రేవంత్ రెడ్డి కుటుంబాన్ని స్వయంగా కలిసి రిసెప్షన్‌కు పిలిచిన రష్మిక..!

రష్మిక మందన్న.. విజయ్ దేవరకొండ పెళ్లి సంబరాలు తెగ వైరల్ అవుతున్నాయి. తాజాగా రష్మిక స్వయంగా తెలంగాణ ముఖ్యమంత్రి రేవంత్ రెడ్డి.. ఆయన కుటుంబాన్ని తన వివాహ రిసెప్షన్‌కు ఆహ్వానించిన ఫొటోలు సోషల్ మీడియాలో వైరల్‌గా మారాయి. ఈ వివాహ విందు మార్చి 4న హైదరాబాద్లో జరగనుంది. ఈ కార్యక్రమం ఘనంగా, ప్రత్యేకంగా ఉండనుందని తెలుస్తోంది.

రష్మిక ముఖ్యమంత్రి రేవంత్ రెడ్డి.. ఆయన కుటుంబాన్ని కలిసింది. ఆ సమయంలో ఆమె ఎంతో ఆప్యాయంగా.. వివాహ రిసెప్షన్‌కు ఆహ్వానం పలికింది. ఈ భేటీలో రష్మిక అందమైన చీరలో కనిపించి అందరి దృష్టిని ఆకర్షించింది. ఆమె సాధారణమైన.. సంప్రదాయ లుక్‌కు మంచి ప్రశంసలు వచ్చాయి. ఈ సందర్భంగా రేవంత్ రెడ్డి భార్య రష్మికకు ఒక బహుమతి ఇవ్వగా, రష్మిక దాన్ని ఆనందంగా స్వీకరించింది.

రష్మిక మందన్న.. విజయ్ దేవరకొండ ఫిబ్రవరి 26న ఉదయ్‌పూర్లో సన్నిహితుల మధ్య వివాహం చేసుకున్నారు. తెలుగు.. కొడవ సంప్రదాయాల ప్రకారం ఈ పెళ్లి జరిగింది. కుటుంబ సభ్యులు మరియు అత్యంత సన్నిహితులు మాత్రమే ఈ వేడుకకు హాజరయ్యారు. ఎలాంటి హడావిడి లేకుండా, సంప్రదాయాలకు ప్రాధాన్యం ఇస్తూ వివాహాన్ని నిర్వహించారు.

పెళ్లి అనంతరం ఈ జంట హైదరాబాద్‌కు తిరిగి వచ్చి ఒక ప్రసిద్ధ ఆలయాన్ని దర్శించి దేవుడి ఆశీస్సులు తీసుకున్నారు. ఆలయ దర్శనానికి సంబంధించిన వీడియోలు సోషల్ మీడియాలో వైరల్ అయ్యాయి.

ఇప్పుడు అందరి దృష్టి హైదరాబాద్‌లో జరగబోయే వివాహ రిసెప్షన్‌పైనే ఉంది. రాజకీయ నాయకులు, సినీ ప్రముఖులు, సన్నిహితులు హాజరయ్యే ఈ కార్యక్రమం ఘనంగా జరగనుందని అంచనా వేస్తున్నారు.