ఫ్రైడే స్పెషల్.. ఓటీటీలో సందడి చేస్తున్న తెలుగు హిట్ మూవీస్!

థియేటర్లలో సందడి చేసిన ప్రతి సినిమా కూడా ఓటీటీలోకి వచ్చి ప్రేక్షకులకు మంచి వినోదాన్ని పంచుతున్న విషయం తెలిసిందే. ముఖ్యంగా సినిమా థియేటర్లలో నచ్చింది అంటే ఓటీటీలో కూడా మళ్లీమళ్లీ చూస్తూ ఆ సినిమాలకు పట్టం కడుతున్నారు ఆడియన్స్. ఈ నేపథ్యంలోనే ఇటీవల తెలుగులో ప్రేక్షకుల ముందుకు వచ్చి ఇప్పుడు ఓటీటీ స్ట్రీమింగ్ కి రెండు తెలుగు చిత్రాలు సిద్ధమైపోయాయి. అసలే వేసవి సెలవులు.. పైగా ఫ్రైడే మూవీస్ కోసం ఎదురుచూసే అభిమానులకు ఈ రెండు తెలుగు చిత్రాలు భారీ సర్ప్రైజ్ అందించాయి.

అందులో ఒకటి నిహారిక రాకాస.. సంగీత్ శోభన్ , నయన్ సారిక జంటగా వెన్నెల కిషోర్, తనికెళ్ల భరణి , రోహిణి, గెటప్ శ్రీను తదితరులు కీలకపాత్రలో వచ్చిన ఈ చిత్రం ఏప్రిల్ మూడవ తేదీన థియేటర్లలోకి వచ్చి బాక్సాఫీస్ వద్ద మంచి స్పందన సొంతం చేసుకుంది. మానసా శర్మ దర్శకత్వంలో వచ్చిన ఈ చిత్రాన్ని పింక్ ఎలిఫెంట్ పిక్చర్స్ బ్యానర్ పై నిహారిక కొణిదెల నిర్మించింది. థియేటర్లలో మంచి పాజిటివ్ టాక్ సొంతం చేసుకున్న ఈ సినిమా.. ఇప్పుడు అధికారికంగా నెట్ ఫ్లిక్స్ లో డిజిటల్ కి అరంగేట్రం చేసింది. నేటి నుంచి ఈ సినిమా ప్రేక్షకులను ఓటీటీ ద్వారా అలరించడానికి సిద్ధం అయ్యింది . తెలుగులో విడుదలైన ఈ సినిమా ఓటీటీ వెర్షన్లో మాత్రం తమిళ్ , కన్నడ, మలయాళం భాషల్లో అందుబాటులోకి రావడం గమనార్హం. మొత్తానికైతే ఇలా ఓటీటీ లో వివిధ భాషలలో స్ట్రీమింగ్ చేయడం వల్ల వివిధ ప్రాంతాలలో ప్రేక్షక వర్గానికి చేరువయ్యాలా చిత్ర బృందం ఈ విధంగా ప్లాన్ చేసింది. అనుదీప్ దేవ్ సంగీతం ఈ సినిమాకు మరింత ప్లస్ గా మారాయి.

ఈ ఫ్రైడే స్పెషల్ గా ప్రేక్షకులను ఆకట్టుకుంటున్న మరో చిత్రం శర్వానంద్ బైకర్. ఇండియాస్ ఫస్ట్ మోటో క్రాస్ మూవీ గా ప్రేక్షకుల ముందుకు వచ్చిన ఈ చిత్రంలో శర్వానంద్ హీరోగా, మాల్వికా నాయర్ హీరోయిన్గా నటించగా.. డాక్టర్ రాజశేఖర్ కీలకపాత్ర పోషించారు. అభిలాష్ రెడ్డి దర్శకత్వంలో వచ్చిన ఈ సినిమా కూడా ఏప్రిల్ 3వ తేదీన థియేటర్లలో విడుదలైంది. ఈ సినిమా కాన్సెప్ట్ కు విమర్శకుల ప్రశంసలు లభించాయి. తండ్రీ కొడుకుల ఎమోషన్ తెరపై బాగా పండింది. అయితే ఇప్పుడు ఈ సినిమా కూడా నెట్ ఫ్లిక్స్ లో స్ట్రీమింగ్ అవుతోంది. ఈ చిత్రం తెలుగులోనే కాకుండా హిందీ, కన్నడ, తమిళ్, మలయాళం భాషల్లో కూడా అందుబాటులో ఉండడంతో దేశవ్యాప్తంగా మంచి ఆదరణ పెరుగుతోంది. మరి ఓటీటీలో ఈ సినిమా ఎలాంటి వ్యూస్ ను సొంతం చేసుకుంటుందో చూడాలి.

ఇకపోతే రాకాస, బైకర్ రెండూ కూడా ప్రేక్షకుల ముందుకు వచ్చాయి. రెండూ విభిన్నమైన జానర్లు.. అందుకే థియేటర్లలో రెండింటికీ ఆడియన్స్ పట్టం కట్టారు. మరి ఈ సినిమాలు ఒకే ప్లాట్ఫారం వేదికగా అందుబాటులోకి ఒకేరోజు వచ్చాయి. మరి ఈ రెండు చిత్రాలు ఎటువంటి రికార్డులు సొంతం చేసుకుంటాయో చూడాలి.