ఈయనే బాలీవుడ్‌ కొత్త బాద్‌ షా

బాలీవుడ్‌ స్టార్‌ హీరోలు అనగానే ఖాన్స్‌ త్రయం గుర్తుకు వస్తుంది. ఆ తర్వాతే అజయ్‌ దేవగన్‌.. అక్షయ్‌ కుమార్‌ ల పేర్లు ప్రస్తావనకు వచ్చేవి. కాని ఇప్పుడు పరిస్థితి మారింది. ఒకప్పుడు బాలీవుడ్‌ బాద్‌ షా గా గుర్తింపు దక్కించుకున్న షారుఖ్‌ ఖాన్‌ చాలా కాలంగా సరైన సక్సెస్‌ లేకపోవడంతో ఢీలా పడిపోయాడు. ఇక సల్మాన్‌ ఖాన్‌ రెగ్యులర్‌ గా సినిమాలు చేస్తూ ఉన్నా కూడా అడపా దడపా మాత్రమే సక్సెస్‌ లు వస్తున్నాయి. ఇక అమీర్‌ ఖాన్‌ చాలా స్లోగా సినిమాలు చేస్తున్నాడు. ఈ నేపథ్యంలో వరుసగా చిత్రాలు చేస్తు విజయాలను దక్కించుకుంటున్న అక్షయ్‌ కుమార్‌ బాలీవుడ్‌ బాద్‌ షా అయ్యాడు.

అక్షయ్‌ కుమార్‌ బాలీవుడ్‌ బాద్‌ షా అంటూ ఏకంగా ఫోర్బ్స్‌ సంస్థ ప్రకటించింది. బాలీవుడ్‌ సెలబ్రెటీల్లో గత ఏడాది అత్యధికంగా సంపాదించిన హీరో అక్షయ్‌ కుమార్‌ అని ఫోర్బ్స్‌ వెళ్లడించింది. గత ఏడాది ఏకంగా 444 కోట్ల రూపాయలను అక్షయ్‌ కుమార్‌ సంపాదించినట్లుగా పేర్కొన్నారు. కేవలం సినిమాలు మాత్రమే కాకుండా వెబ్‌ సిరీస్‌ లు యాడ్స్‌ ఇంకా పలు మార్గాల ద్వారా అక్షయ్‌ కుమార్‌ ఈ మొత్తంను సంపాదించినట్లుగా పోర్బ్స్‌ వెళ్లడించింది.

బాలీవుడ్‌ కు చెందిన ఇంత మంది స్టార్స్‌ ఉండగా అక్షయ్‌ కుమార్‌ నెం.1 స్థానంలో నిలవడంతో ఇకపై బాలీవుడ్‌ బాద్‌ షా అంటూ అక్షయ్‌ కుమార్‌ ను పిలవాల్సిందే అంటూ ఆయన అభిమానులు సోషల్‌ మీడియా ద్వారా ప్రచారం చేస్తున్నారు. తన ప్రతి సినిమాకు పారితోషికంతో పాటు లాభాల్లో వాటాను తీసుకుంటూ ఉండటం వల్ల దాదాపు 50 కోట్లను దక్కించుకున్న అక్షయ్‌ కుమార్‌ దాదాపు టాప్‌ 20 బ్రాండ్స్‌ కు అంబాసిడర్‌ గా వ్యవహరిస్తున్నాడు. ఇక ప్రముఖ వెబ్‌ స్ట్రీమింగ్‌ సంస్థతో భారీ మొత్తానికి అగ్రిమెంట్‌ కుదుర్చుకున్నాడు. ఆ కారణంగా గత ఏడాది బాలీవుడ్‌ బాద్‌ షా అక్షయ్‌ అయ్యాడు.