అక్కడ రే*ప్ చేస్తే తలలో బుల్లెట్ దిగుద్ది!.. ఏ దేశాల్లో ఏ శిక్ష అంటే..?

మనదేశంలో ఎంత ఘోరమైన నేరం చేసినా ఉరిశిక్ష విధించే అవకాశం చాలా తక్కువ! అతికొన్ని సందర్భాల్లో మాత్రమే ఉరిశిక్షను అమలు చేస్తారు. దీన్ని ఆసరాగా చేసుకొని చాలా మంది ఏమాత్రం భయం లేకుండా మహిళపై వికృత చేష్టలకు దిగుతున్నారనే ఆరోపణ ఉంది. ఈ నేపథ్యంలోనే ఢిల్లీలో 2012 డిసెంబర్ లో ఓ యువతిని అత్యంత దారుణంగా, అత్యంత ఘోరంగా అత్యాచారం చేసి, ఆమె మృతికి కారణమయ్యారు కొంతమంది మృగాళ్లు!

ఈ నేపథ్యంలోనే కేంద్ర ప్రభుత్వం "నిర్భయ" చట్టాన్ని ప్రవేశపెట్టింది. ఆ చట్టం అమలులోకి వచ్చి దశాబ్ధ కాలం దాటింది. ఎన్ని చట్టాలు వచ్చినా.. రే*ప్ చేస్తే మహా అయితే జైల్లో వేస్తారనే చులకన భావం కొంతమందిలో వచ్చేసిందని, అందువల్లే రెచ్చిపోతున్నారని అంటున్నారు. అలా కాకుండా రే*ప్ చేస్తే.. అంగం కోస్తారు.. తల తీస్తారు.. ఉరి వేస్తారు.. అనే భయం ఉంటే తప్ప మృగాళ్లలో మార్పు రాదని పలువురు అభిప్రాయపడుతున్నారు.

ఇటీవల కోల్ కతాలో జూనియర్ వైద్యురాలిపై హత్యాచారం చేశారు! ఈ ఘటన దేశవ్యాప్తంగా తీవ్ర సంచలనంగా మారింది. ఆమెపై అత్యాచారం చేసి, హత్య చేశారనే విషయం తెరపైకి రావడంతో ఒక్కసారిగా దేశం ఉలిక్కిపడింది. ఈ విషయంపై వైద్యులు తీవ్ర నిరసన వ్యక్తం చేస్తున్నారు. వారికి అంతా తోడు నిలిస్తున్నారు. ఈ సమయంలో నిందితుడికి ఉరిశిక్ష విధించాలని అంతా డిమాండ్ చేస్తున్నారు.

ఈ సమయంలో... అత్యంత కఠినమైన శిక్షలు విధించే దేశాలేవో ఇప్పుడు చూద్దాం...!

పాకిస్థాన్: సామూహిక అత్యాచారం, పిల్లలపై అత్యాచారం కేసులలో పాకిస్థాన్ లో మరణశిక్ష విధిస్తారు. మహిళలపై దాడులకు దిగి, వారి అవయువాలు కనిపించేలా చేసినా కూడా మరణశిక్షే విధిస్తారు.

ఆఫ్గనిస్తాన్: ఈ దేశంలో అత్యాచార కేసులో నిందితులకు 4 రోజుల్లోనే శిక్ష అమలుచేస్తారు. కొన్ని సందర్భాల్లో బాధితుల ద్వారానే నిందితుల్ని శిక్ష విధిస్తారు. ఇందులో భాగంగా తుపాకితో తలపై కాల్చడం లేదా బహిరంగంగా ఉరి తీస్తారు.

ఉత్తర కొరియా: నియంత కిమ్ జాంగ్ ఉన్ పాలనలో ఉన్న ఈ దేశంలో అత్యాచారానికి పాల్పడితే తుపాకీతో కాల్చి చంపుతారు. కొన్ని సర్లు తలపై కూడా కాలుస్తారు. వాస్తవానికి ఇక్కడ శిక్ష అంటే అది దాదాపుగా మరణశిఖ అనే భావించాలి!

సౌదీ అరేబియా: అత్యాచార కేసుల్లో నిందిస్తులకు ఈ దేశంలో మత్తు మందు ఇచ్చి బహిరంగంగా తల తీసేస్తారు. కొన్ని సందర్భాల్లో రాళ్లతో కొట్టి చంపుతారు. చాలా అరుదైన సందర్భాల్లో బాధితుల అనుమతితో మరణశిక్షను రద్దు చేసే అవకాశం ఉంటుంది.

ఇరాన్: ఇక్కడ కూడా అత్యాచార నిందితులకు బహిరంగంగానే ఉరి శిక్ష లేదా తుపాకీతో కాల్చడం వంటి శిక్షలు విధిస్తారు. కొన్ని సందర్భాల్లో బాధితుల అనూంతితో ఒక్కోసారి మరణశిక్ష రద్దు చేస్తారు. అలాంటప్పుడు మాత్రం 100 కొరడా దెబ్బలు కొడతారు.

యూఏఈ, ఈజిప్ట్: ఈ రెండు చోట్లా అత్యాచార కేసుల్లో నిందితులకు 7 రోజుల్లోనే మరణశిక్ష అమలు చేస్తారు.

చైనా: ఇక్కడ కూడా అత్యాచారాన్ని తీవ్రమైన నేరంగా పరిగణిస్తారు. ఈ నేపథ్యంలో విచారణ వీలైనంత వేగంగా పూర్తిచేసి దోషుల్ని శిక్షిస్తారు. తుపాకీతో కాల్చడం లేదా పురుషాంగాన్ని తొలగించే శిక్షని అమలుచేస్తుంటారు.