గ్యాంగ్‌స్టర్‌కు భ‌య‌ప‌డి స్టార్ డైరెక్ట‌ర్ ఈ త‌ప్పు చేసాడా?

సింగం ఫ్రాంఛైజీతో కాప్ డ్రామాల‌ను మ‌రో లెవ‌ల్లో తెర‌కెక్కించి పోలీస్ వ్య‌వ‌స్థ‌కు గొప్ప గౌర‌వం తెచ్చాడు రోహిత్ శెట్టి. దేశంలోని ప్ర‌తి పోలీస్ గ‌ర్వంతో త‌లుచుకునేలా రోహిత్ శెట్టి హీరోలు తెర‌పై క‌నిపిస్తారు. దీనివ‌ల్ల అత‌డికి పోలీస్ శాఖ‌లో చాలా గౌర‌వం కూడా ద‌క్కుతోంది. అయితే స‌ల్మాన్ ఖాన్ స్నేహితుడు అయినందున రోహిత్ శెట్టిని చంపేస్తామ‌ని గ్యాంగ్‌స్ట‌ర్ లారెన్స్ బిష్ణోయ్ ఇటీవ‌ల బెదిరించిన సంగ‌తి తెలిసిందే.

ఆ త‌ర్వాత శెట్టికి ముంబై పోలీసులు ప‌హారా కాస్తున్నారు. అత‌డికి భారీ బందోబ‌స్త్ ని కూడా ఏర్పాటు చేసారు. ఇలాంటి స‌మ‌యంలో రోహిత్ శెట్టి కొన్ని త‌ప్పులు చేసి పోలీసుల‌కు దొరికిపోవ‌డం చ‌ర్చ‌గా మారింది. ముంబైలో తన ప్రైవేట్ కార్లపై పోలీసు గుర్తులు, ఫ్లాషింగ్ లైట్లను ఉపయోగించినట్లు పోలీసులు ఆరోపిస్తున్నారు.

అయితే రోహిత్ శెట్టి తాను ఎదుర్కొంటున్న గ్యాంగ్ స్ట‌ర్ బెదిరింపుల‌కు భ‌య‌ప‌డి ఇలా చేసాడా? అంటూ నెటిజ‌నులు ఊహాగానాలు సాగిస్తున్నారు. సినిమాల్లో పోలీసుల పరాక్రమాన్ని అద్భుతంగా ఆవిష్కరించే ఆయన తన వ్యక్తిగత జీవితంలో కొన్ని పొరపాట్లు చేసి పోలీసులకే అడ్డంగా దొరికిపోయారు. తన ప్రైవేట్ ఎస్‌యూవీ (SUV) వాహనాలపై అనధికారికంగా పోలీసు గుర్తులు, ఫ్లాషింగ్ లైట్లను ఉపయోగించారనే ఆరోపణలు ఇప్పుడు ఆయనను చట్టపరమైన చిక్కుల్లోకి నెట్టాయి.

ముంబై వీధుల్లో రోహిత్ శెట్టి ప్రయాణిస్తున్న ప్రైవేట్ వాహనాలపై పోలీస్ అని రాసి ఉండటంతో పాటు, పైన ఎరుపు - నీలి రంగు బీకన్ లైట్లు అమర్చి ఉండటం వివాదానికి కేంద్రబిందువు అయింది. మోటార్ వాహనాల చట్టం ప్రకారం.. విధుల్లో ఉన్న ప్రభుత్వ అత్యవసర వాహనాలు మినహా ప్రైవేట్ వ్యక్తులు ఇలాంటి లైట్లను, గుర్తులను వాడటం చట్టరీత్యా నేరం. ఈ వాహనాలకు సంబంధించిన ఫోటోలు, వీడియోలు సోషల్ మీడియాలో వైరల్ కావడంతో ముంబై ట్రాఫిక్ పోలీసులు రంగంలోకి దిగి విచారణ చేపట్టారు. ఆ వాహనాలు ఎవరి పేరు మీద ఉన్నాయి? వాటికి అనుమతులు ఉన్నాయా? అన్న దానిపై వివరణ కోరారు.

అయితే రోహిత్ శెట్టి వంటి సెలబ్రిటీ ఇలాంటి పని ఎందుకు చేశారనే దానిపై నెటిజన్లలో ఆసక్తికరమైన చర్చ నడుస్తోంది. దీనికి ప్రధాన కారణం గ్యాంగ్‌స్టర్ లారెన్స్ బిష్ణోయ్ నుండి ఆయనకు వచ్చిన బెదిరింపులేనని ఊహాగానాలు వినిపిస్తున్నాయి. సల్మాన్ ఖాన్‌కు అత్యంత సన్నిహితుడు కావడంతో రోహిత్ శెట్టిని చంపేస్తామని బిష్ణోయ్ గ్యాంగ్ ఇటీవల హెచ్చరించిన సంగతి తెలిసిందే. ఈ నేపథ్యంలో తన భద్రత కోసమే ఆయన పోలీసు బందోబస్తును తలపించేలా తన వాహనాల కాన్వాయ్‌ను మార్చుకున్నారా? అన్న అనుమానాలు వ్యక్తమవుతున్నాయి.

సాధారణంగా రోహిత్ శెట్టి సినిమా షూటింగ్‌ల సమయంలో భారీ ఎత్తున పోలీసు వాహనాలను ఉపయోగిస్తుంటారు. కానీ షూటింగ్ నెపంతో కాకుండా వ్యక్తిగత ప్రయాణాలకు, ప్రమోషన్లకు కూడా ఇలాంటి గుర్తులు ఉన్న వాహనాలను వాడటంపై అభ్యంతరాలు వ్యక్తమవుతున్నాయి. ఆయన కాన్వాయ్ వెళ్తుంటే అది అసలైన పోలీసు బందోబస్తులా కనిపిస్తోందని.. దీనివల్ల సామాన్య ప్రజలు అయోమయానికి గురవుతున్నారని ఫిర్యాదులు అందాయి. ఒక స్టార్ డైరెక్టర్ అయి ఉండి పోలీసుల గొప్పతనాన్ని చాటే సినిమాలు తీసే వ్యక్తి ఇలా నిబంధనలు ఉల్లంఘించడం విచారకరమని విమర్శలు వస్తున్నాయి.

ప్రస్తుతం ముంబై పోలీసులు ఈ వ్యవహారాన్ని సీరియస్‌గా తీసుకున్నారు. నిబంధనలను అతిక్రమించినందుకు గాను రోహిత్ శెట్టికి భారీ జరిమానా విధించే అవకాశం ఉంది. అంతేకాకుండా అవసరమైతే ఆ వాహనాలను సీజ్ చేస్తామని కూడా హెచ్చరించారు. గ్యాంగ్‌స్టర్ బెదిరింపుల నేపథ్యంలో ఆయనకు ఇప్పటికే పోలీసు పహారా ఉన్నప్పటికీ ప్రైవేట్ వాహనాలపై ఇలాంటి గుర్తులు వాడటం చట్టవిరుద్ధమే అవుతుంది. సినిమాలో చట్టాన్ని కాపాడే హీరోలను చూపించే దర్శకుడు.. నిజ జీవితంలో చట్టానికి దొరికిపోవడం ఇప్పుడు బాలీవుడ్ వర్గాల్లో హాట్ టాపిక్‌గా మారింది.