హిట్మ్యాన్ సిక్స్, లంబోర్గిని ఫిక్స్! రోహిత్ భారీ సిక్స్కు కోట్ల రూపాయల కారు డ్యామేజ్? వీడియో వైరల్!
ఆయన గ్యారేజీలో ఉన్న లంబోర్గిని ఊరస్ కారు ధర దాదాపు రూ. 4.57 కోట్లకు పైగానే ఉంటుంది.;
టీమిండియా మాజీ కెప్టెన్, స్టార్ బ్యాటర్ రోహిత్ శర్మ క్రీడా మైదానంలో చూపించే తన 'హిట్మ్యాన్' పవర్కు సంబంధించిన ఒక ఆసక్తికరమైన వీడియో ఇప్పుడు సోషల్ మీడియాలో విపరీతంగా వైరల్ అవుతోంది. రోహిత్ కొట్టిన భారీ సిక్స్ ఒకటి, పార్కింగ్లో ఆగి ఉన్న ఆయన సొంత లంబోర్గిని ఊరస్ లగ్జరీ కారును ఢీకొట్టి, దానికి డ్యామేజ్ చేసిందని ప్రచారం జరుగుతోంది.
*రూ. 4.57 కోట్ల లంబోర్గిని ఉరస్
అంతర్జాతీయ క్రికెట్లో అత్యుత్తమ బ్యాట్స్మెన్లలో ఒకరైన రోహిత్ శర్మ, లగ్జరీ లైఫ్స్టైల్కు కూడా ప్రసిద్ధి. ఆయన గ్యారేజీలో ఉన్న లంబోర్గిని ఊరస్ కారు ధర దాదాపు రూ. 4.57 కోట్లకు పైగానే ఉంటుంది.
*శివాజీ పార్క్లో ఏం జరిగింది?
రాబోయే ఆస్ట్రేలియా పర్యటన కోసం సన్నద్ధమవుతున్న రోహిత్ శర్మ, ముంబైలోని ఐకానిక్ శివాజీ పార్క్లో మాజీ ముంబై సహచరుడు అభిషేక్ నాయర్తో కలిసి ఇంటెన్స్ నెట్ ప్రాక్టీస్ సెషన్లో పాల్గొన్నారు. ఈ ప్రాక్టీస్ను చూసేందుకు అనేకమంది అభిమానులు మైదానానికి తరలివచ్చారు. ప్రాక్టీస్లో భాగంగా రోహిత్ ఒక స్వీప్ షాట్ ఆడారు. బంతి గాల్లోకి లేచి బౌండరీ దాటి నేరుగా పార్కింగ్ స్థలంలో ఉన్న కారుకు తగిలిందని సమాచారం.
వీడియోలో వినిపించిన మాటలు
ఆ వైరల్ వీడియోలో, కారును బంతి తాకడాన్ని చూసిన ప్రేక్షకులు, "అది రోహిత్ సొంత లంబోర్గినినే తాకింది," అని తన కారునే పగలగొట్టాడు అని వ్యాఖ్యానించడం స్పష్టంగా వినిపిస్తోంది.ఈ సంఘటన ఫన్నీగా ఉన్నప్పటికీ, రోహిత్ శర్మకు ఇది కోట్లాది రూపాయల నష్టం తెచ్చినట్టేనని అభిమానులు చర్చించుకుంటున్నారు.
రోహిత్ శర్మ కొట్టిన సిక్స్ తన లంబోర్గిని కారుకే తగిలి, దాన్ని డ్యామేజ్ చేసిందన్న వార్తలు మీడియాలో విస్తృతంగా ప్రచారం అవుతున్నాయి. కొందరు కథనాల ప్రకారం కారుకు 'డెంట్' (చిన్న పగులు) ఏర్పడిందని తెలుస్తోంది. ఈ డ్యామేజ్పై రోహిత్ శర్మ లేదా అతని బృందం నుండి ఎలాంటి అధికారిక ధృవీకరణ వెలువడలేదు. మీడియా కథనాలు ఎక్కువగా అక్కడున్న ప్రేక్షకులు చేసిన వ్యాఖ్యల ఆధారంగానే వెలువడ్డాయి.
సోషల్ మీడియాలో 'హిట్మ్యాన్' జోకులు
రోహిత్ శర్మ ఈ మొత్తం సంఘటనను తనదైన కూల్, హుమరస్ శైలిలో తీసుకున్నట్లు తెలుస్తోంది. ఈ విషయం సోషల్ మీడియాలో మరింత వినోదాన్ని పంచుతోంది. అభిమానులు "రోహిత్ సిక్స్కి కూడా లగ్జరీ టచ్ ఉంది," "ఇంత ఖరీదైన సిక్స్ ఎప్పుడూ చూడలేదు," అని కామెంట్లు చేస్తున్నారు.
రోహిత్ శర్మ ఇటీవల తన పాత లంబోర్గినిని అప్గ్రేడ్ చేసి కొత్త లంబోర్గిని ఊరస్ ఎస్ఈ కొనుగోలు చేశారు.
ఏదేమైనా ప్రపంచంలోని అత్యంత ధనవంతులైన క్రికెటర్లలో ఒకరైన రోహిత్ శర్మకు ఈ సంఘటన పెద్దగా నష్టాన్ని కలిగించకపోయినా, ఈ 'ఖరీదైన సిక్స్' మాత్రం అభిమానులకు బాగా నవ్వు తెప్పించింది.