విజయ్ ఫ్యాన్ బేస్‌ కు టెస్ట్.. జననాయగన్ జర్నీ ఎలా ఉంటుందో?

కోలీవుడ్ సినీ ఇండస్ట్రీలో కొందరు హీరోలకు అభిమానులు ఉంటారు.. మరికొందరు హీరోలకు మాత్రం ఒక స్పెషల్ ఫ్యాన్ వరలల్డ్ ఉంటుంది. అలాంటి వారిలో దళపతి విజయ్ ఒకరు. సినిమాలతో పాటు తన ప్రత్యేకమైన మాస్ ఇమేజ్‌ తో కోట్లాది మంది అభిమానులను సంపాదించుకున్న విజయ్.. ఇప్పుడు జననాయగన్ తో మరోసారి ప్రేక్షకుల ముందుకు రాబోతున్నారు. దీంతో ఆ సినిమా రిజల్ట్ పై మాత్రమే కాదు.. విజయ్ స్టార్ పవర్ ఏ స్థాయిలో ఉందో చూపించే సినిమాగా కూడా ఇది మారింది.

విజయ్ సినిమాలకు తమిళనాడులో ఎప్పుడూ భారీ అంచనాలు ఉంటాయి. ఆయన స్క్రీన్‌ పై కనిపించే తీరు, డైలాగ్స్, మాస్ సీన్స్ అభిమానులను థియేటర్లకు రప్పిస్తుంటాయి. ముఖ్యంగా విజయ్ సినిమాల విడుదలను అభిమానులు ఒక పండుగలా జరుపుకోవడం సాధారణంగా కనిపిస్తుంది. ఈ నేపథ్యంలో జననాయగన్ పై కూడా భారీ ఆసక్తి నెలకొంది. ఆ సినిమా విజయ్ కెరీర్‌ లో ప్రత్యేకమైన స్థానాన్ని సంపాదించుకుంది.

ఎందుకంటే సాధారణ స్టార్ హీరో సినిమా కంటే ఎక్కువగా, ఆయన జర్నీలో కీలక దశలో వస్తున్న మూవీగా జననాయగన్ ను ఫ్యాన్స్ భావిస్తున్నారు. విజయ్ సినీ కెరీర్‌ లో ఇది ఒక ముఖ్యమైన మైల్ స్టోన్ గా నిలుస్తుందనే అంచనాలు ఉన్నాయి. ఇక బాక్సాఫీస్ దగ్గర కూడా ఆ సినిమా ఎలాంటి ఎఫెక్ట్ చూపుతుందనే ఆసక్తి నెలకొంది. విజయ్ గత చిత్రాలు కలెక్షన్ల పరంగా కొత్త రికార్డులు సృష్టించిన సందర్భాలు ఉన్నాయి.

ఆయనకు ఉన్న ఫ్యాన్ ఫాలోయింగ్ కారణంగా తొలి రోజు వసూళ్లు ఎప్పుడూ హాట్ టాపిక్ గా మారుతుంటాయి. జననాయగన్ కూడా ఆ విషయంలో స్పెషల్ గా నిలుస్తుందా అనేది చూడాలి. అయితే ప్రస్తుత కాలంలో స్టార్ హీరోలకు కేవలం ఫ్యాన్స్ రెస్పాన్స్ మాత్రమే సరిపోదు. సినిమా కథ, స్క్రీన్ ప్లే, ప్రేక్షకుల రెస్పాన్స్ కూడా విజయాన్ని నిర్ణయిస్తాయి. అభిమానులు భారీ అంచనాలతో థియేటర్లకు వచ్చినా, సాధారణ ప్రేక్షకులను కూడా ఆకట్టుకోవడం సినిమాకు కీలకం కానుంది.

విజయ్ సినిమాల్లో ఎప్పుడూ కనిపించే మాస్ ఎలిమెంట్స్‌ తో పాటు, జననాయగన్ లో భావోద్వేగాలు, సామాజిక అంశాలు కూడా ఉంటాయని ప్రచారం జరుగుతోంది. అందుకే ఆ సినిమా అభిమానులకే కాకుండా సాధారణ ప్రేక్షకుల్లోనూ ఆసక్తిని పెంచుతోంది. మరోవైపు, విజయ్‌ కు ఉన్న అభిమానుల బలం ఆ సినిమాకు అతిపెద్ద బలంగా మారనుంది. తమిళనాడుతో పాటు ఇతర రాష్ట్రాల్లోనూ విజయ్‌ కు మంచి మార్కెట్ ఉంది.

దీంతో జననాయగన్ కేవలం ఒక సినిమా విజయమే కాకుండా, విజయ్ క్రేజ్‌ కు మరో పరీక్షగా మారింది. మరికొన్ని రోజుల్లో రానున్న జననాయగన్ పై ఉన్న అంచనాలు కేవలం సినిమా వరకే పరిమితం కావడం లేదు. విజయ్ అనే స్టార్ హీరోకు ఉన్న ఫ్యాన్ వరల్డ్, ఆయన ఇమేజ్, ప్రేక్షకుల రెస్పాన్స్ ఏ స్థాయిలో ఉందో చూపించే ప్లాట్ ఫామ్ గా ఆ సినిమా మారబోతోంది. ఇప్పుడు అందరి దృష్టి ఆ మూవీ బాక్సాఫీస్ జర్నీపై ఉంది.