పెళ్ళాంతో వెంకీ ప్రేయసి కథ

విక్టరీ వెంకటేష్ నటిస్తున్న లేటెస్ట్ మూవీ 'సంక్రాంతికి వస్తున్నాం' కోసం ఓ వర్గం ప్రేక్షకులు ఆసక్తిగా ఎదురుచూస్తున్నారు. ఈ సరికొత్త ఎంటర్టైనర్ లో వెంకటేష్ ఓ రిటైర్డ్ పోలీస్ ఆఫీసర్ పాత్రలో కనిపించనున్నారు. ఇక ఐశ్వర్య రాజేష్ భార్యగా, మీనాక్షి ఎక్స్ లవర్ గా కనిపించనున్నట్లు ఇదివరకే క్లారిటీ ఇచ్చారు. హను రవిపూడి దర్శకత్వంలో తెరకెక్కుతున్న ఈ సినిమాను ప్రముఖ నిర్మాత దిల్ రాజు శ్రీ వెంకటేశ్వర క్రియేషన్స్ బ్యానర్‌పై నిర్మిస్తున్నారు.

'సంక్రాంతికి వస్తున్నాం' చిత్రానికి భీమ్స్ సిసిరోలియో సంగీతం అందించగా, మొదటి పాట 'గోదారి గట్టు' ఇప్పటికే ప్రేక్షకుల మన్ననలు పొందింది. ఇది గ్లోబల్ టాప్ 20 వీడియోల జాబితాలో చోటు దక్కించుకుంది. తాజాగా విడుదలైన రెండో పాట 'మీనూ' కూడా అదే స్థాయిలో హిట్ అవుతుందని అంచనా వేస్తున్నారు. ఈ పాట ప్రోమో వెంకటేష్ బర్త్‌డే సందర్భంగా విడుదల చేయగా, అది ప్రేక్షకులను మంత్రముగ్ధులను చేసింది. ఫైనల్ గా ఇప్పుడు ఫుల్ వీడియో లిరికల్ సాంగ్ ను విడుదల చేశారు.

ఈ పాటలో వెంకటేష్ తన భార్య ఐశ్వర్య రాజేష్‌తో ప్రేమ కథను గుర్తు చేసుకుంటూ, తన మాజీ ప్రియురాలు మీనాక్షితో ఉన్న అనుభూతులను పంచుకుంటారు. 'మీనూ' పాటలో వెంకటేష్ పోలీస్ అకాడమీ ట్రైనర్‌గా పనిచేస్తూ, తన ట్రైనీ అయిన మీనాక్షి చౌదరితో ప్రేమలో పడతారు. వారి మధ్య ఉన్న ప్రేమా, అనుబంధాన్ని అందంగా చూపించారు. అయితే, మీనాక్షితో ముద్దు పెట్టుకోవడానికి వీలున్నా, తన మొదటి ముద్దు తన భార్యకు మాత్రమే అని పాటలో చెప్పిన విధానం హైలెట్ అయ్యింది.

ఈ పాటకు అనంత్ శ్రీరామ్ రాసిన సాహిత్యం ఎంతో అందంగా ఉంది. భీమ్స్ స్వరపరిచిన ఈ పాటను ఆయనతో పాటు ప్రణవి ఆచార్య కలసి అద్భుతంగా ఆలపించారు. పాటలో వెంకటేష్, మీనాక్షి మధ్య ఉన్న కెమిస్ట్రీ చాలా అయ్యింది. అలాగే, ఐశ్వర్య రాజేష్‌తో వెంకీ అనుబంధం హోమ్లీ గా ఉంది. భాను మాస్టర్ కొరియోగ్రఫీ అందించిన ఈ పాట, దృశ్యపరంగా ప్రేక్షకులను ఆకట్టుకుంటోంది. పాటతో పాటుగా సినిమాలో వెంకటేష్‌కి ఇద్దరు నటీమణులతో వచ్చే సన్నివేశాలు అందరికీ కనువిందుగా ఉంటాయని సినిమా యూనిట్ చెబుతోంది.

ఈ సినిమాకు సమీర్ రెడ్డి సినిమాటోగ్రఫీ అందిస్తున్నారు, పర్యవేక్షణ డిజైన్ బాధ్యతలను ఎఎస్ ప్రకాష్ నిర్వహించారు. తమిళరాజు ఎడిటర్‌గా వ్యవహరిస్తుండగా, యాక్షన్ సన్నివేశాలకు వి వెంకట్ స్టంట్స్ ని డిజైన్ చేశారు. స్క్రీన్‌ప్లేను ఎస్ కృష్ణ, జి అధినారాయణ రచించారు. టెక్నికల్ గా సినిమా చాలా రిచ్ గా ఉంటుందని, మేకింగ్ లో బెస్ట్ క్వాలిటీని అందించారని సమాచారం. ఈ చిత్రం సంక్రాంతి పండుగ సందర్భంగా జనవరి 14న ప్రపంచవ్యాప్తంగా విడుదలకు సిద్ధమవుతోంది. ఇప్పటికే మొదటి రెండు పాటలు ప్రేక్షకుల హృదయాలను గెలుచుకున్నాయి. అనిల్ రవిపూడి దర్శకత్వంలో వస్తున్న ఈ సినిమా అభిమానుల్లో భారీ అంచనాలు నెలకొల్పింది. వెంకటేష్ తన పాత్రలో ఎలా మెప్పిస్తారో చూడాల్సిందేనని నెటిజన్లు పాజిటివ్ గా స్పందిస్తున్నారు.