పవన్ ఫైట్లు కుమ్మేస్తున్నాడట

పవన్ కళ్యాణ్ సినిమాల్లో యాక్షన్ సీక్వెన్స్ లకు స్పెషల్ ఇంపార్టెన్స్ ఉంటుంది. మొదట్లో అయితే తన ఫైట్ సీక్వెన్స్ లను తనే డిజైన్ చేసుకుని తన యాక్షన్ ఎపిసోడ్స్ కు విపరీతమైన క్రేజ్ తెచ్చుకున్నాడు. ఇప్పటికీ పవన్ ఓ యాక్షన్ ఎపిసోడ్ లో కనిపిస్తాడంటే.. అభిమానులు పండుగ చేసేసుకుంటారు.

ప్రస్తుతం మాటల మాంత్రికుడు త్రివిక్రమ్ సినిమాలో కనిపించనున్నాడు పవన్ కళ్యాణ్. ఇప్పుడు పవన్ తో పాటు మూవీ టీం అంతా బ్యాంకాక్ లో ఉండగా.. అక్కడ యాక్షన్ ఎపిసోడ్ నే తెరకెక్కిస్తున్నారట. ఈ మూవీలో ఉండే హై ఓల్టేజ్ ఎపిసోడ్స్ లో ఇది కూడా ఒకటి అని తెలుస్తోంది. ఇంకా టైటిల్ డిసైడ్ చేయని ఈ చిత్రంలో మొత్తం 7 యాక్షన్ ఎపిసోడ్స్ ఉంటాయని.. అన్నీ వేటికవే ప్రత్యేకంగా నిలుస్తూ మూవీకి హైలైట్ గా నిలుస్తాయని అంటున్నారు.

పవన్ కళ్యాణ్-త్రివిక్రమ్ కాంబినేషన్ అంటే సహజంగా ఓ ఫ్యామిలీ ఎంటర్టెయినర్ ను ఆశిస్తారు జనాలు. ఆ ఎలిమెంట్స్ ఏవీ మిస్ కాకుండా.. హై ఓల్టేజ్ యాక్షన్ తో థ్రిల్ చేయనున్నారట వీరిద్దరూ. ఒకే సినిమాలో 7 యాక్షన్ ఎపిసోడ్స్ ఉన్నా.. అన్నీ కథానుసారం వచ్చేవే తప్ప.. స్టోరీకి అవసరం లేకుండా సింగిల్ సీన్ కూడా ఉండదని తెలుస్తోంది.