ఇప్పుడు తన టైం అంటున్న రష్మిక మందన్నా

కన్నడ బ్యూటీ రష్మిక మందన్నా కిర్రాక్ పార్టీ సినిమా తో మంచి గుర్తింపు దక్కించుకుంది. కన్నడం లో వరుసగా సినిమాలు చేస్తున్న సమయంలో తెలుగు లో ఛలో సినిమాలో ఛాన్స్ దక్కించుకుంది. ఛలో సినిమా తర్వాత విజయ్ దేవరకొండ తో గీత గోవిందం సినిమాలో నటించే అవకాశం రావడంతో రష్మిక కెరీర్ పూర్తిగా టర్న్ అయింది. అంతే కాకుండా స్టార్‌ హీరోయిన్స్ జాబితాలో చేరిపోయింది.

రష్మిక మందన్నా టాలీవుడ్ లో ఒక్కసారిగా స్టార్‌ హీరోయిన్‌ గా మారిపోయింది. స్టార్‌ హీరోల యొక్క మోస్ట్‌ వాంటెడ్‌ హీరోయిన్‌ గా వరుస సినిమాలు చేయడంతో పాటు, తమిళ్ మరియు హిందీ సినిమాల్లో కూడా ఆఫర్లను దక్కించుకుంది. తమిళ్ మరియు హిందీలో ఈమె చేసిన రెండు సినిమాలు కూడా బాక్సాఫీస్ వద్ద నిరాశ పరిచాయి. అయినా కూడా అక్కడి నుంచి ఆఫర్లు వస్తూనే ఉన్నాయి.

సాధారణంగా అయితే హీరోయిన్‌ లు వరుసగా రెండు ఫ్లాప్స్ ని చవి చూస్తే మరో ఆఫర్‌ ని దక్కించుకోవడం కష్టం. కానీ నేషనల్‌ క్రష్ గా దూసుకు పోతున్న రష్మిక మందన్నా మాత్రం తమిళ్‌ మరియు హిందీలో వరుస సినిమాలను చేస్తూనే ఉంది. ముఖ్యంగా హిందీలో ఈమె చేసిన యానిమల్ సినిమాపై అంచనాలు ఆకాశాన్ని తాకేలా ఉన్నాయి.

తాజాగా ఒక చిట్ చాట్‌ లో రష్మిక మందన్నా మాట్లాడుతూ... తినే ప్రతి బియ్యపు గింజ పై మన పేరు రాసి ఉంటుంది అంటారు. అదే నటీ నటులకు కూడా వర్తిస్తుంది. ఏ పాత్ర రాసి పెట్టి ఉంటే ఆ పాత్ర తప్పకుండా వరిస్తుందని రష్మిక చెప్పుకొచ్చింది. ప్రతి ఒక్కరికి కూడా ఏదో ఒక సమయంలో మంచి సమయం అనేది వస్తుంది. ఇప్పుడు తనకు మంచి టైమ్ వచ్చింది.

ప్రస్తుతం తనకు నడుస్తున్న గుడ్ టైమ్‌ వల్లే హీరోయిన్ గా మంచి ఆఫర్లు దక్కించుకుంటున్నట్లుగా చెప్పుకొచ్చింది. తన గుడ్ టైమ్ వల్లే హీరోయిన్‌ గా బిజీగా ఉన్నట్లుగా చెప్పుకొచ్చిన రష్మిక మందన్నా ముందు ముందు కూడా మరిన్ని మంచి సినిమాలతో ప్రేక్షకులను అలరించాలని కోరుకుంటున్నట్లుగా రష్మిక చెప్పుకొచ్చింది.