సంక్రాంతి బరిలోనే విజయ్.. షూటింగ్ ఎక్కడి వరకు వచ్చిందంటే
| ఈ సినిమా షూటింగ్ 50 శాతం పూర్తి చేసుకుందని చెప్పారు మేకర్స్. సంక్రాంతి పండగకు గ్రాండ్గా రిలీజ్ చేయబోతున్నట్లు స్పష్టత ఇచ్చారు.
రానున్న సంక్రాంతి పండగ.. మూవీ లవర్స్ అందరికీ సందడి సందడిగా మారనుంది. ఇప్పటికే మహేశ్ బాబు 'గుంటూరు కారం', నాగార్జున 'నా సామి రంగా', ప్రశాంత్ వర్మ 'హనుమాన్', రవితేజ 'ఈగల్' ఈ పండక్కి రానుండగా.. ఇప్పుడు విజయ్ దేవరకొండ సినిమా కూడా సంక్రాంతి బరిలోనే దిగనున్నట్లు మరోసారి అధికారికంగా క్లారిటీ ఇచ్చారు ఆ సినిమా మేకర్స్.
ఈ సినిమాకు పరశురామ్ దర్శకుడిగా వ్యవహరిస్తున్నారు. సీతారణం సెన్సేషనల్ బ్యూటీ మృణాల్ ఠాకూర్ హీరోయిన్గా చేస్తోంది. సినిమా రిలీజ్ డేట్ను క్లారిటీ చేయడంతో పాటు షూటింగ్ ప్రొగ్రెస్ వివరాల గురించి కూడా తెలిపారు మేకర్స్. తమ ప్రొడక్షన్ హౌస్ శ్రీ వెంకటేశ్వర క్రియేషన్స్ బ్యానర్ సోషల్ మీడియా అధికార ట్విటర్లో ఈ విషయాల్ని పోస్ట్ చేశారు.
ఈ సినిమా షూటింగ్ 50 శాతం పూర్తి చేసుకుందని చెప్పారు మేకర్స్. సంక్రాంతి పండగకు గ్రాండ్గా రిలీజ్ చేయబోతున్నట్లు స్పష్టత ఇచ్చారు. త్వరలోనే ఈ సినిమా టైటిల్, ఫస్ట్ లుక్ పోస్టర్ను కూడా రిలీజ్ చేయనున్నట్లు మూవీ మేకర్స్ అనౌన్స్ చేశారు. ఫ్యామిలీ అండ్ లవ్ ఎంటర్టైనర్ 'గీత గోవిందం' వంటి సూపర్ హిట్ తర్వాత విజయ్ దేవరకొండ-దర్శకుడు పరశురామ్ కాంబినేషన్లో ఈ సినిమా రావడంతో మూవీపై సినీ ప్రియుల్లో మంచి అంచనాలే ఉన్నాయి.
ఈ సినిమాను కూడా ఫ్యామిలీ ఎంటర్ టైనర్గా దర్శకుడు పరశురామ్ తీర్చిదిద్దుతున్నారట. ఇకపోతే ఎస్వీసీ బ్యానర్లో రానున్న 54వ చిత్రమిది. దిల్ రాజు - శిరీష్ కలిసి సినిమాను గ్రాండ్గా నిర్మిస్తున్నారు. క్రియేటివ్ ప్రొడ్యూసర్గా వాసు వర్మ వ్యవహరిస్తున్నారు.
ఇంకా మూవీ టెక్నికల్ టీమ్ విషయానికొస్తే.. సినిమాటోగ్రఫీ : కేయూ మోహనన్, సంగీతం : గోపీసుందర్, ఆర్ట్ డైరెక్టర్ : ఏ ఎస్ ప్రకాష్, ఎడిటర్ : మార్తాండ్ కె వెంకటేష్, పీ ఆర్ ఓ : జి.యస్.కే మీడియా, వంశీ కాక, క్రియేటివ్ ప్రొడ్యూసర్ : వాసు వర్మ బాధ్యతలు చూసుకుంటున్నారు.