DJ టిల్లుతో నితిన్ మాస్ రచ్చ

నితిన్ నుంచి రాబోతున్న క్రేజీ మూవీ ఎక్స్ ట్రా ఆర్డినరి మ్యాన్. ఈ సినిమాపై నితిన్ ఐతే చాలా కాన్ఫిడెంట్ గా కనిపిస్తూ ఉన్నాడు. వక్కంతం వంశీ దర్శకత్వంలో రూపొందిన ఈ సినిమాకు సంబంధించిన టీజర్ ట్రైలర్ కూడా పాజిటివ్ వైబ్రేషన్స్ క్రియేట్ చేశాయి. అలాగే సాంగ్స్ తో కూడా మంచి హైప్ క్రియేట్ చేస్తున్నారు. ఇక నితిన్ ఎప్పటిలానే ప్రమోషన్స్ లో చాలా కాన్ఫిడెంట్ గా కూడా కనిపిస్తూ ఉన్నాడు.

రెగ్యులర్ గా కాకుండా ఆడియన్స్ ను ఆకట్టుకునే విధంగా విభిన్న తరహాలో ప్రమోషనల్ ఇంటర్వ్యూలు కూడా చేస్తూ ఉండడం విశేషం. ఇక ఎక్స్ ట్రా ఆర్డినరీ మ్యాన్ సినిమా కోసం నితిన్ డీజే టిల్లు ఫేమ్ సిద్దు జొన్నలగడ్డతో కలవడం కూడా వైరల్ అవుతుంది. ఇద్దరి కలయికలో ఒక ఇంటర్వ్యూ రాబోతోంది. ఇక స్పెషల్గా ఒక ప్రోమో కూడా విడుదల చేశారు. అందులో నితిన్ సిద్దు ఇద్దరు కూడా తెలంగాణ యాసలో లోకల్ బాయ్స్ తరహాలో మాట్లాడుకోవడం హైలైట్ గా నిలుస్తుంది.

ఇక డీజే టిల్లు క్యారెక్టర్తో పర్ఫెక్ట్ గా సిద్ధూ నితిన్ తో మాట్లాడుతూ ఉండడం కూడా ఎంతగానో ఎట్రాక్ట్ చేస్తోంది. ఈ సినిమాలో జూనియర్ ఆర్టిస్ట్ గా చేస్తున్నాను అని నితిన్ చెప్పగా ఇంత పెద్ద సినిమా నీ సొంత బ్యానర్ లో చేస్తూ నువ్వు జూనియర్ ఆర్టిస్ట్ గా చేయడం ఏమిటి అని సిద్దు చాలా ఫన్నీగా సెటైర్ వేశాడు. ఇక ఈ విధంగా ఇంటర్వ్యూలో చాలా సరదా డైలాగ్స్ కూడా ఉండబోతున్నట్లుగా అర్థమవుతుంది.

ఏది ఏమైనాప్పటికీ ఈ తరహాలో నేటితరం యువ హీరోలు చాలా స్నేహభావంతో కలిసి సినిమాలను ప్రమోట్ చేసుకుంటున్నారు. నితిన్ ఎక్స్ ట్రా సినిమా డిసెంబర్ 8వ తేదీన విడుదల కాబోతున్న విషయం తెలిసిందే. ఈ సినిమా లో సీనియర్ నటుడు రాజశేఖర్ కూడా ఒక ప్రత్యేకమైన పాత్రలో కనిపించనున్నాడు. తప్పకుండా ఈ సినిమాతో ఎలాగైనా సక్సెస్ అందుకొని ఇదే తరహాలో బిజీ అవ్వాలి అని రాజశేఖర్ కోరుకుంటున్నాడు.

ఇక దర్శకుడు వక్కంతం వంశీకి కూడా ఈ సినిమా సక్సెస్ కావడం చాలా ముఖ్యం. ఎందుకంటే అతను మొదటి డైరెక్ట్ చేసిన నా పేరు సూర్య డిజాస్టర్ అయిన విషయం తెలిసిందే. దీంతో ఈ సినిమా పైన అతను ఎక్కువ స్థాయిలో నమ్మకం పెట్టుకున్నాడు. మరి కమర్షియల్ ఎంటర్టైన్మెంట్ ఫార్మాట్లో రాబోతున్న ఎక్స్ ట్రా ఇలాంటి రిజల్ట్ అందుకుంటుందో చూడాలి.