క్రిస్టియానో దూకుడుకు మెస్సీ కళ్లెం

ఫుట్​బాల్​ ఆటగాళ్లలో పోర్చ్​గీస్​ క్రీడాకారుడు క్రిస్టియానో రొనాల్డో ఎప్పడు ఆటలో ముందే ఉంటారు. ఆటలో అతడిని ఢీకొట్టే వారే లేరు. అప్పడప్పుడు బార్సిలోనా ఫుట్​బాల్​ ప్లేయర్​ మెస్సీ.. క్రిస్టియానోకు పోటీగా వస్తుంటాడు. వీళ్లద్దరూ ఓకరిమీద ఒకరు ఎప్పుడూ పోటీపడుతుంటారు. ఆటల్లోనే కాదండి.. ఆదాయంలోనూ వీళ్లిద్దరూ పోటీపడుతుంటారు. అయితే ఆదాయం విషయంలో ఇప్పటివరకు క్రిస్టియానో రొనాల్డోనే టాప్​లో ఉండేవారు. కానీ తాజాగా ఫోర్బ్స్​ ఇచ్చిన ఓ నివేదిక మాత్రం ప్రపంచ ఫుట్​బాల్​ ప్రేమికులను ఆశ్చర్యంలో ముంచెత్తింది.

ఫోర్బ్స్​ నివేదిక ప్రకారం ఈ ఏడాది రూ.922 కోట్లతో మెస్సీ అగ్రస్థానాన్ని దక్కించుకున్నాడు. 856 కోట్లతో రోనాల్డో రెండో స్థానంతో సరిపెట్టుకోవలసి వచ్చింది. ఆ తర్వాతి స్థానం లో పిఎస్‌జి యొక్క స్టార్ నేమార్ 703 కోట్లతో మూడో స్థానం లో నిలిచాడు. కాగా ఇటీవల మెస్సీ తాను బార్సిలోనా జట్టను వదిలిపెడుతున్నట్టు ప్రకటించి సంచలనం సృష్టించాడు. అయితే బార్సిలోనా యాజమాన్యం మెస్సీకి ఝలక్​ ఇచ్చింది. ‘మెస్సీ నిరభ్యంతరంగా జట్టును విడిపెట్టొచ్చు. కానీ అందు కోసం అతడు 700 మిలియన్​ డాలర్లు ( మన కరెన్సీలో రూ.6వేల కోట్లు) చెల్లించాలని చెప్పింది. ఇదో అతడు జట్టులో చేరినప్పుడు చేసుకున్న నిబంధన’ అని బార్సిలోనా పేర్కొన్నది. దీంతో ఖంగుతున్న మెస్సీ తాను ఎక్కడికి వెళ్లడం లేదని.. బార్సిలోనా జట్టుతోనే ఉంటానని ప్రకటించాడు.