దేవరకు పోటీగా అలాంటి సినిమా..?

ఎన్టీఆర్ దేవర మరో వారం రోజుల్లో ఆగమనం కాబోతుంది. కొరటాల శివ దర్శకత్వంలో తెరకెక్కుతున్న ఈ సినిమా మీద పాన్ ఇండియా లెవెల్ లో అంచనాలు తారాస్థాయిలో ఉన్నాయి. యువ సుధ ఆర్ట్స్, ఎన్టీఆర్ ఆర్ట్స్ బ్యానర్ కలిసి నిర్మించిన ఈ సినిమాలో తారక్ తో జాన్వి కపూర్ జత కట్టింది. సైఫ్ అలీ ఖాన్ విలన్ గా నటించిన ఈ సినిమా ఈ నెల 27న వరల్డ్ వైడ్ గ్రాండ్ రిలీజ్ అవుతుంది. తెలుగుతో పాటు తమిళంలో కూడా దేవర భారీ రిలీజ్ ప్లాన్ చేస్తున్నారు.

ఐతే దేవర సినిమాకు పోటీగా తమిళ్ లో రెండు సినిమాలు రిలీజ్ అవుతున్నాయి. అందులో ఒకటి విజయ్ ఆంటోని హిట్లర్ కాగా మరోటి కార్తీ హీరోగా వస్తున్న సత్యం సుందరం. 96 సినిమాతో సూపర్ హిట్ అందుకున్న ప్రేమ్ కుమార్ దర్శకత్వంలో తెరకెక్కిన సినిమా సత్యం సుందరం. సినిమా టీజర్ తోనే ఫుల్ కామెడీ ఎంటర్టైనర్ గా వస్తుందని తెలుస్తుంది.

ఐతే ఈ సినిమా గురించి ఒక న్యూస్ ఆడియన్స్ కు షాక్ ఇస్తుంది. దేవరకు పోటీగా అంటే ఒకరోజు తర్వాత రిలీజ్ అవుతున్న సత్యం సుందరం సినిమా లో సాంగ్స్, ఫైట్స్ ఏవి ఉండవట. ఈ విషయాన్ని ఆ సినిమా హీరో కార్తీ చెప్పడం విశేషం. అసలు ఈ టైం లో సాంగ్స్, ఫైట్స్ లేకుండా సినిమా సక్సెస్ అవ్వడం చాలా కష్టం. కానీ ప్రేమ్ కుమార్ వాటికి మించి మంచి కథతో వస్తున్నాడని తెలుస్తుంది.

ఓ పక్క ఎన్టీఆర్ దేవర మాస్ కంటెంట్ తో వస్తుంది. దానికి పోటీగా కార్తీ సత్యం సుందరం మాత్రం నో ఫైట్స్ అంటూ వస్తున్నారు. మరి రెండు సినిమాల మధ్య చాలా డిఫరెన్స్ ఉంటుంది. తెలుగులో కూడా సత్యం సుందరం రిలీజ్ ప్లాన్ చేస్తున్నారు. కార్తీకి తెలుగులో కూడా మంచి ఫాలోయింగ్ ఉంది కాబట్టి ఆ సినిమాకు ఇక్కడ మంచి క్రేజ్ ఏర్పడే ఛాన్స్ ఉంది. దేవర టాక్ అటు ఇటైతే తప్ప విజయ్ ఆంటొని హిట్లర్, కార్తీ సత్యం సుందరం సినిమాలను ప్రేక్షకులు పట్టించుకునే పరిస్థితి కనిపించదు. మరి ఈ 3 సినిమాల ఫలితం ఎలా ఉంటుందో ఈ నెల 27, 28న తెలుస్తుంది.