3 నెల‌ల్లో ఇంత లుక్కు ఎలా పాజిబుల్?

తీగ లాంటి లుక్కుతో రాకుమారిలా మారిపోవాల‌ని కోరుకోనిది ఎవ‌రు? అయితే బొద్దుగుమ్మ వామిక గ‌బ్బి సైజ్ జీరో రూపానికి మారేందుకు ఎంత‌గా శ్ర‌మిస్తోందో తాజాగా కొన్ని వీడియోలు, ఫోటోల రూపంలో రివీల్ చేసింది. వామిక ఇప్పుడు పూర్తి మేకోవ‌ర్ తో ఆశ్చ‌ర్య‌ప‌రుస్తోంది. కేవ‌లం మూడు నెల‌ల్లోనే ఇంత మార్పు సాధ్య‌మైందా? అని అనుమానించేంతగా ఈ కొత్త లుక్కు షాకిస్తోంది.

హే వైలీ .. అర్జున్... నువ్వు నన్ను 3 నెలల్లో ఈ స్థితికి తీసుకురావాలి. ``మనం డిసెంబర్‌లో ప్రారంభిద్దాం... మీ ప్రయాణానికి శుభాకాంక్షలు గురూజీ`` అని వ్యాఖ్య‌ను జోడించింది. వామిక ఇప్ప‌టికే తాను ఆశించిన మేకోవ‌ర్ ని సాధించింది. మునుముందు మ‌రో ఛాలెంజ్ కి రెడీ అవుతోంది..

వామిక ఇటీవ‌ల వ‌రుణ్ ధావ‌న్ సినిమాలో న‌టించింది. ఆ త‌ర్వాత పెద్ద తెర క‌మిట్ మెంట్ల‌పై స‌రైన స‌మాచారం లేదు. వామిక గ‌త కెరీర్ మ్యాట‌ర్ లోకి వెళితే... బాలీవుడ్ క్లాసిక్ జబ్ వి మెట్ లో ఒక చిన్న పాత్రతో బాలనటిగా ప్రయాణాన్ని ప్రారంభించింది. త‌న యుక్త‌వ‌య‌సులో క‌థానాయిక‌గా మారిపోయింది. తు మేరా 22 మై తేరా 22, ఇష్క్ బ్రాందీ, లాంటి చిత్రాల్లో న‌టించింది. నిక్కా జైల్దార్ సిరీస్ విజయంతో పంజాబీ సినీప‌రిశ్ర‌మ‌లోను గుర్తింపు పొందింది.

వామికా గబ్బి చండీగఢ్‌కు చెందిన పంజాబీ కుటుంబానికి చెందిన యువ‌తి. తండ్రి గోవర్ధన్ గబ్బి, `గబ్బీ` అనే మారుపేరుతో హిందీ - పంజాబీ రెండింటిలోనూ ప్రఖ్యాత రచయిత. చండీగఢ్‌లోని సెయింట్ జేవియర్స్ స్కూల్‌లో తన ప్రారంభ విద్యను పూర్తి చేసింది. చండీగఢ్‌లోని డిఏవీ కళాశాల నుండి ఆర్ట్స్‌లో డిగ్రీని పొందింది. సాహిత్య వాతావరణంలో పెరిగిన వామిక‌ వినోద పరిశ్రమలో సృజనాత్మకంగా రాణించాల‌ని క‌ల‌లు కంది.

ఈ బ్యూటీ రొమాంటిక్ డ్రామా మాలై నెరతు మయక్కంతో తమిళ సినిమాల్లోకి అడుగుపెట్టింది. గోధాతో మలయాళ సినీరంగంలోను ఆరంగేట్రం చేసింది. ఇందులో ఆమె పంజాబీ రెజ్లర్‌గా నటించింది. గోధాలో వామిక‌ నటనకు విమర్శకుల ప్రశంసలు ద‌క్కాయి. హిందీ వెబ్ సిరీస్ గ్రహణ్‌, మై: ఎ మదర్స్ రేజ్, మోడరన్ లవ్: ముంబై లాంటి సిరీస్ ల‌తో వామిక‌ గబ్బి అంద‌రి దృష్టిని ఆకర్షించింది. వామిక‌కు సోష‌ల్ మీడియాల్లో భారీ ఫాలోయింగ్ ఉంది.