విక్ర‌మ్ నా దేవుడు...24 ఏళ్ల నా క‌ల ఇది!

చియాన్ విక్ర‌మ్ ఫాలోయింగ్ గురించి చెప్పాల్సిన ప‌నిలేదు. కోట్లాది మంది అభిమానిస్తున్న స్టార్ అత‌ను. న‌టుడిగా ఎంతో మంది ఆరాధిస్తారు. విల‌క్ష‌ణ‌మైన న‌ట‌న‌తోనే విక్ర‌మ్ ఇదంతా సాధించ‌గ‌లిగారు. అలాంటి విక్ర‌మ్ నా దేవుడు అంటూ క‌న్న‌డ న‌టుడు రిష‌బ్ శెట్టి ఆస‌క్తిక‌ర పోస్ట్ పెట్టాడు. ` నా సినిమా ప్ర‌యాణాకి కారకుడు విక్ర‌మ్. ఆయ‌న స్పూర్తితోనే సినిమాల్లోకి వ‌చ్చాను. ఆయ‌న్ని క‌ల‌వ‌డం నాకు 24 ఏళ్ల నుంచి ఉన్న క‌ల‌.

అది ఈరోజు తీరింది. నా దేవుడిని క‌లిసాను. ప్ర‌స్తుతం ఈ భూమ్మీద నా అంత అదృష్ట‌వంతుడు ఎవ‌రూ ఉండ‌రేమో అనిపిస్తుంది. ఆయ‌న నాలాంటి ఎంతో మంది ఆర్టిస్టుల్లో స్పూర్తిని నింపుతున్నారు. అందుకు నేను ఆయ‌న‌కు కృత‌జ్ఞ‌తలు చెబుతున్నా. ల‌వ్ యూ విక్ర‌మ్ స‌ర్` అని రాసుకొచ్చారు. విక్ర‌మ్ తో దిగిన ఓ సెల్పీనీ కూడా పోస్ట్ చేసారు. ప్రస్తుతం ఈఫోటో నెట్టింట వైర‌ల్ గా మారింది. ఒకే ప్రేమ్లో బెస్ట్ యాక్ట‌ర్స్ అంటూ ఓ నెటి జ‌నుడు పోస్ట్ పెట్టాడు.

ఇక రిష‌బ్ శెట్టి గురించి చెప్పాల్సిన ప‌నిలేదు. కాంతార‌తో త‌న‌ని తానే పాన్ ఇండియా స్టార్ గా లాంచ్ చేసుకున్నాడు. కాంతారని తానే స్వీయా ద‌ర్శ‌క‌త్వంలో తెర‌కెక్కించాడు. ఎలాంటి అంచ‌నాలు లేకుండా రిలీజ్ అయిన సినిమా 400 కోట్ల వ‌సూళ్ల‌ను రాబ‌ట్టింది. తెలుగులోనూ సంచ‌ల‌న విజ‌యం సాధించింది. `భూత కోలా` అనే దైవ కాన్సెప్ట్ ఆధారంగా దీన్ని తెర‌కెక్కించిన సంగ‌తి తెలిసిందే.

ప్ర‌స్తుతం ఈ సినిమాకి పీక్వెల్ ని తెరకెక్కిస్తున్నారు. హోంబలే ఫిల్మ్స్ భారీ బ‌డ్జెట్ తో నిర్మిస్తోంది. ఈ సినిమా షూటింగ్ అంతా బెంగుళూరు ఔట‌ర్ లో భారీ ఎత్తున సెట్లు నిర్మించి చేస్తున్నారు. షూటింగ్ మేజార్టీ భాగ‌మంతా సెట్స్ లోనే ఉంటుంది. అవ‌స‌ర‌మైన కీల‌క స‌న్నివేశాల కోసం కర్ణాట‌క అడ‌వుల్ని వినియోగించుకుంటున్నారు.