6 Top selling Telugu books of the month Oct 2014

1.       జంధ్యామారుతం

తెలుగు సినిమా చరిత్రలో జంధ్యాలది ఒక అధ్యాయం. కామెడీకి కటౌట్ స్టేటస్ కల్పించిన దర్శకుడు జంధ్యాల. ఇప్పటి హీరోలు అలవోకగా కామెడీ చేస్తున్నారంటే అది జంధ్యాల వేసిన పునాదే. ఈ రోజుకూ యూట్యూబులో అత్యధికంగా చూడబటుతున్న సినిమాలు జంధ్యాలసినిమాలే అంటే అతిశయోక్తి కాదు.  మొత్తం జంధ్యాల దర్శకత్వం వహించిన 39 సినిమాల సమగ్ర సమాచారం ఈ పుస్తకం - నంబర్ వన్ పుస్తకంగా ఉండటం ఆశ్చర్యం కాదు కదా!

2.        లోయ నుంచి శిఖరానికి

తెలుగు వారి అభిమాన పాపులర్ రచయిత యండమూరి వీరంద్రనాథ్ తాజా పుస్తకం ఈ లోయ నుంచి శిఖరానికి.  నేటి తరానికి కావాల్సిన  మోటివేషన్ ఈ పుస్తకం. కెరీర్ లో అత్యున్నత శిఖరాలు ఎలా అందుకోవాలో  చెప్పే ఈ పుస్తకం విడదలైనప్పటినుంచీ టాప్ పుస్తకాల్లో పదిలంగా ఉంది.

3.       కృతయుగ్

సూర్యదేవర రామ్మోహనరావు, నూరుకు పైగా తెలుగు నవలలు రాసిన ఘనాపాఠి. సూర్యదేవర తాజా పుస్తకం ఈ కృతయుగ్. హిందూ మైథాలజీ, ఆధునిక  టెక్నాలజీ అందంగా కలగలిపిన రొమాంటిక్ పుస్తకం ఈ కృతయుగ్.

4.       నిశ్శబ్దనాదం

డైనమిక్ రైటర్ మధుబాబు తాజా సృష్టి ఈ అమోఘ థ్రిల్లింగ్ నవల నిశ్శబ్ద నాదం. విడుదలైనప్పటినుంచి నేటివరకూ టాప్ పుస్తకాల్లో పదిలంగా ఉన్న రికార్డు దీని స్వంతం. తనదైన పదునైన శైలిలో అత్యంత చదవబుల్ పుస్తకం ఈ నిశ్శబ్ద నాదం.

5.       రామాయణ విషవృక్షం

రంగనాయకమ్మ రచించిన రామాయణ విషవృక్షం వర్మతో సహా ఎందరో ఆధునికులకు ఇష్టమైన పుస్తకం. రామాయణాన్ని తనదైన శైలిలో మార్కిజం దృష్టితో రచించిన ఈ పుస్తకం ఈ కాలపు ఓపెన్ మైండ్ పౌరులకు బైబిల్ వంటిది.

6.       అరేబియన్ కామశాస్త్రం    

మన వాత్సాయన కామశాస్త్రంలా అరేబియన్ వాళ్ల కామశాస్త్రం ఈ పుస్తకం. వందల సంవత్సరాల నాటి అరేబియన్ కామశాస్త్రంలో ఏముందంటూరు ఇంతకీ?


Press Release by: IndianClicks.com