పెళ్లి రూమర్స్: ఫైనల్గా ఓ క్లారిటీ ఇచ్చిన విజయ్!
విజయ్ దేవరకొండ, రష్మిక మందన్నల రిలేషన్షిప్ గురించి టాలీవుడ్లో ఎప్పటి నుంచో రూమర్స్ నడుస్తున్నాయి.;
విజయ్ దేవరకొండ, రష్మిక మందన్నల రిలేషన్షిప్ గురించి టాలీవుడ్లో ఎప్పటి నుంచో రూమర్స్ నడుస్తున్నాయి. ‘గీత గోవిందం’, ‘డియర్ కామ్రేడ్’ సినిమాల్లో వీరి ఆన్స్క్రీన్ కెమిస్ట్రీ అభిమానులను ఆకర్షించింది, ఆఫ్స్క్రీన్ కూడా వీరు డేటింగ్లో ఉన్నారనే ఊహాగానాలు బలంగా వినిపిస్తున్నాయి. ఇటీవల సల్మాన్ ఖాన్ ‘సికందర్’ ట్రైలర్ లాంచ్లో రష్మిక పెళ్లి గురించి సూచనప్రాయంగా మాట్లాడటం, ఆమె విజయ్తో లంచ్ డేట్లో కనిపించడం ఈ రూమర్స్కు మరింత బూస్ట్ ఇచ్చాయి.
ఈ నేపథ్యంలో విజయ్ లేటెస్ట్ గా స్పందించిన విధానం హాట్ టాపిక్ గా మారింది. రష్మిక, విజయ్ దేవరకొండ కుటుంబంతో సన్నిహిత బంధాన్ని కొనసాగిస్తోంది. ఇటీవల ఆమె విజయ్ ఇంట్లో దీపావళి సంబరాల్లో పాల్గొనడం, అతని సోదరుడు ఆనంద్ దేవరకొండ కొత్త సినిమా లాంచ్ ఈవెంట్లో కనిపించడం అభిమానులను ఆలోచింపజేస్తోంది.
రష్మిక తరచూ విజయ్ ఇంటి నుంచి ఫోటోలు షేర్ చేయడం, ఇద్దరూ కలిసి విహారయాత్రలకు వెళ్లినట్లు సోషల్ మీడియా పోస్ట్లు బయటపడటం ఈ ఊహాగానాలను మరింత బలపరిచాయి. అయితే, విజయ్, రష్మిక ఇద్దరూ తమ రిలేషన్షిప్ గురించి ఎప్పుడూ బహిరంగంగా నిర్ధారించలేదు, అలాగే తిరస్కరించలేదు.
విజయ్ ఇంటి నుంచి ఫోటోలు, కలిసి విహారయాత్రలు, ఒకే క్యాప్ను షేర్ చేసుకోవడం వంటి సంఘటనలు వీరి బంధాన్ని బయటపెట్టినప్పటికీ, ఇద్దరూ ఎప్పుడూ “మేం స్నేహితులం” అని చెప్పడమే అభిమానులను ఆలోచింపజేస్తోంది. ఈ నేపథ్యంలో విజయ్ తాజాగా ఒక ఇంటర్వ్యూలో స్పందించడం అందరి దృష్టిని ఆకర్షించింది. రష్మికతో తన బంధం గురించి ఆసక్తికర వ్యాఖ్యలు చేశాడు. “రష్మికతో ఇంకా ఎన్నో సినిమాల్లో నటించాలని ఉంది. ఆమె అద్భుతమైన నటి, అందమైన హీరోయిన్. ఆమె చాలా కష్టపడి పనిచేస్తుంది” అని విజయ్ అన్నాడు.
జీవిత భాగస్వామి గురించి అడిగిన ప్రశ్నకు, “ప్రస్తుతం జీవిత భాగస్వామి గురించి ఆలోచించడం లేదు, కానీ ఏదో ఒక రోజు తప్పకుండా పెళ్లి చేసుకుంటా” అని చెప్పాడు. రష్మికలో తన జీవిత భాగస్వామికి కావాల్సిన లక్షణాలు ఉన్నాయా అని అడిగితే, “మంచి మనసు ఉన్న అమ్మాయి ఎవరైనా ఫర్వాలేదు” అని విజయ్ సమాధానమిచ్చాడు.
ఈ సమాధానంతో విజయ్ మరోసారి రష్మికతో రిలేషన్షిప్ గురించి నేరుగా ఏమీ చెప్పకుండా, అభిమానులను ఆలోచింపజేసేలా మాట్లాడాడు. విజయ్ రష్మికల పట్ల ఆమె పనితీరు, వ్యక్తిత్వం గురించి ప్రశంసలు కురిపించడం హాట్ టాపిక్ గా మారింది. ఇక విజయ్ దేవరకొండ రాబోయే సినిమా ‘కింగ్డమ్’ కూడా భారీ బజ్ క్రియేట్ చేస్తోంది. గౌతమ్ తిన్ననూరి డైరెక్షన్లో రూపొందుతున్న ఈ రొమాంటిక్ యాక్షన్ డ్రామాలో ఓ యోధుడి పాత్రలో కనిపించనున్నాడు. భాగ్యశ్రీ బోర్సే హీరోయిన్గా నటిస్తున్న ఈ సినిమా జులై 4న విడుదల కానుంది.