రాత్రంతా నాన్స్టాప్గా కబుర్లు.. ఫహాద్ ఫాజిల్తో సూర్య బాండింగ్!
తాజాగా ఓ ఇంటర్వ్యూలో సూర్య.. మలయాళ వర్సటైల్ యాక్టర్ ఫహాద్ ఫాజిల్తో తనకున్న అనుబంధం, స్నేహం గురించి ఆసక్తికర విషయాలను వెల్లడించారు.
దక్షిణాది చిత్రసీమలో తమదైన వైవిధ్యభరితమైన నటనతో కోట్లాది మంది అభిమానులను సంపాదించుకున్న అగ్ర కథానాయకులు సూర్య, ఫహాద్ ఫాజిల్. వెండితెరపై నటనతో అలరించే ఇద్దరు దిగ్గజ నటుల మధ్య ఆఫ్ స్క్రీన్ లోనూ గాఢమైన స్నేహబంధం ఉంది. తాజాగా ఓ ఇంటర్వ్యూలో సూర్య.. మలయాళ వర్సటైల్ యాక్టర్ ఫహాద్ ఫాజిల్తో తనకున్న అనుబంధం, స్నేహం గురించి ఆసక్తికర విషయాలను వెల్లడించారు.
తమ మధ్య ఉన్నది కేవలం వృత్తిపరమైన సంబంధం మాత్రమే కాదని మధురమైన జ్ఞాపకాలతో కూడిన ప్రాణస్నేహమని పేర్కొన్నారు. `మేమిద్దరం కలిసినప్పుడు సమయమే తెలియదు. తెల్లవారే వరకు నాన్స్టాప్గా కబుర్లు చెప్పుకుంటూనే ఉంటాం. సినిమా, జీవితం, అనుభవాల గురించి తెల్లవారుజాము వరకు మాట్లాడుకున్న రాత్రులు ఎన్నో ఉన్నాయి. ఫహాద్తో గడిపిన ప్రతీ క్షణం ఎంతో ప్రత్యేకమైనది` అని సూర్య భావోద్వేగంగా పంచుకున్నారు.
ఫహాద్ ఫాజిల్ సినిమాలను ఎంచుకునే తీరుపై సూర్య ప్రశంసల వర్షం కురిపించారు. ఇమేజ్ లేదా స్టార్డమ్ పరిమితులకు లొంగకుండా కేవలం కథ , పాత్ర ప్రాధాన్యతకే ప్రాధాన్యత ఇచ్చే ఫహాద్ శైలిని తానెంతో ఇష్టపడతానని చెప్పారు. ప్రయోగాత్మక పాత్రలను ధైర్యంగా స్వీకరిస్తూ ప్రతీ చిత్రంలోనూ వైవిధ్యాన్ని చూపించే ఫహాద్ నటనపై తనకున్న అపారమైన గౌరవాన్ని ఈ సందర్భంగా సూర్య వ్యక్తపరిచారు.
సన్నివేశంలో లీనమై నటించే ఫహాద్ విధానం ఎంతో మంది నటులకు స్ఫూర్తిదాయకమని సూర్య కొనియాడారు. కళ్ళతోనే అభినయం ఒలికించడంలో, ఎలాంటి సంక్లిష్టమైన పాత్రనైనా ఎంతో సహజంగా పండించడంలో ఫహాద్ దిట్ట అని పొగిడారు. కథలోని లోతును అర్థం చేసుకుని, పాత్రకు తగినట్లుగా రూపాంతరం చెందే ఆయన అంకితభావం అద్భుతమని, పరిశ్రమలో అలాంటి నటుడు ఉండటం ఎంతో గర్వకారణమని అభిప్రాయపడ్డారు.
భాషా సరిహద్దులు దాటి దక్షిణాది చలనచిత్ర పరిశ్రమల్లోని నటుల మధ్య ఇలాంటి ఐక్యత, మైత్రి వాతావరణం నెలకొనడం శుభపరిణామం. ఒకరి నటనను మరొకరు గౌరవించుకుంటూ వృత్తిపరంగా, వ్యక్తిగతంగా ఇలాంటి బలమైన బంధాన్ని కొనసాగించడం వారిద్దరిలోని పరిణితికి నిదర్శనమని అభిమానులు హర్షం వ్యక్తం చేస్తున్నారు. సూర్య, ఫహాద్ ఫాజిల్ కలిసి తెరపై కనిపిస్తే చూడాలని అభిమానులు ఎంతో ఆసక్తిగా ఎదురు చూస్తున్నారు.
ఫహాద్ పాజిల్ `పుష్ప` సినిమాతో టాలీవుడ్ లో ఎంత ఫేమస్ అయ్యారో తెలిసిందే. బన్వర్ సింగ్ షెకావత్ పాత్రలో పహాద్ నటనతో అదరగొట్టారు. పార్టీ లేదా పుష్ప అంటూ పాన్ ఇండియాను ఊపేసాడు. పుష్ప విజయం తర్వాత తెలుగులో చాలా సినిమాల్లో అవకాశాలు వచ్చాయి. కానీ ఆయన పాత్రకు తప్ప పారితోషికానికి ప్రాధన్యత ఇచ్చే నటుడు కాకపోవడంతో? ఆ సినిమాలు చేయలేదని పలు సందర్భాల్లో పహాద్ తెలిపిన సంగతి తెలిసిందే.