అయ్యో.. ఆ హీరో ఫ్యాన్స్ రవితేజనే తిడుతున్నారా?

టాలీవుడ్​ మాస్ మహారాజా రవితేజ ప్రస్తుతం టైగర్ నాగేశ్వరరావు సినిమా ప్రమోషన్స్​లో ఫుల్​ బిజీగా ఉన్నారు. గ్యాప్ లేకుండా ప్రతి చిన్న అవకాశాన్ని వినియోగించుకుంటూ సినిమాను ప్రేక్షకుల్లోకి తీసుకెళ్లడానికి గట్టిగా ప్రయత్నాలు చేస్తున్నారు. అయితే ఈ క్రమంలోనే కన్నడ రాకింగ్ స్టార్ యశ్​ అభిమానులు రవితేజ విషయంలో హర్ట్ అవుతున్నారు. ఆయనపై అసంతృప్తి వ్యక్తం చేస్తున్నారు ఫైర్ అవుతున్నారు.

వివరాల్లోకి వెళ్తే.. రవితేజ 'టైగర్ నాగేశ్వరరావు' కెరీర్​లోనే మొదటి పాన్ ఇండియా చిత్రమిది. ఈ క్రమంలోనే బాలీవుడ్​లో వరుస ఇంటర్వ్యూలు ఇస్తూ ఆయన ఫుల్​ బిజీగా గడుపుతున్నారు. తాజాగా ఓ బాలీవుడ్ మీడియా ఇంటర్వ్యూలో పాల్గొన్న ఆయన.. యాంకర్ ముందు కొంతమంది సౌత్ సూపర్ స్టార్స్ గురించి తన అభిప్రాయాన్ని వ్యక్తం చేశారు.

రామ్ చరణ్ డాన్స్ అంటే తనకు చాలా ఇష్టమని చెప్పిన రవితేజ... చరణ్​ చాలా మంచి డాన్సర్ అని ప్రశంసించారు. ప్రభాస్​ డార్లింగ్ అని, దర్శకధీరుడు రాజమౌళిలో విజన్ అంటే తనకు చాలా ఇష్టమని పేర్కొన్నారు. కన్నడ హీరో యశ్ గురించి చెప్పమని అడగగా.. "కేజియఫ్ చిత్రం మాత్రమే తాను చూశానని, అతడికి కేజీయఫ్​ లాంటి సినిమా పడటం లక్కీ అని" తెలిపారు. అయితే ఈ కామెంట్స్​ విన్న యశ్ ఫ్యాన్స్​ దీనిపై అసంతృప్తి వ్యక్తం చేశారు. దీంతో సోషల్ మీడియాలో రవితేజపై యశ్ ఫ్యాన్స్ కాస్త మండి పడుతున్నారు. రవితేజ అలా అనడం సరికాదని అంటున్నారు.

కాగా, 'టైగర్ నాగేశ్వరరావు' సినిమా విషయానికి వస్తే.. స్టువర్ట్​పురం గజదొంగ టైగర్ నాగేశ్వరావు బయోపిక్​గా ఈ చిత్రాన్ని తెరకెక్కించారు. బాలీవుడ్ హీరోయిన్ నుపూర్ సనన్, గాయత్రి భరద్వాజ్​ రవితేజ సరసన హీరోయిన్లుగా నటించారు. వంశీ డైరెక్షన్​లో సినిమా తెరకెక్కింది. అభిషేక్ అగర్వాల్ ఆర్ట్స్ బ్యానర్​పై సినిమాను నిర్మించారు.

జీవి ప్రకాష్ కుమార్ సంగీతం అందించారు. ఈ చిత్రం దసరా కానుకగా అక్టోబర్ 20న పాన్ ఇండియా లెవెల్​లో తెలుగుతో పాటు హిందీ, తమిళ, కన్నడ, మలయాళ భాషల్లో ప్రేక్షకుల ముందుకు రానుంది.