శ్రీ గౌరీ ప్రియా చెప్పిన టాప్ సీక్రెట్.. ఏంటీ 'వాటర్ మ్యానిఫెస్టేషన్' సీక్రెట్..

యంగ్ అండ్ టాలెంటెడ్ నటి శ్రీ గౌరి ప్రియా ప్రస్తుతం టాలీవుడ్‌లో హాట్ టాపిక్‌గా మారారు. ఇటీవలే విడుదలైన 'చెన్నై లవ్ స్టోరీ' సినిమా బాక్సాఫీస్ వద్ద విజయాన్ని సాధించడంతో ఆమె ఆనందంలో మునిగి తేలుతున్నారు. ఈ సక్సెస్ వెనుక ఆమె నటనతో పాటు రోజూ ఉదయాన్నే పాటించే ఒక పాజిటివ్ అలవాటు కూడా ఉందంటూ ఆసక్తికర విషయాలను పంచుకున్నారు. అదే 'వాటర్ మ్యానిఫెస్టేషన్'. ప్రస్తుతం నెట్టింట తీవ్రంగా వైరల్ అవుతున్న ఆ ఆసక్తికరమైన లైఫ్‌స్టైల్ సీక్రెట్ విశేషాలు ఇవే..

'చెన్నై లవ్ స్టోరీ' సక్సెస్ తుఫాన్:

కిరణ్ అబ్బవరం, శ్రీ గౌరి ప్రియా జంటగా నటించిన 'చెన్నై లవ్ స్టోరీ' చిత్రాన్ని అమృత ప్రొడక్షన్స్, మాస్ మూవీ మేకర్స్ బ్యానర్లపై ప్రముఖ నిర్మాతలు ఎస్‌కేఎన్, సాయి రాజేష్ నిర్మించారు. నిన్న జూలై 24న థియేటర్లలోకి వచ్చిన ఈ సినిమా మొదటి రోజు నుంచే కలెక్షన్ల వర్షం కురిపిస్తోంది. ఫస్ట్ డే రెస్పాన్స్ చూసి చిత్ర యూనిట్ పండగ చేసుకుంటోంది. ఈ సినిమాలో శ్రీ గౌరి ప్రియా నటనకు ప్రేక్షకుల నుంచి విశేష ప్రశంసలు దక్కుతున్నాయి.

ఏమిటీ 'వాటర్ మ్యానిఫెస్టేషన్' మైండ్ ట్రిక్?:

తన లైఫ్‌లో పాజిటివిటీని, సక్సెస్‌ను పెంచడానికి శ్రీ గౌరి ప్రియా రోజూ ఉదయాన్నే 'వాటర్ మ్యానిఫెస్టేషన్' పద్ధతిని పాటిస్తారట. ఇక ఇది నీటిని ఉపయోగించి మనోసంకల్పాన్ని లేదా కోరికలను నెరవేర్చుకునే ఒక వినూత్న ఆధ్యాత్మిక, మానసిక ధ్యాన పద్ధతి. ఉదయం లేవగానే ఫోన్ చూడకుండా, ప్రశాంతమైన వాతావరణంలో ఈ ఆచారాన్ని పాటించడం ద్వారా రోజంతా సానుకూల శక్తులు మనతోనే ఉంటాయని నమ్ముతారు.

ఈ ఉదయపు అలవాటును ఎలా చేయాలి?:

ఈ పద్ధతి చాలా సరళంగా ఉంటుంది. ఉదయాన్నే ఒక గాజు గ్లాసు నిండా మంచి నీటిని తీసుకుని రెండు చేతులతో పట్టుకోవాలి. ఇక మన మనసులో ఉన్న బలమైన కోరికను ఉదాహరణకు: "నేను ఆరోగ్యంగా, సంతోషంగా, విజయవంతంగా ఉన్నాను" వర్తమాన కాలంలో నిజమైనట్లు భావిస్తూ స్పష్టంగా అనుకోవాలి. ఇక ఆ నీరు మన భావాలను గ్రహిస్తుందనే నమ్మకంతో, ఆ కోరిక తీరినందుకు కృతజ్ఞతా భావంతో ఆ నీటిని మెల్లగా తాగాలి.

సోషల్ మీడియాలో ట్రెండింగ్:

శ్రీ గౌరి ప్రియా ఈ సీక్రెట్ మోటివేషనల్ అలవాటును చెప్పటం తో ఫాన్స్ నెటిజన్లు దీనిపై ఆసక్తి చూపిస్తున్నారు. ఇక ఆలోచనలకు, మాటలకు ఉండే శక్తిని నీటి ద్వారా శరీరంలోకి తీసుకునే ఈ 'మోర్నింగ్ వాటర్ రిచువల్' మీ మనసును ప్రశాంతంగా ఉంచడమే కాకుండా లక్ష్యాల వైపు అడుగులు వేసేలా చేస్తుందని నెటిజన్లు కూడా భావిస్తున్నారు.

పాజిటివిటీకి తోడైన కష్టం:

కేవలం ఆలోచనలే కాదు, దాని వెనుక గౌరి ప్రియా పడ్డ కష్టం కూడా 'చెన్నై లవ్ స్టోరీ' రూపంలో ఈరోజు ఆమెకు గొప్ప విజయాన్ని అందించింది. రోజును ప్రశాంతంగా, ప్రారంభించాలనుకునే వారికి ఈ 'వాటర్ మ్యానిఫెస్టేషన్' నిజంగా ఒక ట్రిక్ అని చెప్పవచ్చు. విజయపథంలో దూసుకెళ్తున్న శ్రీ గౌరి ప్రియాకు మరిన్ని శుభాకాంక్షలు తెలుపుదాం.