ఎలిగెంట్ లుక్ లో మెస్మరైజ్ చేస్తున్న తమన్నా!

బాలీవుడ్ నుండి టాలీవుడ్ వరకు తన అందం, అభినయంతో కోట్లాది మంది అభిమానులను సంపాదించుకున్న మిల్కీ బ్యూటీ తమన్నా భాటియా, సోషల్ మీడియాలో మరోసారి సెన్సేషన్ క్రియేట్ చేస్తోంది. తాజాగా ఆమె పోస్ట్ చేసిన ఫోటోలు ఇంటర్నెట్‌ను షేక్ చేస్తున్నాయి. ఎప్పుడూ ట్రెండీగా ఉండే తమన్నా, ఈసారి క్లాసిక్ , ఎలిగెంట్ లుక్ లో మెరిసిపోతూ కుర్రకారు గుండెల్లో సెగలు పుట్టిస్తోంది. స్టైలిష్ అవుట్‌ఫిట్‌లో మెరిసిపోతున్న మిల్కీ బ్యూటీ ను చూసి అభిమానులు క్వీన్ ఆఫ్ స్టైల్ అంటూ కామెంట్స్ చేస్తున్నారు..

తమన్నా తన ఫ్యాషన్ సెన్స్ గురించి చెబుతూ ఆభరణాల ఎంపికపై ఆసక్తికర వ్యాఖ్యలు చేశారు. "నాకు ఆభరణాలు అంటే ఎప్పుడూ కేవలం ఇతరుల దృష్టిని ఆకర్షించడం గురించి మాత్రమే కాదు, అవి మన వ్యక్తిత్వానికి ఎంతలా అమరుతాయనేది ముఖ్యం. ఆభరణం మన వ్యక్తిగత శైలిని పెంచాలి తప్ప, అది మనల్ని అధిగమించకూడదు" అని ఆమె పేర్కొన్నారు. తాను ఎప్పుడూ మెరుగైన బేసిక్స్‌ను ఇష్టపడతానని, సహజంగా అనిపించే వస్తువులను ధరించడం, ఒక ఉద్దేశంతో వాటిని సేకరించడం తన అలవాటని వివరించారు. చక్కటి ఆభరణాలలో పెట్టుబడి పెట్టడం అంటే, అవి కేవలం అలంకరణ వస్తువులుగా కాకుండా, మనల్ని మనం వ్యక్తీకరించే విధానంలో ఒక భాగంగా మారాలని ఆమె తన అభిప్రాయాన్ని పంచుకున్నారు.

తమన్నా షేర్ చేసిన తాజా ఫోటోలలో ఆమె ధరించిన అవుట్‌ఫిట్ ఆమె ఎలిగెన్స్‌ను నెక్స్ట్ లెవల్‌కు తీసుకెళ్లింది. మినిమల్ మేకప్, సింపుల్ హెయిర్ స్టైల్ , ఆమె సిగ్నేచర్ స్మైల్‌తో కెమెరాకు ఫోజులిచ్చిన తీరు నెటిజన్లను కట్టిపడేస్తోంది. ఎలిగెన్స్ అంటే కేవలం బట్టలు మాత్రమే కాదు, అది మన ఆటిట్యూడ్‌లో ఉంటుంది అని చెప్పకనే చెబుతోంది ఈ భామ. ఈ పోస్ట్ కింద కొందరు అభిమానులు 'ఎవర్ గ్రీన్ బ్యూటీ' అంటూ కామెంట్లతో ముంచెత్తుతున్నారు. కేవలం కొద్ది నిమిషాల్లోనే ఈ ఫోటోలు లక్షలాది లైకులను సంపాదించుకోవడం తమన్నా క్రేజ్ కు నిదర్శనం.

ప్రస్తుతం తమన్నా తన కెరీర్‌లో అత్యుత్తమ దశలో ఉంది. ఒకవైపు సినిమాల్లో నటిస్తూనే, మరోవైపు ఓటీటీ ప్లాట్‌ఫారమ్స్ పై కూడా తన హవా చాటుతోంది. గత ఏడాది వచ్చిన ఓదెల 2 హిట్ అవ్వడంతో ఆమె జోరు పెరిగింది. హిందీలో కూడా వరుస ప్రాజెక్టులతో బిజీగా ఉంది. కేవలం గ్లామర్ పాత్రలకే పరిమితం కాకుండా, నటనకు ప్రాధాన్యత ఉన్న పాత్రలను ఎంచుకుంటూ తన ప్రత్యేకతను చాటుకుంటోంది. సోషల్ మీడియాలో ఆమె ఇచ్చే ఫ్యాషన్ స్టేట్‌మెంట్స్ యంగ్ హీరోయిన్లకు సైతం గట్టి పోటీనిస్తున్నాయి.

ఫ్యాషన్ ప్రపంచంలో తనదైన ముద్ర వేస్తూ, ఎప్పటికప్పుడు కొత్త లుక్స్‌తో ప్రయోగాలు చేస్తూ మెస్మరైజ్ చేస్తోంది. ఈ లేటెస్ట్ ఎలిగెంట్ లుక్ తమన్నాలోని అసలైన క్లాస్ ను బయటకు తీసింది. ఇలాంటి మరిన్ని అద్భుతమైన లుక్స్‌తో ఆమె మరింతగా అలరించాలని ఫ్యాన్స్ కోరుకుంటున్నారు.