మారుతి ఎఫెక్ట్.. హరీష్ సేఫ్ ప్లాన్ లో ఉన్నారా?

పవర్ స్టార్ పవన్ కళ్యాణ్ లీడ్ రోల్ లో తెరకెక్కుతున్న లేటెస్ట్ మూవీ ఉస్తాద్ భగత్ సింగ్ పై రోజురోజుకు ఆసక్తి పెరుగుతోంది. ఆ చిత్రానికి దర్శకత్వం వహించిన హరీష్ శంకర్.. సినిమాను ఎంతో జాగ్రత్తగా ముందుకు తీసుకెళ్తున్నట్టు ఇప్పుడు టాక్ వినిపిస్తోంది. ముఖ్యంగా సినిమా ప్రమోషన్స్ విషయంలో ఆయన తీసుకుంటున్న నిర్ణయాలు ఇప్పుడు చర్చనీయాంశంగా మారాయి.

గతంలో దర్శకుడు మారుతి చేసిన కొన్ని మిస్టేక్స్ ను దృష్టిలో పెట్టుకుని, హరీష్ శంకర్ అప్రమత్తంగా వ్యవహరిస్తున్నారని సమాచారం. మారుతి తన సినిమా ప్రచారంలో భాగంగా అనవసర విషయాలు, వ్యక్తిగత వివరాలు బయట పెట్టడం వల్ల ఆ సినిమా మీద నెగిటివ్ ఎఫెక్ట్ పడిందనే విమర్శలు వచ్చిన విషయం తెలిసిందే. ఈ నేపథ్యంలో అలాంటి పొరపాట్లు రిపీట్ చేయకుండా హరీష్ శంకర్ జాగ్రత్త పడుతున్నట్లు తెలుస్తోంది.

ఉస్తాద్ భగత్ సింగ్ మూవీ ప్రమోషన్స్‌ లో హరీష్ శంకర్ పూర్తిగా పవన్ కళ్యాణ్ ఇమేజ్, ఆయన ఎనర్జీ, స్క్రీన్ ప్రెజెన్స్‌ పైనే ఫోకస్ పెడుతున్నారని సమాచారం. సినిమా ఎంత రికార్డులు సృష్టిస్తుంది, ఎన్ని వసూళ్లు వస్తాయి వంటి అంశాలపై పెద్దగా వ్యాఖ్యలు చేయకుండా ఉంటున్నట్లు కనిపిస్తున్నారు. కంటెంట్ మీద ప్రేక్షకుల దృష్టిని నిలిపే ప్రయత్నం చేస్తున్నారని స్పష్టంగా అర్థమవుతుంది.

నిజానికి.. ఇటీవల కాలంలో కొన్ని సినిమాలు రిలీజ్‌ కు ముందే భారీ హైప్ సృష్టించి, రికార్డుల గురించి ఎక్కువగా మాట్లాడటం వల్ల అంచనాలు ఆకాశాన్ని తాకాయి. అయితే రిలీజ్ తర్వాత ఆ అంచనాలను అందుకోకపోవడంతో నిరాశ కలిగిన సందర్భాలు ఉన్నాయి. ఈ నేపథ్యంలో హరీష్ శంకర్ ఆ దారిలో వెళ్లకుండా.. సరైన ప్రచారంతో ముందుకు సాగడం విశేషమని చెప్పాలి.

అదే సమయంలో పవన్ కళ్యాణ్ ఫ్యాన్స్‌ లో ఇప్పటికే ఉస్తాద్ భగత్ సింగ్ సినిమాపై భారీ అంచనాలు ఉన్నాయి. ఆయన రాజకీయాల మధ్యలో కూడా సినిమాలకు సమయం కేటాయించడం, అలాగే హరీష్ శంకర్‌ తో ఆయనకు ఉన్న హిట్ కాంబినేషన్ కారణంగా ఉస్తాద్ భగత్ సింగ్ పై ఆసక్తి మరింత పెరిగింది. ఆ అంచనాలను సరిగ్గా మేనేజ్ చేయడం దర్శకుడికి పెద్ద సవాల్‌ గా మారింది.

సినిమా ప్రమోషన్ అనేది కేవలం ప్రచారం మాత్రమే కాకుండా, ప్రేక్షకులలో సరైన ఫీలింగ్ ను క్రియేట్ చేసే ప్రాసెస్ కూడా. ఆ విషయంలో హరీష్ శంకర్ తీసుకుంటున్న జాగ్రత్తలు భవిష్యత్తులో ఇతర దర్శకులకు ఒక పాఠంగా మారే అవకాశం ఉంది. ఏదేమైనా హరీష్ ప్రమోషన్స్ చేస్తూనే, ఎక్కడ అవసరమో అక్కడే మాట్లాడటం, అనవసర హైప్‌ కు దూరంగా ఉండటం ద్వారా ఉస్తాద్ భగత్ సింగ్ సినిమాను సేఫ్ జోన్‌ లో ఉంచే ప్రయత్నం చేస్తున్నట్టు స్పష్టంగా కనిపిస్తోంది. రిలీజ్ తర్వాత ఆ ప్లాన్ ఎంతవరకు వర్కౌట్ అవుతుందో తెలియనుంది.