విజయశాంతి ని గుర్తు చేస్తున్న రష్మిక.. ఆ రేంజ్ గుర్తింపు లభిస్తుందా?

నేషనల్ క్రష్ రష్మిక మందన్న నటిస్తున్న లేటెస్ట్ యాక్షన్ థ్రిల్లర్ మూవీ ‘మైసా’ ఇండస్ట్రీలో హాట్ టాపిక్‌గా మారింది. ఈ సినిమాలో ఆమె గోండు తెగకు చెందిన గిరిజన మహిళగా నటిస్తోందని అందరికీ తెలుసు. అయితే, తాజా సమాచారం ప్రకారం ఇందులో రష్మిక వ్యవస్థపై తిరగబడే ఒక పవర్‌ఫుల్ నక్సలైట్ పాత్రలో కనిపించబోతోందట. ఈ వార్త విన్న సినీ ప్రియులు అప్పట్లో లేడీ అమితాబ్ విజయశాంతి నటించిన విప్లవాత్మక పాత్రలను గుర్తుచేసుకుంటున్నారు. ఆ వివరాలు మీకోసం..

విజయశాంతి రేంజ్‌లో రష్మిక ఊరమాస్ లుక్:

అప్పట్లో లేడీ సూపర్ స్టార్ విజయశాంతి నక్సలైట్ లేదా విప్లవకారిణి పాత్రల్లో నటించి థియేటర్లలో పూనకాలు తెప్పించారు. ముఖ్యంగా 1997లో వచ్చిన ‘ఓసేయ్ రాములమ్మ’ చిత్రం అణగారిన వర్గాల కోసం పోరాడే పాత్రతో ఆమె కెరీర్‌లోనే ఒక మైలురాయిగా నిలిచింది. ఇక ఇప్పుడు ఇన్నేళ్ల తర్వాత మళ్లీ రష్మిక మందన్న కూడా ‘మైసా’ చిత్రంలో అలాంటి ఒక గిరిజన మహిళగా, నక్సలైట్ రోల్‌లో నటిస్తూ ఆనాటి విజయశాంతిని గుర్తుచేస్తోందని ఫ్యాన్స్ ముచ్చటించుకుంటున్నారు.

కెరీర్‌లోనే తొలిసారి ఫుల్‌లెంగ్త్ యాక్షన్ రోల్:

గ్లామర్ రోల్స్, క్యూట్ క్యారెక్టర్లతో మెప్పించిన రష్మిక.. తన కెరీర్‌లోనే ఫస్ట్ టైమ్ ఇలాంటి ఒక ఫెరోషియస్ అండ్ ఫుల్‌లెంగ్త్ యాక్షన్ రోల్ చేస్తోంది. ఇక వ్యవస్థపై ధిక్కార స్వరం వినిపించే ఈ గిరిజన నక్సలైట్ పాత్ర కోసం రష్మిక ప్రత్యేక శ్రద్ధ తీసుకుంటోందట. రవీంద్ర పుల్లె దర్శకత్వం వహిస్తున్న ఈ సినిమా ప్రస్తుతం శరవేగంగా షూటింగ్ జరుపుకుంటోంది. ఇక ఇప్పటికే విడుదలైన ప్రచార చిత్రాల్లో రష్మిక రగ్గడ్ లుక్స్ సినిమాపై అంచనాలను అమాంతం పెంచేశాయి.

‘కాక్‌టైల్ 2’ జోష్‌లో ప్యాన్-ఇండియా ప్లాన్:

ఒకవైపు ‘మైసా’ షూటింగ్‌తో బిజీగా ఉన్న రష్మిక నటించిన మరో క్రేజీ చిత్రం ‘కాక్‌టైల్ 2’ రేపే థియేటర్లలో గ్రాండ్‌గా విడుదల కాబోతోంది. ఈ సినిమా జోష్‌లో ఉండగానే ‘మైసా’ చిత్రానికి సంబంధించిన ఈ నక్సలైట్ లీక్ వైరల్ అవ్వడం ఆమెకు మరింత హైప్ తెచ్చిపెట్టింది. ఈ భారీ యాక్షన్ థ్రిల్లర్‌ను ప్యాన్-ఇండియా లెవెల్లో విడుదల చేయడానికి మేకర్స్ ప్లాన్ చేస్తున్నారు. అయితే ఈ పాత్రకు సంబంధించిన పూర్తి వివరాలు తెలియాలంటే అఫీషియల్ అనౌన్స్‌మెంట్ వచ్చే వరకు ఆగాల్సిందే.

క్యూట్ ఎక్స్‌ప్రెషన్స్‌తో అలరించిన నేషనల్ క్రష్ రష్మిక.. ఇప్పుడు ఏకంగా గన్‌ పట్టి విజయశాంతి తరహాలో విప్లవ నారిగా మారబోతుండటం టాలీవుడ్‌లో సరికొత్త సంచలనం. ఒకవేళ ఈ నక్సలైట్ క్యారెక్టర్ నిజమైతే రష్మిక కెరీర్ నెక్స్ట్ లెవెల్‌కు వెళ్లడం ఖాయం. రేపు వస్తున్నా ‘కాక్‌టైల్ 2’తో పాటు, రానున్న ‘మైసా’ చిత్రం బాక్సాఫీస్ వద్ద ఎలాంటి రికార్డులు క్రియేట్ చేస్తుందో చూడాలి.