స్కంద కొత్త పోస్టర్స్.. ఈ కెమిస్ట్రీ కేక
| ఈ పోస్టర్లో రామ్ తెల్ల పంచెకట్టులో గోల్డ కలర్ చీరలో శ్రీలీల చిలిపి సరసాలు, నవ్వూతూ ప్లజెంట్గా కనిపించారు.
ఉస్తాద్ రామ్ పోతినేని హీరోగా బోయపాటి శ్రీను దర్శకత్వంలో రానున్న పాన్ ఇండియా హైవోల్టేజ్ యాక్షన్ ప్యాక్డ్ మూవీ 'స్కంద'. రామ్ కెరీర్లోనే హైయెస్ట్ బడ్జెట్తో ఈ చిత్రాన్ని రెడీ చేస్తున్నారు. యంగ్ సెన్సేషనల్ బ్యూటీ శ్రీలీల హీరోయిన్గా నటిస్తోంది. వీరిద్దరికీ ఇదే మొదటి పాన్ ఇండియా మూవీ. వారియర్ లాంటి డిజాస్టర్ తర్వాత రానున్న ఈ చిత్రంపై రామ్ చాలా హోప్స్ పెట్టుకున్నారు.
అయితే అఖండ లాంటి బ్లాక్ బస్టర్ తర్వాత బోయపాటి నుంచి రాబోతున్న చిత్రం కావడంతో సినిమాపై మంచి అంచనాలు ఉన్నాయి. సెప్టెంబర్ 15న సినిమా రిలీజ్ కానుంది. ఇప్పటికే రిలీజైన గ్లింప్స్, పోస్టర్స్ ఆకట్టుకోగా.. సాంగ్ మాత్రం కాస్త డీలా పరిచింది. కానీ అందులో శ్రీలీల-రామ్ స్టెప్పులు బాగానే ఉన్నాయి. అయితే విడుదల తేదీ దగ్గర పడటం వల్ల ప్రమోషన్స్లో మరింత జోరు పెంచే దిశగా ముందుకెళ్తోంది మూవీటీమ్.
ఈ క్రమంలోనే ఆఫ్లైన్ ప్రమోషన్స్లో భాగంగా తాజాగా మరో రెండు కొత్త పోస్టర్లను రిలీజ్ చేసింది మూవీటీమ్. రెండు పోస్టర్ల ద్వారా సినిమాలో ఎలాంటి కంటెంట్ ఉండబోతుందో తెలిపింది. లవ్ అండ్ యాక్షన్ రెండు అదిరిపోయేలా ఉంటుందని చెప్పింది.
ఓ పిక్లో రామ్ పవర్ఫుల్ యాక్షన్ ప్యాక్డ్గా కనిపించారు. గుబురు గడ్డం, సీరియస్ లుక్లో విలన్లను చితకొడుతూ పవర్ఫుల్గా చూపించారు రామ్. మొత్తంగా మాసీవ్గా ఉన్న ఈ పోస్టర్ బ్యాక్గ్రౌండ్లో విలన్లు, మంటలతో ఆకట్టుకుంటోంది.
మరో పోస్టర్లో రామ్-శ్రీలీల మధ్య లవ్ అండ్ రొమాంటిక్ కెమిస్ట్రీ బాగా చూపించారు. ఫుల్ రొమాంటిక్గా ఉన్న ఈ పోస్టర్లో రామ్ తెల్ల పంచెకట్టులో గోల్డ కలర్ చీరలో శ్రీలీల చిలిపి సరసాలు, నవ్వూతూ ప్లజెంట్గా కనిపించారు. ఇది ఫ్యామిలీ ఆడియెన్స్ను బాగా ఆకట్టుకునేలా ఉంది. మొత్తంగా ఈ రెండు పోస్టర్ల ద్వారా అటు మాస్ ఇటు ఫ్యామిలీ ఆడియెన్స్ను మెప్పించేలా సినిమాను తెరకెక్కించినట్లు వివరించారు.
ఫైనల్గా ఇప్పటికే భారీ అంచనాలు ఏర్పడిన ఈ సినిమా ఈ పోస్టర్స్తో మరింత క్యూరియాసిటీని పెంచింది. ఇకపోతే ఈ సినిమా షూటింగ్ ఇటీవలే ఈ పాట చిత్రీకరణతో పూర్తి చేసుకుంది. తమన్ సంగీతం అందిస్తున్నారు. ఈ చిత్రంలో రామ్ మునుపెన్నడూ చూడని శక్తిమంతమైన పాత్రలో కనిపించనున్నారు. శ్రీనివాసా సిల్వర్‌ స్క్రీన్‌ బ్యానర్పై శ్రీనివాస చిట్టూరి చిత్రాన్ని నిర్మిస్తున్నారు. డీఓపీ సంతోష్ డిటాకే అందిస్తున్నారు. తమ్మిరాజు ఎడిటింగ్ చేస్తున్నారు.