• Home
  • Entertainment
  • News
  • Movie Reviews
  • Photos
  • Andhra Pradesh
    Anantapuramu Annamayya Anakapalli Alluri Sitharama Raju Bapatla Dr.B.R.Ambedkar Konaseema Eluru Kakinada NTR Parvathipuram Manyam Palnadu Sri Potti Sriramulu... Tirupati Chittoor East Godavari Guntur YSR Krishna Kurnool Nellore Nandyal
  • Telangana
  • Life Style
  • Sports
  • Lifestyle
  • Crime
  • legal
  • Astrology
  • Business
  • Gadgets
  • Real State
  • Insurance
  • Automobiles
  • Sports
  • Travel
  • Health
  • Education
  • Finance
  • Food
  • Gossip
  • OTT
EntertainmentLatest NewsMovie ReviewsPhoto GalleryAndhra PradeshTelanganaLife StyleSports
Home >  News >  Latest News >  ముగిసిపోతుందనుకున్న...

ముగిసిపోతుందనుకున్న బంధానికి కొత్త ఊపిరి.. ఒక్క కౌగిలింతతో కరిగిన మనసు

| విడాకులకు సిద్ధమైన ఓ మహిళ భర్త చివరి విన్నపంతో మనసు మార్చుకుంది. కన్నీళ్లతో తనను విడిచిపోవద్దని కోరిన భర్తను పరుగెత్తుకుంటూ వెళ్లి హత్తుకుంది. ఈ భావోద్వేగ వీడియో సోషల్ మీడియాలో వైరల్‌గా మారింది. బంధాన్ని కాపాడుకోవడానికి చేసిన ప్రయత్నంపై నెటిజన్లు స్పందిస్తున్నారు.

By - A.N.Kumar
Update: 2026-11-20 17:32 GMT

కొన్ని బంధాలు మాటల తూటాలతో తెగిపోవు.. మరికొన్ని బంధాలు ఒక్క నిజాయితీతో కూడిన కౌగిలింతతో మళ్లీ చిగురిస్తాయి. ఏళ్ల తరబడి సాగిన ప్రయాణానికి ముగింపు పలకాలని భావించి.. విడాకుల పత్రాలపై సంతకం చేసేందుకు సిద్ధమైన ఓ మహిళ.. భర్త చేసిన చివరి విన్నపంతో తన మనసు మార్చుకుంది. పరుగెత్తుకుంటూ వెళ్లి అతడిని గట్టిగా హత్తుకున్న ఆ భావోద్వేగ దృశ్యం ఇప్పుడు సోషల్ మీడియాలో లక్షలాది మంది హృదయాలను తాకుతోంది.

మనిషి జీవితంలో కొన్ని క్షణాలు మనం తీసుకున్న నిర్ణయాలను సైతం ఒక్కసారిగా ప్రశ్నించేలా చేస్తాయి. మనస్పర్థలు.. అపార్థాలు.. తీరని బాధలు.. కోపతాపాలు.. ఇలా ఎన్నో కారణాలు ఒకప్పుడు ప్రాణంగా ప్రేమించుకున్న ఇద్దరి మధ్య అంతులేని దూరాన్ని పెంచుతాయి. పరిష్కారం దొరకని సమస్యలతో విసిగిపోయినప్పుడు ఇక కలిసి నడవడం అసాధ్యమనే భావన కలుగుతుంది. ఆ జంట విషయంలోనూ సరిగ్గా అలాంటి పరిస్థితే ఎదురైంది. ఇకపై తమ దారులు వేరనే నిశ్చయంతో ఆ మహిళ విడాకుల ప్రక్రియ వైపు అడుగులు వేసింది. ఆ సమయంలో ఆమె మనసులో ఎన్ని అంతర్మథనాలు ఉన్నాయో.. ఎన్ని నిద్రలేని రాత్రులు గడిచాయో ఎవరికీ తెలియదు.

విడిపోవడానికి సిద్ధంగా ఉన్న భార్యను చూసిన భర్త.. బంధాన్ని కాపాడుకోవడానికి చివరిసారిగా తన హృదయాన్ని ఆవిష్కరించాడు. తనను విడిచి వెళ్లిపోవద్దని.. మరోసారి తనతో కలిసి కొత్త జీవితాన్ని ప్రారంభిద్దామని కన్నీళ్లతో వేడుకున్నాడు. ఆ మాటల్లోని నిజాయితీ.. ఆ కళ్లలోని ఆవేదన ఆ క్షణంలో ఏదో మాయ చేసినట్లు అనిపించింది.

కొన్ని క్షణాల నిశ్శబ్దం తర్వాత ఆమెలో కదలిక వచ్చింది. అప్పటివరకు తాను తీసుకున్న కఠిన నిర్ణయాన్ని ఒక్క క్షణంలో పక్కనపెట్టింది. ఎటువంటి సంకోచం లేకుండా పరుగెత్తుకుంటూ వెళ్లి భర్తను హత్తుకుంది. ఆ ఆలింగనంలో ఏళ్ల కోపం కరిగిపోయిందా? కలిసి గడిపిన మధుర జ్ఞాపకాలు గుర్తుకొచ్చాయా? లేక తమ బంధానికి మరో అవకాశం ఇవ్వాలనే ఆశ కొత్తగా చిగురించిందా? ఆ దృశ్యాన్ని చూసిన ప్రతి ఒక్కరి మనసులోనూ ఇదే ప్రశ్న మెదులుతోంది.

ఈ వీడియో ఎక్కడ రికార్డ్ అయింది.. అందులో ఉన్న జంట ఎవరు అనే వివరాలు పక్కనపెడితే.. ఆ క్షణంలోని భావోద్వేగం మాత్రం నెటిజన్లను విపరీతంగా ఆకర్షిస్తోంది. ప్రేమ నిజమైనదైతే ఏ అడ్డంకి అయినా కరిగిపోతుంది అంటూ కొందరు కామెంట్లు చేస్తుంటే.. చివరి వరకు బంధాన్ని నిలబెట్టుకోవడానికి చేసిన ప్రయత్నం అభినందనీయం అంటూ మరికొందరు తమ అభిప్రాయాలను పంచుకుంటున్నారు.

సంబంధాలు ఎప్పుడూ ఒకేలా.. పరిపూర్ణంగా ఉండవు. ప్రేమ ఉన్నచోట కోపం.. ఆప్యాయత ఉన్నచోట అపార్థాలు సహజమే. అయితే ఒక్క వీడియో చూసి వారి సమస్యల లోతును పూర్తిగా అంచనా వేయలేం. విడాకుల పత్రాలపై సంతకం ఆగిపోవడం ఒక శుభపరిణామమే అయినప్పటికీ ఇద్దరి మధ్య ఏర్పడిన మనస్పర్థలను పరస్పర గౌరవం.. ఓపిక.. సంభాషణతో పరిష్కరించుకోవడం అంతే ముఖ్యం.

మనసుల్లోని దూరం తొలగి.. ఒకరినొకరు అర్థం చేసుకున్నప్పుడే ఆ బంధానికి నిజమైన అర్థం దక్కుతుంది. కొన్నిసార్లు జీవితంలో అత్యంత శక్తివంతమైన మాట వెళ్లిపోవద్దు కావచ్చు. కానీ అంతకంటే అందమైన సమాధానం.. ఆ మాట విన్న తర్వాత ప్రేమతో ముందుకు వేసే ఒక్క అడుగు..


Full View


Tags:    
  • divorce 
  • husbandandwife 
  • couplegoals 
  • marriagerelationship 
  • emotionalmoment 

Similar News

నిన్న పవన్...నేడు షర్మిల...జగన్ స్ట్రాంగ్ డెసిషన్

2026-11-20 17:40 GMT

నడిచే బంగారు దుకాణంలా 'గోల్డ్ మ్యాన్'.. రూ.7 కోట్ల ఆభరణాలతో వైరల్

2026-11-20 17:37 GMT

యాడ్స్ లేవు.. టీఆర్పీ లేదు.. తెలుగు న్యూస్ ఛానళ్లు రన్ ఎలా ?

2026-11-20 17:36 GMT

సీఎంగా లోకేష్.... చంద్రబాబు పాత్ర ఏంటి....రాజకీయ సమీకరణాలు ఎన్నో !

2026-11-20 17:30 GMT

సహజీవనంలో పుట్టిన బిడ్డ.. ఎవరికి హక్కు.. సుప్రీంకోర్టు కీలక తీర్పు

2026-11-20 17:28 GMT

మంత్రిగారు.. స్పీక‌ర్‌గారూ.. టీడీపీలో ఇంట్ర‌స్టింగ్ డిబేట్‌.. !

2026-11-20 17:27 GMT

కొత్త బండికి మూడేళ్ల స్వేచ్ఛ.. పాత బండికి ఆరు నెలలకో అగ్నిపరీక్ష

2026-11-20 17:26 GMT

వైఎస్ భారతీరెడ్డికి వైసీపీ కీలక బాధ్యతలు.. ఇప్పటికే రంగంలోకి దిగిన మేడం!

2026-11-20 17:25 GMT

విశాఖ కొత్త మేయర్ ఇంట పెను విషాదం.. కూతురి ప్రమాణస్వీకారం చూడకుండానే తండ్రి కన్నుమూత

2026-11-20 17:23 GMT

ఉత్తరాదికి అందలం.. దక్షిణాదికి మొండిచేయి.. అభివృద్ధి అంటే భవనాలు కట్టడమేనా మోదీజీ?

2026-11-20 17:23 GMT

రాజమండ్రిలో ఆసక్తికర పోటీ.. హర్షకుమార్ కోడలు, వైసీపీ రెబల్ ప్రభావం ఎంత?

2026-11-20 17:22 GMT

Copyright @2026

Powered by Blink CMS