ఆ వార్తలు ఓవైపు.. ప్రజా నాయకుడిగా పవన్ ఇలా!
| భార్య అన్నా కొణిదెలతో పవన్ కళ్యాణ్ విడిపోతున్నారంటూ వస్తున్న వార్తలపై చర్చ కొనసాగుతోంది. ఈ నేపథ్యంలోనూ పవన్ తన ప్రభుత్వ బాధ్యతలను కొనసాగిస్తున్నారు. మంగళవారం వెలగపూడి సచివాలయంలో చంద్రబాబు అధ్యక్షతన జరిగిన కేబినెట్ సమావేశానికి హాజరయ్యారు. అయితే వ్యక్తిగత జీవితంపై వస్తున్న వార్తలకు పవన్ స్పందిస్తే స్పష్టత వస్తుందని అభిమానులు భావిస్తున్నారు.
ఏపీ డిప్యూటీ సీఎం పవన్ కళ్యాణ్ వ్యక్తిగత జీవితానికి సంబంధించి కొన్ని వార్తలు వస్తున్న సంగతి తెలిసిందే. భార్య అన్నా కొణిదెలతో విడిపోతున్నారంటూ మీడియాలో రిపోర్ట్స్ రావడం హాట్ టాపిక్గా మారింది. ఈ వార్తలపై రకరకాల అభిప్రాయాలు వినిపిస్తున్నాయి. అయితే ఇలాంటి సమయంలోనూ పవన్ తన ప్రభుత్వ కార్యక్రమాలతో బిజీగా ఉండటం హైలెట్ అవుతోంది. వ్యక్తిగతంగా ఏం జరుగుతున్నా డిప్యూటీ సీఎంగా తన పనులను కొనసాగిస్తున్నారు.
మంగళవారం వెలగపూడి సచివాలయంలో సీఎం చంద్రబాబు నాయుడు అధ్యక్షతన జరిగిన కేబినెట్ సమావేశానికి పవన్ హాజరయ్యారు. ఇతర మంత్రులతో కలిసి సమావేశంలో పాల్గొన్నారు. చంద్రబాబుతో కలిసి నడుస్తున్న ఫొటోలతో పాటు కేబినెట్ సమావేశంలో ఉన్న ఫొటోలు వైరల్ అవుతున్నాయి. ఈ ఫొటోల్లో పవన్ ఎప్పటిలాగే కనిపించారు.
నిజానికి పవన్ వ్యక్తిగత జీవితం గురించి గతంలోనూ చాలాసార్లు వార్తలు వచ్చాయి. రాజకీయంగా ప్రత్యర్థులు కూడా ఆయన పెళ్లిళ్ల అంశాన్ని ప్రస్తావిస్తూ విమర్శలు చేసిన సందర్భాలున్నాయి. ఇప్పుడు మరోసారి అలాంటి వార్తలు వస్తున్నా పవన్ మాత్రం వాటిపై ఎలాంటి స్పందన ఇవ్వకుండా తన పనుల్లో ఉన్నారు.
ఇక్కడ రాజకీయాలు వేరు, వ్యక్తిగత జీవితం వేరు అనే కోణం కూడా ఉంది. ఒక వ్యక్తి కుటుంబానికి సంబంధించిన నిర్ణయాలు తీసుకోవడం ఒక అంశమైతే, ప్రజలు ఎన్నుకున్న నాయకుడిగా బాధ్యతలు నిర్వర్తించడం మరో అంశం. వ్యక్తిగత విషయాలపై ఎవరి అభిప్రాయాలు వారికి ఉండొచ్చు. కానీ ప్రభుత్వంలో పవన్ ఏం చేస్తున్నారు, తన శాఖలకు ఎంత సమయం కేటాయిస్తున్నారు, ఎలాంటి నిర్ణయాలు తీసుకుంటున్నారనేది ముఖ్యం.
మరోవైపు ప్రస్తుతం వస్తున్న వార్తలపై పవన్ నుంచి క్లారిటీ వస్తే బాగుంటుందని జనసేన అభిమానులు నుంచి కూడా కామెంట్స్ వినిపిస్తున్నాయి. ఆయన వ్యక్తిగత జీవితానికి సంబంధించిన అంశమే అయినప్పటికీ, రాజకీయంగా కీలక స్థానంలో ఉండటంతో ఈ వ్యవహారంపై ఆసక్తి నెలకొంది. ముఖ్యంగా సోషల్ మీడియాలో వస్తున్న రకరకాల కథనాలకు పవన్ స్వయంగా స్పందిస్తే స్పష్టత వస్తుందని అభిమానులు అభిప్రాయపడుతున్నారు.
పవన్ కళ్యాణ్కు జీవితంలో ఇలాంటి పరిస్థితులు కొత్తేమీ కాదు. సినీ కెరీర్లో విమర్శలు, పరాజయాలు, భారీ విజయాలు చూశారు. రాజకీయాల్లోనూ ఓటమి నుంచి డిప్యూటీ సీఎం స్థాయికి చేరుకున్నారు. ఎన్నో సందర్భాల్లో తనపై వచ్చిన విమర్శలకు నేరుగా సమాధానమిచ్చారు. ఇప్పుడు వ్యక్తిగత జీవితంపై వస్తున్న వార్తల విషయంలోనూ సరైన సమయంలో స్పందిస్తారని అభిమానులు ఆశిస్తున్నారు. మరి పవన్ ఈ అంశంపై క్లారిటీ ఇస్తారా, లేక వ్యక్తిగత వ్యవహారంగా భావించి స్పందించకుండా ఉంటారా అనేది చూడాలి.