విజయ్ సినిమాలకు ఇంత క్రేజ్ ఎందుకు?

సినీ వరల్డ్ లో కొంతమంది హీరోలకు ఉండే క్రేజ్ ప్రత్యేకంగా ఉంటుంది. వారి సినిమాలు రిలీజ్ అవుతున్నాయంటే ప్రేక్షకుల్లో ఓ ప్రత్యేకమైన ఆసక్తి కనిపిస్తుంది. సిల్వర్ స్క్రీన్ పై వారి రోల్స్, డైలాగ్స్, స్టైల్ మాత్రమే కాదు.. వారి జర్నీతో అభిమానులకు ఏర్పడిన రిలేషన్ ఆ క్రేజ్‌ కు కారణమవుతుంది. అలాంటి అరుదైన స్టార్ ఇమేజ్ ఉన్న హీరోల్లో దళపతి విజయ్ ఒకరు.

విజయ్ సినిమాలకు ఉండే క్రేజ్ వెనుక కేవలం సినిమా విజయం మాత్రమే కారణం కాదని ఎక్స్పర్ట్స్ చెబుతున్నారు. ఎన్నో ఏళ్లుగా ఆయన అభిమానులతో ఏర్పరుచుకున్న రిలేషనే ఆయన అసలు బలమని అంటున్నారు. ఒక హీరోగా కాకుండా తమ కుటుంబంలో ఒక వ్యక్తిగా విజయ్‌ ను అభిమానించే వారి సంఖ్య భారీగా ఉంది. నిజానికి విజయ్ కెరీర్‌ లో ఎన్నో రకాల పాత్రలు కనిపించాయి.

ప్రేమ కథలు, యాక్షన్ చిత్రాలు, సామాజిక అంశాలతో కూడిన సినిమాలు.. ఇలా విభిన్నమైన కథలతో ప్రేక్షకులను ఆకట్టుకున్నారు. ముఖ్యంగా సామాన్య ప్రజల సమస్యలను రిఫ్లెక్ట్ చేసే రోల్స్, యువతను ఆకట్టుకునే స్టైల్ ఆయనకు గుర్తింపును తీసుకొచ్చాయి. అయితే తమిళనాడులో విజయ్‌ కు ఉన్న ఫ్యాన్ ఫాలోయింగ్ ఒక కల్చర్ గా మారింది. ఆయన సినిమా విడుదల అంటే అభిమానులకు అది కేవలం ఓ సినిమా కాదు.. ఒక వేడుకలా మారుతుంది.

థియేటర్ల దగ్గర అభిమానుల సందడి, భారీ కటౌట్లు, ప్రత్యేక కార్యక్రమాలు విజయ్ సినిమాలకు ప్రత్యేక ఆకర్షణగా నిలుస్తాయి. విజయ్ అభిమానుల్లో కనిపించే ఆ ఎమోషనే ఆయన స్టార్ పవర్‌ కు ప్రధాన కారణంగా చెప్పవచ్చు. ఒక హీరోను ఇష్టపడటం నుంచి మొదలైన అభిమానం.. మెల్లగా ఒక స్ట్రాంగ్ రిలేషన్ గా మారింది. అందుకే ఆయన సినిమాలపై ప్రేక్షకుల్లో ఎప్పుడూ ప్రత్యేకమైన అంచనాలు ఉంటాయి.

ఇప్పుడు జననాయగన్ విషయంలో అదే ఆసక్తి కనిపిస్తోంది. విజయ్ కెరీర్‌ లో ఆ సినిమా ప్రత్యేకమైన స్థానాన్ని సంపాదించుకుంటుందనే అంచనాలు ఉన్నాయి. ఫ్యాన్స్ తమ అభిమాన హీరోను స్క్రీన్ పై చూడటానికి ఆసక్తిగా ఎదురుచూస్తున్నారు. అయితే విజయ్ ఎఫెక్ట్ తమిళనాడుకే పరిమితం కాలేదు. తెలుగు రాష్ట్రాల్లో కూడా ఆయనకు మంచి ఫ్యాన్ బేస్ ఉంది. ఆయన నటించిన పలు సినిమాలు తెలుగు ప్రేక్షకులను ఆకట్టుకోవడంతో ఇక్కడ కూడా విజయ్‌ కు స్పెషల్ మార్కెట్ ఏర్పడింది.

మరోవైపు విజయ్ పొలిటికల్ జర్నీ కూడా ఆయన ఫ్యాన్స్ లో హాట్ టాపిక్ గా మారింది. సినీ ఇండస్ట్రీలో స్టార్‌ డమ్ అంటే కేవలం కలెక్షన్లు, రికార్డులు మాత్రమే కాదు. ప్రేక్షకుల మనసుల్లో ఎంత స్థానం సంపాదించుకున్నారన్నదే అసలు మెజర్మెంట్. ఆ విషయంలో విజయ్ ప్రత్యేకమైన స్థానాన్ని సంపాదించుకున్నారు. అందుకే విజయ్ సినిమాలు వచ్చినప్పుడు అది కేవలం ఓ మూవీ రిలీజ్ లా కాకుండా అభిమానుల సంబరంలా మారుతుంది. జన నాయగన్ పై కనిపిస్తున్న జోష్ కూడా విజయ్ ఒక హీరో మాత్రమే కాదు.. కోట్లాది మంది అభిమానులకు ఒక ఎమోషన్‌ గా మారిపోయారనే విషయాన్ని మరోసారి గుర్తు చేస్తోంది.