• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  బిగ్ బ్రేకింగ్ : రేవంత్...

బిగ్ బ్రేకింగ్ : రేవంత్ అర్హుడు కాదన్న సోనియాగాంధీ?

By - Tupaki Desk
Update: 2020-03-19 05:05 GMT
తెలంగాణ పీసీసీ అధ్యక్షుడి ఎన్నికపై కాంగ్రెస్ అధిష్టానం కసరత్తు చేస్తోంది. ఎవరిని ఎంపిక చేయాలనే దానిపై మంతనాలు సాగిస్తుండగా వారికి ఎంపీ రేవంత్ రెడ్డే కనిపించాడు. పార్టీలో చురుగ్గా ఉండడం.. అధికార పార్టీపై పోరాడడం వంటివి పరిశీలించి పార్టీ అధినేత్రి సోనియా గాంధీ ఓ అభిప్రాయానికి వచ్చారంట. అయితే అనూహ్యంగా రాష్ట్రంలో రేవంత్ రెడ్డి వ్యవహారంపై పరిణామాలు మారాయి. భూ ఆక్రమణలు, అవినీతి, అక్రమాలు బయటపడడంతో అధిష్టానం పునరాలోచనలో పడినట్టు తెలుస్తోంది. వీటన్నిటి పరిశీలించిన అనంతరం తెలంగాణ పీసీసీ అధ్యక్ష పదవికి రేవంత్ రెడ్డి అర్హుడు కాదని ఏఐసీసీ తేల్చినట్టు సమాచారం. ఈ విషయాన్ని ఏఐసీసీ ప్రతినిధుల దగ్గర తేల్చిచెప్పినట్లు ఢిల్లీ వర్గాల్లో వినిపిస్తున్న మాట.

ఇటీవల ఎంపీ కోమటిరెడ్డి రాజగోపాల్ రెడ్డి ఢిల్లీలో పార్టీ అధిష్టానాన్ని కలిశారు. ఆ క్రమంలో తెలంగాణలోని రాజకీయ పరిస్థితులు, పార్టీ వ్యవహారాలపై అధిష్టానం ప్రతినిధులు సుదీర్ఘంగా చర్చించారు. ఆ సమయంలోనే అధిష్టానానికి ఎంపీ కోమటిరెడ్డి తెలంగాణలోని పార్టీ నాయకులు, వారి శక్తి సామర్థ్యాలతోపాటు వారిపై ఉన్న కేసులు, వ్యక్తిత్వాలపైన ఓ నివేదిక అందజేశారంట. వాటిని పరిశీలించడంతో పాటు కాంగ్రెస్ రాష్ట్ర వ్యవహారాల ఇన్ చార్జి కుంతియాతోనూ నివేదిక తెప్పించుకున్నారని సమాచారం. వాటన్నింటిని నిశితంగా పరిశీలించి.. సమాలోచనలు చేసిన అనంతరం రేవంత్ రెడ్డిని పీసీసీ రేసు నుంచి పేరును తొలగించినట్లు తెలుస్తోంది. మల్కాజిగిరి ఎంపీగా ఉన్న రేవంత్ రెడ్డి వ్యక్తిత్వం, ఆయన దూకుడు తనమే కొంప ముంచిందంట. అధికార దాహం, నోటి దురుసు, కక్ష పూరిత చర్యలు వంటి విషయాలతోనే అధిష్టానం అతడిని పక్కన పెట్టినట్లు కాంగ్రెస్ లో చర్చ సాగుతోంది.

ఈ క్రమంలో పార్టీ చీఫ్ అవినీతి కేసుల్లో ఉంటే.. అధికార పార్టీని ఎలా ప్రశ్నిస్తాడు? పార్టీలోనే తప్పుడు సంకేతాలు వెళ్లవా? అంటూ సోనియా ప్రశ్నలు వేయగా మెజార్టీ ఏఐసీసీ సభ్యులు కూడా అది వాస్తవమేనని తెలిపారంట. ఓటుకు నోటు కేసుతో పాటు భూ ఆక్రమణలు వంటివి బయటపడ్డాయని గుర్తుచేశారు. భవిష్యత్ లో కాంగ్రెస్ పార్టీనీ భ్రష్టు పట్టించడా ఏంటీ అంటూ సోనియా ప్రశ్నించారంట. ఇవన్నీ కాదని రేవంత్ రెడ్డిని పీసీసీ చీఫ్ చేస్తే పార్టీలోనూ అంతర్గత కుమ్ములాటలు మితిమీరే ప్రమాదం ఉందని అంచనా వేశారని రాష్ట్రానికి చెందిన సీనియర్ నాయకులు చెబుతున్నారు. ఈ క్రమంలో పీసీసీ అధ్యక్ష పదవి నుంచి రేవంత్ రెడ్డి పేరును పూర్తిగా తొలగించినట్లు అధికారికంగా అందుతున్న సమాచారం. రేవంత్ రెడ్డి మొదటి నుంచి దూకుడు స్వభావి. టీడీపీలోనూ కాంగ్రెస్ లోనూ అదే వైఖరి ఉంది.

ఓటుకు నోటు కేసు, పలు కేసులు వీటన్నిటిని పక్కన పెట్టి ఎంపిక చేస్తే పార్టీలో తీవ్ర విబేధాలు వస్తాయని కాంగ్రెస్ ఊహిస్తోంది. ఎందుకంటే రేవంత్ రెడ్డికి సీనియర్లకు అసలు పడదు. ముఖ్యంగా ఉమ్మడి నల్గొండ జిల్లా నాయకులు రేవంత్ రెడ్డి వ్యవహార శైలిపై ఆగ్రహం వ్యక్తం చేస్తున్నారు. హుజుర్ నగర్ ఉప ఎన్నికలో రేవంత్ రెడ్డి కలగజేసుకోవడంపై ఇప్పటికీ ఆ జిల్లా నాయకులు మండి పడుతున్నారు. ఈ క్రమంలో రేవంత్ రెడ్డికి పీసీసీ అధ్యక్ష పదవి ఇస్తే కొమటిరెడ్డి సోదరులు పార్టీకి దూరమయ్యే ప్రమాదం ఉంది. వారితో పాటు నల్గొండ జిల్లాలో బలమైన నాయకులు, ఇక పార్టీలోని సీనియర్ నాయకులు కూడా పార్టీ వీడే ప్రమాదం ఉంది. వీటన్నిటి ఊహించిన అధిష్టానం రేవంత్ రెడ్డిని పీసీసీ అధ్యక్ష పదవికి అనర్హుడని పేర్కొంటూ పక్కన పెట్టేశారంట. రేవంత్ రెడ్డిని పీసీసీ చీఫ్ పదవికి అనర్హుడిగా తేల్చి చెబుతూ అధిష్టానం ద్వారా ప్రస్తుత పీసీసీ చీఫ్ ఉత్తమ్ కుమార్ రెడ్డికి సమాచారం కూడా ఇచ్చారని వార్తలు వినిపిస్తున్నాయి. ఎప్పటి నుంచో ఆ పీఠం ఆశిస్తున్న రేవంత్ రెడ్డికి నిరాశ ఎదురైనట్టే.
Tags:    
  • Congress senior leaders gang up against Revanth Reddy 
  • Telangana 
  • Telangana News 
  • Telangana Daily News 
  • Telugu News 
  • Telugu Politics 
  • Tupaki News 
  • Tupaki Updates 

Similar News

కలిసొచ్చే కాలానికి నడిచొచ్చే కొడుకు అంటే ఇదే... టీడీపీకే అధికారం, అదృష్టం!

2026-11-21 09:53 GMT

నెల్లూరు రగడ: ఆనం వర్సెస్ ఎంపీ వేమిరెడ్డి మధ్యలో మంత్రి నారాయణ.. టీడీపీ పాలిటిక్స్‌లో హైటెన్షన్!

2026-11-21 09:53 GMT

ఎమ్మెల్యే ఆదినారాయణ రెడ్డికి గట్టి భరోసా.. చంద్రబాబు ఏం చెప్పారు?!

2026-11-21 09:52 GMT

రాప్తాడు బాలికకు భారీ ఆర్థిక సాయం.. చికిత్సకు అయ్యే రూ.32 లక్షలు చెల్లింపు

2026-11-21 08:38 GMT

కోహ్లీలా కష్టపడాలి.. ధోనీలా పని చేయించాలి.. తిలక్ వర్మను ఆడించాలి.. అంబటి రాయుడు హాట్ కామెంట్స్

2026-11-21 08:35 GMT

కన్నీటి కడలిలో ఆశాకిరణం.. రూ.9 కోట్ల ప్రాణరక్షక మందును రూ.2.5 లక్షలకే తెచ్చిన హైదరాబాద్ వైద్యురాలు

2026-11-21 07:30 GMT

బంగారంలో రీనియం కలిపేసి మోసం.. ఏ మెషీన్ కు, మనుషులకు చిక్కని దొంగ బంగారం స్కామ్

2026-11-21 06:33 GMT

ట్రంప్ కొత్త 'డేటా' దేశభక్తి పాఠం.. వినకపోతే ఖతమేనట..

2026-11-21 06:31 GMT

అమెరికాలో భారతీయ ఉద్యోగులకు ఊరట? H-1B వీసాలపై కీలక నిర్ణయం తీసుకోనున్న కొత్త గవర్నర్

2026-11-21 04:25 GMT

మంటల బొమ్మలు చూసి నీళ్లు చిమ్మిన ఫైర్ సిస్టమ్.. ఫుడ్ స్టాల్‌లో వింత ఘటన!

2026-11-21 04:24 GMT

జెన్సన్ హువాంగ్ కొత్త కంపెనీకి రూ.లక్షల కోట్ల పెట్టుబడి? వైరల్ వార్త వెనుక అసలు విషయం!

2026-11-21 04:24 GMT

ఆంథ్రోపిక్ ఉద్యోగులకు భారీ లాభం.. ఒక్క ఐపీఓతో కోట్లలోకి షేర్ల విలువ!

2026-11-21 04:23 GMT

Copyright @2026

Powered by Blink CMS