కిమ్ కి రహస్య ప్రియురాలు.. స్విట్జర్లాండ్ లో మొదలైన లవ్ స్టోరీ!

ఉత్తర కొరియా అధినేత కిమ్ జోంగ్ ఉన్ కి సంబంధించి ఏ విషయం తెరపైకి వచ్చినా అది క్షణాల్లో వైరల్ అవుతుంటుంది. ఈ క్రమంలో తాజాగా ఒక ఆసక్తికరమైన విషయం వెలుగులోకి వచ్చింది. ఇందులో భాగంగా... ఆయనకు ఒక రహస్య గర్ల్ ఫ్రెండ్ ఉందంటూ.. పలు కార్యక్రమాల్లో ఆమె కిమ్ జోంగ్‌ తో తరచుగా కనిపించే ఆమేనని.. ఆమె పేరు హ్యూన్ సాంగ్ వోల్ అని నెట్టింట ఒక ప్రచారం వైరల్ అవుతోంది.

అవును... ఉత్తర కొరియా అధినేత కిమ్ జోంగ్ ఉన్ పాల్గొన్న తన కార్యక్రమాల్లో నిత్యం కనిపించే ఒక అమ్మాయికి సంబంధించిన ఫోటోలు ఇప్పుడు వైరల్ అవుతున్నాయి. కిమ్ జోంగ్‌ తో తరచుగా కనిపించే ఆమె అతని రహస్య స్నేహితురాలు అని ఒక వార్త తెరపైకి వచ్చింది! ఆమెకు సంబంధించిన ఫోటోలు మొదటిసారిగా వెలుగులోకి వచ్చాయి. ఆమె చాలా అందంగా కనిపిస్తుందనె కామెంట్లు సొంతం చేసుకుంటుంది.

కిమ్ జోంగ్ ఉన్ – హ్యూన్ సాంగ్ వోల్‌ ల ప్రేమకు గుర్తుగా ఒక బిడ్డ కూడా ఉన్నారని చెబుతున్నారు. ది మిర్రర్ నివేదిక ప్రకారం... హ్యూన్ సాంగ్ వోల్.. కిమ్ జోంగ్ ఉన్ ప్రైవేట్ కార్యాలయంలో పనిచేస్తున్నారు. ఇదే క్రమంలో... కిమ్‌ తో కలిసి ఆమె అనేక ప్రదేశాలలో కనిపించిందని చెబుతున్నారు. వాస్తవానికి సింగర్ అయిన ఆమె... కిమ్ జోంగ్ ఉన్ ప్రైవేట్ కార్యాలయంలో పనిచేయడానికి ఆ వృత్తిని వదులుకుందని ఊహాగానాలు షికారు చేస్తున్నాయి.

కిమ్ జోంగ్ ఉన్ రహస్య గర్ల్ ఫ్రెండ్ గా చెప్పే ఈమె... ఉత్తర కొరియాలోని ప్రముఖ గర్ల్ గ్రూప్ మోరన్‌ బాంగ్ బ్యాండ్‌ లో ఉండేవారంట. అయితే ఆమె అక్కడ తన బాధ్యతను వదిలిపెట్టి.. ఇప్పుడు కిమ్ ప్రైవేట్ కార్యాలయంలో పని చేస్తుందని చెబుతున్నారు. ఈ క్రమంలోనే గత వారం ఆమె ప్యోంగ్యాంగ్‌ లో కిమ్‌ తో కనిపించడంతో ఈ విషయం ఒక్కసారిగా తెరపైకి వచ్చి హల్ చల్ చేయడం మొదలుపెట్టిందట.

ఈ క్రమంలో కిమ్ తన రహస్య గర్ల్ ఫ్రెండ్ తో జన్మనిచ్చిన బిడ్డ పేరు కిమ్ ఇల్ బాంగ్ అని మాజీ గూఢచారి ఒకరు వెల్లడించారని చెబుతున్నారు. ఇదే సమయంలో... కిమ్ భార్యకు పుట్టిన మొదటి కుమారుడు చాలా సన్నగా ఉండగా.. గర్ల్ ఫ్రెండ్ కి పుట్టిన కుమారుడు మాత్రం బలంగా ఉన్నాడని చెబుతున్నారంట.

ఇదే క్రమంలో ఆ మాజీ గూఢచారి చెబుతున్న వివరాల ప్రకారం... కిమ్, స్విట్జర్లాండ్‌ లో చదువుకుంటున్న సమయంలో హ్యూన్ ను కలిశాడని.. ఉత్తర కొరియాకు తిరిగి వచ్చిన తర్వాత వారి రిలేషన్ మరింత డెవలప్ అయ్యిందని చెబుతున్నారు. అయితే... కిమ్ తండ్రి మాత్రం ఆమె తో వివాహాన్ని అంగీకరించలేదని.. ఆ రిలేషన్ ని ముగించమని ఆదేశించాడని చెబుతున్నారు! అయితే తండ్రి మరణించిన తర్వాత కిమ్ తిరిగి ఆమెతో సంబంధాన్ని కొనసాగించాడని అంటున్నారు!