రణ్​బీర్​-రష్మిక రొమాన్స్​.. ఇదెక్కడి గోలరా బాబు

అర్జున్ రెడ్డి ఫేమ్ సందీప్ వంగా దర్శకత్వం వహించిన వైల్డ్ యాక్షన్ ఎంటర్​టైనర్ సినిమా యానిమల్. రణ్​బీర్ కపూర్ - రష్మిక ఈ చిత్రంలో జంటగా నటించారు. రీసెంట్​గా ఈ చిత్రం నుంచి అమ్మాయి అనే సాంగ్ విడుదలై సోషల్​ మీడియాలో ఫుల్ ట్రెండ్ అవుతోంది. పాటలో ఇంటెన్స్ రొమాన్స్​ కెమిస్ట్రీ ఉండటంతో భిన్నాభిప్రాయాలు వినిపిస్తున్నాయి.

రష్మిక ఫ్యామిలీ ముందు ఓ డీప్ లిప్​ కిస్​ చేసుకుంటూ తమ ప్రేమను వ్యక్తపరచడంతో సాంగ్​ ప్రారంభం అవుతుంది. ఆ తర్వాత ఇద్దరి మధ్య లవ్​ డ్రామాటిక్ జర్నీ ప్రారంభమై పెళ్లి వరకు చూపిస్తారు. పాట మొత్తం లిప్​ కిస్​ల వంటి బోల్డ్​ సీన్స్​తో సాగుతుంది.

అయితే ఈ సన్నివేశాలలో.. ఫ్యామిలీ ముందే రణ్​బీర్​ - రష్మిక లిప్ లాక్ కిస్​ పెట్టుకుని ప్రేమను వ్యక్తపరచడం వంటి బోల్డ్​ సీన్​ బాగా హైలైట్ అయింది. అందరూ దీని గురించే మాట్లాడుకుంటున్నారు. ఇంకా ప్రైవేట్ జెట్​లో రణ్​బీర్ ఐకానిక్ టవల్ సీన్​ - చీరలో ఉన్న రష్మికతో బోల్డ్ అండ్ రొమాన్స్​ ఇంటెన్స్​ వంటి సన్నివేశాలను కూడా చూపించారు. ఇవన్నీ యూత్​కు బాగానే ఆకట్టుకున్నప్పటికీ.. రణ్​బీర్​పై భిన్నమైన కాంమెట్స్ చేస్తున్నారు.

ఆలియా భట్ లాంటి అందమైన అమ్మాయితో పెళ్లి అయ్యాక కూడా ఇలాంటి బోల్డ్ సీన్స్​ అవసరమా అంటూ రణ్​బీర్​ను ప్రశ్నిస్తన్నారు. అదే సమయంలో మరికొంతమంది మద్దతుగా నిలుస్తున్నారు. రాకీ ఔర్ రాణి కీ ప్రేమ్ కహానీలో ఆలియా బెడ్​ సీన్స్​లో నటించినప్పుడు ఎందుకు ప్రశ్నించలేదని అడుగుతున్నారు.

అలాగే ఇంకొంతమంది హీరో విజయ్ దేవరకొండను ఇందులోకి లాగుతున్నారు. విజయ్ గర్ల్​ప్రెండ్​ రష్మికతో రణ్​బీర్​ చిల్ కొడుతున్నారంటూ మీమ్స్​ క్రియేట్ చేసి తెగ షేర్ చేస్తున్నారు. మొత్తంగా ఈ సాంగ్​ అందరీ దృష్టిని తమవైపు తిప్పుకుంది. సినిమాపై బజ్ క్రియేట్ చేసింది. ఈ క్రైమ్ థ్రిల్లింగ్ సినిమా డిసెంబర్ 1న గ్రాండ్​గా రిలీజ్ కానుంది. సినిమాలో క్రైమ్​, ఫ్యామిలీ ఎమోషన్స్​, ప్యాషనేట్ రొమాన్స్​ వంటి ఎలిమెంట్స్​ ఉండనున్నాయి.