ఏఐ వల్లే జాబ్స్ పోతున్నాయా? అసలు నిజం ఏంటి?

ఈ మధ్య కాలంలో ఉద్యోగ తొలగింపులకు (లేఆఫ్స్‌) ఏఐ (ఆర్టిఫిషియల్ ఇంటెలిజెన్స్‌) కారణమని ఒక అపోహ బలంగా ప్రజల్లోకి వచ్చింది. అయితే నిజానికి ఈ యంత్రమేధ దీనికి కారకం కాదు. అసలు సమస్య కంపెనీల్లో పేరుకుపోయిన వ్యవస్థాత్మక అసమర్థతనే అనడంలో ఎలాంటి సందేహం లేదు.

ఏఐ వచ్చిందని ఉద్యోగుల భద్రత కరిగిపోతోంది.. ఉద్యోగులు భయపడుతున్నారు, మానవ శక్తిని యంత్రాలు తొలగిస్తాయని ఆందోళన చెందుతున్నారు. కానీ ఇక్కడ ఒక ముఖ్యమైన విషయం మరిచిపోతున్నారు. ఏఐ మీ సంస్థను నిర్వాహకంగా మార్చలేదు. అది మీ కంపెనీ ఆర్గనైజేషన్‌ చార్ట్‌ను దెబ్బతీయలేదు. అస్పష్టమైన పాత్ర నిర్వచనాన్ని, బాధ్యతల కేటాయింపును, పనితీరు విధానాలను ఏఐ సృష్టించలేదు. ఇవన్నీ మానవ నేతృత్వం వల్లే ఏర్పడ్డ పొరపాట్లు.

- అసలు కారణం: సంస్థలలో విఫలమైన వ్యవస్థలు

చాలా కంపెనీల్లో విధుల స్పష్టత లేదు. ఎవరు ఏం చేయాలి అనే అవగాహన ఉండదు. యాజమాన్యం ఈ అస్పష్టతను 'సాధారణ దశ'గా భావిస్తుంటుంది. వాస్తవానికి అభివృద్ధికి కొన్ని లోపాలు సహజం. కానీ వాటిని గుర్తించి పరిష్కరించాల్సిన బాధ్యత నాయకత్వంపై ఉంటుంది. అయితే చాలామంది "ఏఐ వస్తోంది, అది సమస్యలను తేలికగా పరిష్కరిస్తుంది" అనే భ్రమలో లేఆఫ్స్‌కు పాల్పడుతున్నారు. ఇది తాత్కాలిక ఉపశమనం మాత్రమే. మూల సమస్య మాత్రం అలాగే మిగిలిపోతుంది.

- ఏఐ అంటే ఉద్యోగి! కానీ బాస్‌ ఎవరు?

ఏఐను ఒక అత్యుత్తమ ఉద్యోగిగా భావించి, ఆ పనిని మానవుల కన్నా త్వరగా, సమర్థవంతంగా చేస్తుందని అనుకోవడం సబబే. కానీ అసలు ప్రశ్న ఆ ఏఐకి హెడ్ ఎవరు? ఆ టూల్‌కు సరైన సమాచారం ఎవరు ఇస్తారు? దాని అవుట్‌పుట్‌ను ఎవరు సమీక్షిస్తారు? వాడే విధానాన్ని ఎవరు నిర్ణయిస్తారు? ఒక కొత్త ఉద్యోగిని నియమిస్తే అతనికి శిక్షణ ఇస్తాం, మార్గనిర్దేశం చేస్తాం, పని ఫలితాలను తనిఖీ చేస్తాం. కానీ అదే ప్రాతిపదికతో ఏఐని తీసుకొస్తే సరైన పద్ధతిలో బాధ్యతలు కేటాయించకుండా వదిలేస్తే, అది కూడా ఒక నిరాశా ఉద్యోగిగా మారిపోతుంది. అంతేకాదు, తప్పుల్ని పెద్దదిగా స్కేల్ చేయగలదు.

- టాలెంట్ మేనేజ్‌మెంట్.. సరైనదైతేనే ఏఐ ఉపయోగపడుతుంది

వాస్తవంగా చూసుకుంటే, కంపెనీలు తప్పుగా ఉద్యోగులను నియమించడమే ఒక పెద్ద సమస్య. అవసరం లేని రోల్స్‌, అనుభవం లేని సిబ్బంది, సంస్థ సంస్కృతికి సరిపడని టాలెంట్‌ను తీసుకోవడమే తర్వాతి దశలో లేఆఫ్స్‌కి కారణమవుతుంది. ఈ సమయంలో ఏఐ వస్తే సమస్య మరింత పెరుగుతుంది. ఎందుకంటే ఏఐతో పని చేసే మిగతా ఉద్యోగులకు సరైన శిక్షణ ఇవ్వకపోతే, వారి పని ప్రభావితమవుతుంది. వారిలో భయాలు పెరుగుతాయి. "రేపు నన్ను కూడా తొలగిస్తారా?" అనే అస్థిరత ఉద్యోగుల నెత్తిన ముప్పుగా నిలుస్తుంది. ప్యూ రీసెర్చ్ సెంటర్ చేసిన ఒక అధ్యయనంలో, సగానికి పైగా ఉద్యోగులు ఏఐ తమ కెరీర్‌పై ప్రతికూల ప్రభావం చూపుతుందని భయపడుతున్నారని వెల్లడించింది.

- ఏఐ – మిమ్మల్ని విమర్శించదు, తప్పును అడుగదు

ఏఐకి 'నైతికత' ఉండదు. మీ నిర్ణయాలపై 'సౌలభ్యంగా' స్పందించదు. మీ చెత్త ఆలోచనలను ప్రశ్నించదు. మీరు ఎలా ఫీడ్ చేస్తే అలా పని చేస్తుంది. మీ సంస్థ ఇప్పటికే అవ్యవస్థగా ఉంటే అదే ఏఐ ద్వారా పెద్ద స్థాయిలో వ్యాప్తి చెందుతుంది. దాన్ని సరి చేయాలంటే సరైన వ్యవస్థలు ఏర్పాటుచేసి, బాధ్యతలను నిర్వచించాలి.

ఏఐను వాడాలని అనుకోవడం తప్పు కాదు. కానీ దాన్ని పూనకంతో కళ్లు మూసుకుని వాడడం ప్రమాదకరం. ముందుగా సంస్థలలో ఉన్న అసమర్థతను దూరం చేయాలి. రోల్స్‌ను స్పష్టంగా నిర్వచించాలి. టాలెంట్‌ను సమర్థవంతంగా నిర్వహించాలి. ఆ తర్వాతే ఏఐను నెమ్మదిగా, సమర్థంగా అనుసంధానం చేయాలి. లేకపోతే అది సమస్యల పరిష్కారం కాక, సమస్యల స్కేల్‌గా మారిపోతుంది.

ఏఐ వల్ల ఉద్యోగాలు పోతున్నాయన్నది ఒక తప్పుడు నిజం. అసలు నిజం ఏంటంటే.. మీ సంస్థలలో ఉన్న విధ్వంసకరమైన వ్యవస్థలే దీనికి ప్రధాన కారణం.