కంగువా.. బీస్ట్​ మోడ్​లో సూర్య విత్ సిక్స్ ప్యాక్​

తమిళ్ స్టార్ హీరో సూర్య కెరీర్​లో హైయెస్ట్ బడ్జెట్​తో వస్తున్న మూవీ 'కంగువ'. శివ దర్శకత్వంలో తెరకెక్కుతోన్న ఈ మూవీ షూటింగ్ ప్రస్తుతం జరుగుతోంది. కేఈ జ్ఞాన్ వేల్ రాజా నిర్మతగా వ్యవహరిస్తున్నారు. రీసెంట్​గా రిలీజైన ఈ చిత్రం గ్లింప్స్​ సినిమా గూస్​ బంప్స్​ను పెంచేసింది. ఈ సినిమా కోసం సూర్య బాగా కష్టపడుతున్నట్లు అర్థమవుతోంది.

తాజాగా ఆయనకు సంబంధించిన అదిరిపోయే క్రేజీ పిక్​ ఒకటి బయటకు వచ్చింది. ఇందులో సూర్య.. జిమ్​లో కష్టపడుతూ కనిపించారు. తన పాత మార్క్ మేకోవర్​కు బాడీని ట్రాన్స్​ఫర్మేషన్ చేస్తున్నారు. 6 ప్యాక్ బాడీ కోసం ట్రై చేస్తూ కనిపించి షాకిచ్చారు. చాలా కాలం తర్వాత బీస్ట్ మోడ్​తో కనిపించడం వల్ల ఫ్యాన్స్ ఫుల్ ఖుషి అవుతున్నారు. ఈ ఫొటోనూ కంగువా చిత్ర నిర్మామ సంస్థ పోస్ట్ చేసింది. కంగువ ఇన్ ప్రొగ్రెస్​ అని రాసుకొచ్చింది. ప్రస్తుతం ఈ పిక్​ నెట్టింట్లో తెగ ట్రెండ్ అవుతోంది.

ఈ భారీ చిత్రానికి దేవిశ్రీప్రసాద్ సంగీతం అందిస్తున్నారు. గ్రీన్ స్టూడియోస్ బ్యానర్​.. యూవీ పిక్చర్స్​తో కలిసి భారీ బడ్జెట్​తో నిర్మిస్తోంది. రెండు పార్ట్​లుగా ఈ మూవీ రానుంది. తొలి భాగాన్ని వరల్డ్ వైడ్ 10 భాషల్లో 3డి, 2డిలో సినిమా రిలీజ్ చేస్తున్నారు. విజువల్ వండర్​గా కంప్లీట్ యాక్షన్ బ్యాక్ డ్రాప్ ఎలిమెంట్స్​తో సినిమా రాబోతుంది.

ఈ చిత్రం బాహుబలి, కేజీఎఫ్, పొన్నియిన్ సెల్వన్​ తరహా కచ్చితంగా బ్లాక్ బస్టర్ అవుతుందని మూవీటీమ్​తో సినీ ప్రియులు ఆశిస్తున్నారు. కోలీవుడ్ చిత్ర పరిశ్రమలోనే హైయెస్ట్ కలెక్షన్స్​ వసూలు చేసే చిత్రంగా ఈ సినిమా నిలుస్తుందని ధీమాతో ఉన్నారు. అందుకే బడ్జెట్​, క్వాలిటీ విషయంలో ఏ మాత్రం రాజీ పడకుండా తెరకెక్కిస్తున్నారు.

బాలీవుడ్ హాట్ బ్యూటీ దిశాపటానీ హీరోయిన్​గా నటిస్తోంది. సినిమాకు మంచి బిజినెస్​ ఆఫర్స్​ కూడా వస్తున్నాయని తెలుస్తోంది. చూడాలి మరి ఈ సినిమా ఏ రేంజ్​లో ఆకట్టుకుంటుందో, బాహుబలి, పొన్నియిన్ సెల్వన్​ను మించిన ప్రజాదరణను దక్కించుకుంటుందో లేదో..