కరోనా : దిగ్గజ ఫార్మసీ ఓనర్లైన తండ్రీకొడుకుల మృతి

హైదరాబాద్ లో అగ్రశ్రేణి మందుల దుకాణాల యజమానితోపాటు ఆయన కుమారుడిని కరోనా బలితీసుుంది.. తండ్రి-కొడుకులు కరోనాతో మరణించడం గత రెండు రోజులుగా నగరంలోని మెడికల్ స్టోర్ యజమానులలో భయాందోళనలకు గురిచేసింది. ఛైర్మన్ 50 ఏళ్ల వయసుగల వ్యక్తి కాగా..అతడి తండ్రి 70ఏళ్ల వయసులో ఉన్నారు. కుటుంబంలోని ఐదుగురు సభ్యులు ఈ వైరస్ బారిన పడ్డారు. మరో ఇద్దరు కుటుంబ సభ్యులు నగరంలోని ఒక ప్రైవేట్ మల్టీ-స్పెషాలిటీ ఆసుపత్రిలో చికిత్స పొందుతున్నారు.

వీరు నిర్వహించే ఈ మందుల దుకాణాలు నగరంలోని పురాతన ఫార్మసీలలో ఒకటిగా ప్రసిద్ధి చెందింది. 1985లో రూ .1.5 లక్షల ప్రారంభ పెట్టుబడితో కేవలం ఇద్దరు ఉద్యోగులతో ప్రారంభమైన ఈ సంస్థ ఇప్పుడు 500 కోట్ల రూపాయల టర్నోవర్‌తో వృద్ధి చెందింది. ఈ రోజు వీరి ఫార్మసీ దుకాణాల్లో 500 మందికి పైగా ఉద్యోగులు ఉన్నారు. వారి మొట్టమొదటి మెడికల్ స్టోర్ తరువాత మూడు సంవత్సరాల తరువాత, వారు 1988 లో ఫార్మా డిస్ట్రిబ్యూషన్ వ్యాపారంలోకి ప్రవేశించారు. ఇది 300 కంపెనీల నుండి 480 ఫార్మా డివిజన్ల నుండి ఉత్పత్తులను పంపిణీ చేస్తుంది. 1995లో వారి నెలవారీ టర్నోవర్ రూ .1 కోట్లను తాకింది. యజమాని సోదరులు కూడా కంపెనీలో చేరారు.

ఫార్మా డిస్ట్రిబ్యూషన్‌లో విజయం సాధించిన తరువాత.. ఈ బృందం 2006 లో వ్యాక్సిన్లు & స్పెషాలిటీ ఔషధాల వ్యవహారం ప్రారంభించింది.. 2014 లో వారు తమ సొంత జనరిక్ ఔషధాలను తయారు చేయడానికి ఒక సంస్థను స్థాపించారు.

కుటుంబమంతా ఇతర వ్యాపారాలతో బిజీగా ఉండగా.. తాజాగా అప్పుడప్పుడు కార్యకలాపాలను పర్యవేక్షించడానికి దుకాణాలను ఈ తండ్రీకొడుకులు సందర్శించారు. ఇటీవల కరోనా కారణంగా ఈ మందుల స్టోర్ లకు భారీ రద్దీ నెలకొంది.. మెడికల్ స్టోర్‌లోని వారి ఉద్యోగుల్లో కొందరు ఈ మహమ్మారి బారిన పడ్డారు. అది ఈ దిగ్గజ ఫార్మసీ కుటుంబానికి వ్యాపించింది. అగ్ర వ్యాపార కుటుంబాలలో ఇద్దరు మరణించడంతో ఇది హైదరాబాద్‌లోని ఇతర వ్యాపార కుటుంబాలు.. మెడికల్ స్టోర్ యజమానుల వెన్నులో వణుకు పుట్టిస్తోంది.