మనవడితో ముఖ్యమంత్రి రేవంత్‌ రెడ్డి హోలీ సంబరాలు!

దేశవ్యాప్తంగా హోలీ సంబరాలు అంబరాన్నంటాయి. పిల్ల పెద్దా, ముసలీ ముతకా అనే తారతమ్యాలేమీ లేకుండా... అంతా హోలీ సంబరాల్లో మునిగి తేలారు. ఇదే సమయంలో నేతలు తమ తమ నియోజకవర్గాల్లో కార్యకర్తల సమక్షంలో హోలీ పండుగను జరుపుకోగా.. పలువురు సినీ తారలు, సెలబ్రెటీలూ వారి వారి హోలీ సంబరాలను సోషల్ మీడియాలో అభిమానులు, ఫాలోవర్స్ తో పంచుకున్నారు.

ఇదే సమయంలో తెలంగాణలోనూ హోలీ వేడుకలను ఘనంగా నిర్వహించారు. చిన్నా, పెద్దా అంతా కలిసి రంగులు చల్లుకుంటూ సంబరాల్లో మునిగితేలారు. ఈ క్రమంలో తెలంగాణ రాష్ట్ర ముఖ్యమంత్రి రేవంత్ రెడ్డి హైదరాబాద్ లోని తన నివాసంలో హోలీ సంబరాలు జరుపుకున్నారు. ఇందులో భాగంగా... తన మనవడు రేయాన్స్, భార్య గీతారెడ్డితో కలిసి సంబరాలు చేసుకున్నారు.

ఈ సందర్భంగా సీఎం భార్య గీతారెడ్డితో కలిసి మనవడిపై రంగులు చల్లుతూ ఉత్సాహంగా కనిపించగా.. రేయాన్స్ తన తాత ఒళ్లో కూర్చుని చిరునవ్వులు చిందించాడు. ఈ సంబరాలకు సంబంధించిన ఫోటోలను రేవంత్ తన "ఎక్స్"లో పోస్ట్ చేశారు. ఈ సందర్భంగా... పరిపాలన, రాజకీయం, విజ్ఞప్తులు, పరిష్కారాలు, సమావేశాలు... తీరిక లేని షెడ్యూల్ అన్నింటికీ కొంచెం విరామం. హోలీ నాడు మనవడితో ఆటవిడుపు అని రాసుకొచ్చారు.

మరోవైపు హోలీ పండుగ రోజు తాము కూడా తాము పని చేసున్నాం అంటూ టీం తో కలిసి దిగిన ఫోటోలను హీరోయిన రషిమ షేర్ చేసింది. ఈ సందర్భంగా అభిమానులకు పండగ శుభాకాంక్షలు తెలిపింది. ఇదే సమయంలో కియారా అద్వాణీ తన ఫ్యామిలీతో కలిసి పండుగ జరుపుకుంది. ఇందులో భాగంగా తన భర్త సిద్ధార్థ్ మలోత్రాతో కలిసి దిగిన ఫోటోలను పోస్ట్ చేసింది.