సరికొత్త క్యాబ్స్ : రేటు తక్కువ.. కార్లు కంఫర్ట్.. వియత్నం కార్లతో 30వేల జీతం..
| హైదరాబాద్లో వియత్నాం కార్లతో యువతకు కొత్త ఉపాధి అవకాశాలు అందుబాటులోకి వస్తున్నాయి. రూ.20 వేల డిపాజిట్తో కారు తీసుకుని క్యాబ్ డ్రైవర్గా పనిచేస్తే నెలకు రూ.30 వేల జీతం ఇస్తున్నట్లు కథనంలో పేర్కొన్నారు. వారానికి ఒక రోజు సెలవుతో పాటు రోజువారీ ప్రయాణ లక్ష్యాన్ని మించి తిరిగితే బోనస్ కూడా అందిస్తున్నట్లు సమాచారం.
హైదరాబాద్ లాంటి మహానగరంలో అవసరాలకు సరిపడా సౌకర్యాలు ఎప్పుడూ గగనమే.. దాన్ని ఆసరాగా చేసుకొని సంపాదించాలే కానీ ఎన్నో అవకాశాలు మనముందు వాలుతాయి.. అలాంటి వినూత్న ఆలోచనతోనే తక్కువ ధరతో ఎక్కువ కంఫర్ట్ తో హైరింగ్ ఇచ్చే వియత్నం కార్లు వచ్చాయి. ఇవి రేటు తక్కువ.. కార్లు చాలా కంఫర్ట్ గా ఉన్నాయట.. యువతకు క్యాబ్ డ్రైవర్స్ గా ఉపాధిని కల్పిస్తున్నారట..
దీనికి ఏం చేయాలంటే ముందుగా 20వేలు డిపాజిట్ చేయాలి. నెలకు 30వేల జీతం మాట్లాడుకొని కారు చేతిలో పెడుతున్నారట.. ఇంత మంచి జీతం.. నడపాల్సింది కారు.. ఇంకేముంది ఇప్పుడు ఈ చీప్ వియత్నం కార్లు నడిపించేందుకు యువత పోటెత్తుతున్నారట..
పైగా ఈ కారు డ్రైవర్లకు వారానికి ఒక రోజు హాలీడే కూడా ఇస్తున్నారు. మిగిలిన రోజులు అన్నీ కలిపి మినమం 500 కి.మీలు తిరగాలన్నది టార్గెట్. ఒకవేళ ఎక్కువ తిరిగితే అదనంగా బోనస్ కూడా కల్పిస్తున్నారు.
పనిలేదు.. పనిచేయలేం అంటూ బద్దకంగా కూర్చునే వారికి ఇప్పుడు ఇదొక మంచి ఆదాయం మార్గం.. మన అవసరాలకు అనుగుణంగా కొత్త కొత్త ఉపాధి అవకాశాలు పుట్టుకొస్తూనే ఉన్నాయి. కావాల్సిందల్లా మనం శ్రమించడమే.. అవసరం ఉన్న వాళ్లకి అవకాశం ఏదైనా ఓకే అనుకునే వాళ్లకు ఇదో మంచి ఛాన్స్..
వియత్నం కార్లు ఇంత చీప్ గా.. మనకు కంఫర్ట్ గా ఎందుకు ఇస్తున్నారనే డౌట్లు మీకు రావచ్చు. ఎందుకంటే మన ఒక రూపాయికి 273.66 వియత్నం డాంగ్ కరెన్సీ విలువ ఉంది. అంటే మన 100 రూపాయలు పెడితే వియత్నం వాళ్లకు 27365.96 డాంగ్ లు అన్న మాట.. మన రూపాయికి బలం లేదు అనే వారికి ఇదో గుణపాఠమే కదా.. మనకంటే తక్కువ కరెన్సీ విలువ ఉన్న వియత్నం వాళ్లు సొంతంగా కార్లు తయారు చేసి మన దేశంలో తిప్పుతూ మనకే ఉపాధినిచ్చే కొత్త ఐడియాను సృష్టించారు. మరి ఈ ఉపాధిని ఉపయోగించుకొని బాగుపడడమే మిగిలింది.