రేడ్‌ వర్గాల వారు వ్యక్తం చేస్తున్నారు.