ఓం శాంతి శాంతి శాంతిః.. న్యూ స్టైల్ లో డిఫరెంట్ కాన్సెప్ట్

ఇటీవల టాలీవుడ్‌లో చిన్న సినిమాలు కూడా పెద్దగా ప్రమోట్ అవుతూ ప్రేక్షకులను ఆకర్షిస్తున్నాయి. అదే కోవలో త‌రుణ్ భాస్కర్‌ ఈషా రెబ్బ జంటగా వస్తున్న కొత్త సినిమా "ఓం శాంతి శాంతి శాంతిః" కూడా ప్రీ రిలీజ్ ప్రమోషన్లతో మంచి హైప్‌ను సంపాదించుకుంటోంది. ఎస్‌ ఓరిజినల్స్‌, మూవీ వర్స్ స్టూడియోస్ సంయుక్తంగా నిర్మిస్తున్న ఈ సినిమాను కొత్త దర్శకుడు ఏఆర్ సజీవ్ తెరకెక్కించారు.

ఆగస్టు 1న థియేటర్లలో విడుదల కానున్న ఈ చిత్రం గ్రామీణ నేపథ్యంలో తెరకెక్కుతున్న హాస్యభరిత కథతో ప్రేక్షకులను అలరించనుంది. ఇప్పటికే షూటింగ్ పూర్తిచేసుకున్న ఈ సినిమా టీమ్ తాజాగా టైటిల్ పోస్టర్‌తో పాటు ఒక కాన్సెప్ట్ వీడియోను విడుదల చేసింది. ఈ వీడియోను ప్రత్యేకంగా 2D యానిమేషన్ స్టైల్లో డిజైన్ చేయడం ప్రత్యేక ఆకర్షణ.

ఇందులో కథానాయకుడు, కథానాయిక చేతులతో ఫైట్ మోగుతున్నట్టుగా ఉండగా, మధ్యలో వారిద్దరి మధ్య కలహం ఉన్నట్లు చూపించారు. టైటిల్ చాలా శాంతంగా ఉన్నా, పోస్టర్‌లో మాత్రం ఒక అల్లకల్లోలం కనిపిస్తుంది. అదే ఈ సినిమా కథలో ఉన్న కాన్ట్రాస్ట్‌ను చెబుతుంది. తరుణ్ భాస్కర్ ఈ సినిమాలో అంబటి ఓంకార్ నాయుడు అనే వాన్ డ్రైవర్ పాత్రలో కనిపించనుండగా, ఈషా రెబ్బ కొండవీటి ప్రశాంతిగా ప్రేక్షకుల ముందుకు రానుంది.

వీరిద్దరి వివాహం తర్వాత మొదలయ్యే గొడవలు, రోజువారీ క్లాష్‌లు కథలో ప్రధాన అంశం. కాన్సెప్ట్ వీడియోలో కోళ్లు కాటుకుంటున్నట్టుగా చూపిస్తూ ఈ మ్యారేజ్ డ్రామా ఎలా ఉంటుందో హింట్ ఇచ్చారు. ఈ దృశ్యాలు ప్రేక్షకుల్లో నవ్వు పూయించేలా ఉన్నాయి. సినిమాకు జయకృష్ణ అందించిన ఫోక్ ట్యూన్ మ్యూజిక్ గ్రామీణ వాతావరణాన్ని బాగా ఎలివేట్ చేస్తోంది.

అలాగే సినిమాటోగ్రాఫర్ దీపక్ యేరగరా రూరల్ స్టైల్ విజువల్స్‌కు మంచి ట్రీట్ ఇచ్చారు. పల్లె సంస్కృతి, సంప్రదాయాల మధ్య వాస్తవ జీవిత సన్నివేశాలు, హాస్యం, భావోద్వేగాలు కలగలిపిన కథాంశంతో ఈ సినిమా ప్రేక్షకులను బాగా ఆకట్టుకునేలా ఉంది. రొటీన్ ప్రేమ కథలకు భిన్నంగా ఉండే కథా ప్రవాహం సినిమాకు పెద్ద ప్లస్ అయ్యే అవకాశముంది.

ఈ సినిమాలో బ్రహ్మానందం, బ్రహ్మాజీ, గోపరాజు విజయ్, శివన్నారాయణ (అమృతం అప్పాజీ), బిందు చంద్రమౌళి, అంష్వీ లాంటి నటులు బలమైన బ్యాక్ సపోర్ట్‌గా ఉన్నారు. వీరి పాత్రలు కూడా ప్రేక్షకులను హాస్యంతో అలరించనున్నాయి. రచయిత నందకిశోర్ ఎమని డైలాగ్స్ సినిమాకు హైలైట్‌గా మారతాయన్న అంచనాలు ఉన్నాయి. కథను ఎంతో నేచురల్‌గా రూపొందించిన దర్శకుడు ఏఆర్ సజీవ్‌కి ఇది మంచి అవకాశంగా మారే అవకాశం ఉంది.

ఓం శాంతి శాంతి శాంతిః సినిమాపై ఇప్పటికే ప్రేక్షకుల్లో మంచి క్యూరియాసిటీ ఏర్పడింది. ఆగస్టు 1న వరల్డ్‌వైడ్ థియేటర్లలో విడుదల కానున్న ఈ సినిమా ప్రమోషన్స్ మరింత స్పీడ్ తీసుకుంటే, గ్రాండ్ ఓపెనింగ్ సాధించే ఛాన్స్ కనిపిస్తోంది. గ్రామీణ ప్రేమ కథలకు, డిఫరెంట్ నేరేషన్‌కి ఇష్టపడే ప్రేక్షకులకు ఈ చిత్రం తప్పకుండా కనెక్ట్ అవుతుందని మేకర్స్ చెబుతున్నారు.