మ‌న్నారా చోప్రాతో ఆయ‌న కూడానా?
| ఇందులో మ‌న్నారా చోప్రాతో ర‌వికుమార్ కొన్ని కాంబినేషన్ స‌న్నివేశాల్లో న‌టించాడుట. ఆయ‌న పాత్రకి కాస్త నెగిటివ్ ట‌చ్ ఉంటుంద‌ని..హీరోయిన్ టీజ్ చేసేలా ఆ పాత్ర ఉంటుంద‌ని లీకులందుతున్నాయి.
ఓ సినిమా వేదిక పై హీరోయిన్ మ‌న్నారా చోప్రా బుగ్గ‌ల్ని ద‌ర్శ‌కుడు ర‌వికుమార్ చౌద‌రి జుర్రేసిన వైనం అప్ప‌ట్లో ఎంత సంచ‌ల‌న‌మైందో తెలిసిందే. మ‌న్నారా చోప్రా ఆ స‌మ‌యంలో న‌వ్వుతూ అక్క‌డ జ‌రిగిన స‌న్నివేశాన్ని బ్యాలెన్స్ చేసింది. కానీ నెట్టింట ద‌ర్శ‌కుడిపై తీవ్ర విమ‌ర్శ‌లు వెల్లువెత్తాయి. ప‌బ్లిక్ గా ఆ ముద్దులేంట‌ని నెటి జ‌నులంతా మండిప‌డ్డారు. ఇప్పుడు అదే హీరోయిన్ తో క‌లిసి ర‌వి కుమారి చౌద‌రి ఓ సినిమా కూడా చేస్తున్నాడు.
రాజ్ త‌రుణ్ హీరోగా, మ‌న్నారా చోప్రా హీరోయిన్ గా 'తిర‌గ‌బ‌డ‌రా సామి' అనే సినిమా చేస్తున్నాడు. ఈ సినిమా షూటింగ్ కూడా పూర్త‌యింది. ప్ర‌స్తుతం నిర్మాణానంత‌ర ప‌నులు జ‌రుగుతున్నాయి. ఈ నేప‌థ్యంలో ర‌వి కుమార్ చౌద‌రి-మ‌న్నారా గురించి ఓ ఇంట్రెస్టింగ్ న్యూస్ వైరల్ అవుతుంది. ఈ సినిమాకి ర‌వికుమార్ ద‌ర్శ‌కుడు మాత్ర‌మే కాదు. అవ‌స‌రం మేర మ్యాక‌ప్ కూడా ఏసుకున్నార‌ని లీకులందుతున్నాయి.
ఇందులో మ‌న్నారా చోప్రాతో ర‌వికుమార్ కొన్ని కాంబినేషన్ స‌న్నివేశాల్లో న‌టించాడుట. ఆయ‌న పాత్రకి కాస్త నెగిటివ్ ట‌చ్ ఉంటుంద‌ని..హీరోయిన్ టీజ్ చేసేలా ఆ పాత్ర ఉంటుంద‌ని లీకులందుతున్నాయి. అదే నిజ‌మైతే సినిమాలో ఆ స‌న్నివేశాలు మామూలుగా పండ‌వు. ఆఫ్ ది స్క్రీన్ స‌న్నివేశాన్ని చౌదరిగారు గుర్తు చేయ‌డం ఖాయమే. మ‌రి ఈ ప్ర‌చారంలో నిజ‌మెంతో తెలియాల్సి ఉంది.
ఇప్ప‌టికే సినిమాకి సంబంధించిన మ‌న్నారా చోప్రా హాట్ ఫోటోలు నెట్టింట వైరల్ అవుతున్నాయి. అమ్మ‌డిని ద‌ర్శ‌కుడు బోల్డ్ గా హైలైట్ చేసిన‌ట్లు క‌నిపిస్తుంది. ఇందులో మాల్వీ మ‌ల్హోత్రా అనే మ‌రో హీరోయిన్ కూడా ఉంది. మ‌రి ఆ భామ‌ని ఏ రేంజ్ లో హైలైట్ చేస్తున్నారో? చూడాలి. ప్ర‌చారంలో భాగంగా షూటింగ్ కి సంబంధించిన మేకింగ్ వీడియోలు కూడా రిలీజ్ చేయాల‌ని నెటి జనులు కోరుతున్నారు.