• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  2029 లో పోటీకి రెడీ...

2029 లో పోటీకి రెడీ అంటున్న లక్ష్మీ పార్వతి

| లక్ష్మీ పార్వతి వైసీపీలో రాష్ట్ర ప్రధాన కార్యదర్శిగా ఉన్నారు. ఆమె గత పదిహేనేళ్ళుగా ఆ పార్టీతోనే కొనసాగుతున్నారు.

By - Satya P
Update: 2026-04-23 03:46 GMT

లక్ష్మీ పార్వతి వైసీపీలో రాష్ట్ర ప్రధాన కార్యదర్శిగా ఉన్నారు. ఆమె గత పదిహేనేళ్ళుగా ఆ పార్టీతోనే కొనసాగుతున్నారు. అంతకు ముందు ఆమె ఎన్టీఆర్ తెలుగుదేశం పార్టీని కొన్నాళ్ళు నడిపారు. దాని కంటే ముందు ఎన్టీఆర్ తో కలసి 1994 ఎన్నికల్లో ప్రచారం చేశారు. మూడవసారి ఎన్టీఆర్ ముఖ్యమంత్రిగా ప్రమాణం చేసి ఎనిమిది నెలలు పాలించిన సమయంలో ఎక్కువగా లక్ష్మీ పార్వతి పేరు మారు మోగింది. ఇవన్నీ చరిత్ర అనుకుంటే వైసీపీ నుంచి లక్ష్మీ పార్వతి అవసరమైన సందర్భాలలో మీడియా ముందుకు వచ్చి చంద్రబాబు మీద విమర్శలు చేస్తూ వస్తున్నారు.

పార్టీ ఆదేశిస్తే :

తాను 2029 ఎన్నికల్లో పోటీ చేసే విషయం మీద లక్ష్మీ పార్వతి తాజాగా ఒక డిజిటల్ మీడియాకు ఇచ్చిన ఇంటర్వ్యూలో క్లారిటీ ఇచ్చారు. తనకు నిజానికి పోటీ చేయాలన్న ఆసక్తి అయితే లేదని అన్నారు. అయితే పార్టీ ఆదేశిస్తే మాత్రం తాను పోటీకి సిద్ధమే అని స్పష్టం చేశారు ఇక 2014 ఎన్నికల్లో తనకు జగన్ పోటీకి అవకాశం ఇచ్చారు కానీ తన దగ్గర డబ్బులు లేక సీటు వదిలేసుకున్నాను అని చెప్పారు. ఇక 2019 నుంచి 2024 మధ్యలో పార్టీ అధికారంలో ఉన్నపుడు తెలుగు అకాడమీ చైర్మన్ పదవి ఇచ్చారని చెప్పారు. ఇపుడు కూడా యువతకు పోటీ చేసేందుకు అవకాశాలు రావాలని ఆమె అన్నారు. తాను పోటీ చేయడం అన్నది ప్రధానం కాదని అన్నారు. అదే సమయంలో తన అవసరం ఉందని పార్టీ భావించి పోటీ చేయమంటే రెడీ అని చెప్పారు.

కూటమి పాలన మీద :

ఏపీలో టీడీపీ కూటమి పాలన ఏ మాత్రం బాగులేదని ఆమె చెప్పడం విశేషం. రెండేళ్ల పాలనలోనే జనాలలో వ్యతిరేకత వచ్చిందని అన్నారు. ఇచ్చిన హామీలను పక్కన పెట్టేశారని మహిళల మీద అత్యాచారాల నుంచి అన్ని రకాలైన అఘాయిత్యాలు ఏపీలో జరుగుతున్నాయని అన్నారు. ఏపీలో వనరుల దోపిడీ సాగుతోందని అవినీతి పెరిగిందని ఆమె మండిపడ్డారు.

ఈవీఎంల వల్లనే :

మరో వైపు 2024 ఎన్నికల్లో వైసీపీ ఓటమికి ఈవీఎంలను మేనేజ్ చేయడమే ప్రధాన కారణంగా భావిస్తున్నామని లక్ష్మీ పార్వతి చెప్పడం విశేషం. ఇది తాము అన్నది కాదని పరకాల ప్రభాకర్ లాంటి మేధావులే ఢిల్లీ వేదికగా ప్రెస్ మీట్ పెట్టి మరీ వాస్తవాలు చెప్పారని అన్నారు. అర్ధరాత్రి దాటినా లక్షల్లో పోలింగ్ జరగడం ఎక్కడా లేదని ఆమె విమర్శించారు.

కూటమి కలిసి వచ్చినా :

పదిహేనేళ్ళ పాటు కూటమి ప్రభుత్వం ఉంటుందని చెబుతున్న మాటలను ఆమె కొట్టివేశారు. ప్రజలే న్యాయ నిర్ణేతలు అన్నారు. ఈసారి ఎన్నికల్లో ఈవీఎంల మేనేజ్మెంట్ జరిగినా అడ్డుకుంటామని ప్రజలు కూడా ఆ దిశగా చైతన్యవంతులు అవుతారని ఆమె ధీమా వ్యక్తం చేశారు. వచ్చే ఎన్నికల్లో వైసీపీ విజయం తధ్యమని ఆమె చెప్పడం విశేషం.

భారత రత్న ఇవ్వాలి :

ఇక ఎన్టీఆర్ కి భారత రత్న ఇవ్వాలని ఆమె కోరారు. ఆ విషయంలో కేంద్ర పెద్దలు సమ్మతిగా ఉన్నా తాను తీసుకుంటాను అన్న కారణంతోనే టీడీపీ పెద్దలు కుటుంబ సభ్యులు ఒత్తిడి చేయడం లేదని లక్ష్మీపార్వతి అన్నారు. అయితే ఎన్టీఆర్ కి ఇచ్చే భారత రత్న అవార్డుని తాను తీసుకోనని కుటుంబ సభ్యులే తీసుకున్న తనకు అభ్యంతరం లేదని ఆమె చెప్పడం విశేషం. భారత రత్నకు ఎన్టీఆర్ అర్హుడని ఆమె స్పష్టం చేశారు.

Tags:    
  • lakshmiparvathi 
  • ysrcp 
  • appolitics 
  • tdp 
  • andhrapradesh 
  • elections2029 
  • ntr 
  • bharatratna 

Similar News

'కాక్రోచ్ జనతా పార్టీ' గప్‌చుప్ అయిందా? వ్యూహం మార్చిందా? సీజేపీ అడుగులు ఎటువైపు!

2026-11-19 13:30 GMT

ట్రంప్, పుతిన్, జిన్‌పింగ్.. ప్రపంచ గతి మార్చగలిగే ముగ్గురి ముచ్చట..

2026-11-19 13:20 GMT

స్టాలిన్‌ను ఓడించిన జెయింట్ కిల్లర్.. టీవీకే ఎమ్మెల్యే వీఎస్ బాబు కన్నుమూత

2026-11-19 12:31 GMT

వైసీపీలో రోజాకు సెగ పెడుతోందెవ‌రు... ?

2026-11-19 12:30 GMT

స్థానిక పీఠాల పై మంత్రుల సతీమణులు.. సర్పంచ్‌గా బీసీ జనార్దన్ రెడ్డి భార్య, ఎంపీపీగా మండిపల్లి సతీమణి!

2026-11-19 12:29 GMT

వైసీపీలో 'మూడు' నియ‌మాలు.. జ‌గ‌న్ స‌మాలోచ‌న‌!

2026-11-19 11:30 GMT

వెయ్యిమంది కాదు బ్రో.. ఒకే సారి 15 వంద‌ల మంది!

2026-11-19 10:30 GMT

ఏపీలో అన్ని పార్టీల‌కు ఇదే స‌మ‌స్యా... వార్నింగ్‌ల‌తో స‌రా..?

2026-11-19 10:03 GMT

విజ‌య‌న‌గ‌రం.. బాబు వ‌రం ఎవ‌రికి?

2026-11-19 09:55 GMT

కష్టజీవులకు భరోసా.. నిర్మాణ రంగానికి ఊతం : ఏపీలో ‘లేబర్ అడ్డా’ల విప్లవం!

2026-11-19 08:05 GMT

రూ.7 కోట్ల ఉద్యోగాల స్కాం : కుట్ర జరిగిందంటున్న జనసేన నేతలు.. అసలు నిజం ఇదే!

2026-11-19 08:02 GMT

ఆకాశంలో అంబానీ 'సిగ్నల్'.. మస్క్‌కు ఇక టెన్షన్ షురూ.. ఇప్పుడు స్పేస్‌లో శాటిలైట్ల జాతర

2026-11-19 06:00 GMT

Copyright @2026

Powered by Blink CMS